2015/06/16

Rachel Doležala ođasášši

Rachel Doležal lea geassádan Spokane NAACP presideantavirggis. NAACP lea Amerihkás National Association for the Advancement of Coloured People. Doležal gohččoda iežas čáhppadin, "I identify as black", muhto son lea maid lasihan muhtun dieđuid maid olbmot leat álgán eahpidit, ovdamearkka dihte ovtta liigeáhči (stepfather) birra. Meidne ahte lea "trans-racial". Problema lea dušše ahte su biologalaš váhnemat leaba vielgadat - dahje kaukásialaččat, nu go sii dan dadjet Amerihkás. Dahje dat várra ii leat dušše dat mii lea problema. Áššis orru leamen ollu problemat, ja neahtas sáhttá dáid beivviid lohkat ollu ášši birra.

Munnje lea gelddolaš lohkat muhtun oainnuid áššis, sihke Facebookas ja iešguđet neahttaaviissain. Vuosttaš artihkal maid gávdnen áššis lei dát:

http://www.theatlantic.com/politics/archive/2015/06/rachel-dolezal-and-the-history-of-passing-for-black/395882/

, mas politihkkajournalista Yoni Appelbaum jearahallá eaŋggalsgiela associate professor Baz Dreisingera The Atlantic ovddas Rachel Doležal-riebu ja olles vilges-olmmoš-identifiere-čáhppes-olmmožin-historjjá birra.

No comments: