2013/08/23

dn-debáhtta: sverige skänker bort tillgångar i sameland

njeallje sámi organisašuvnna ovddasteaddji leat otnáš dagens nyheteris čállán buori artihkkala gálloga ruvkestuimmiid birra, mas miellačájeheaddjit ja poliissat dáid beivviid deaivvadit. mun in leat ieš fitnan doppe, in ge leat ovdal nu ollu lohkan áššis, muhto dn-artihkal čilge bures dili.

http://www.dn.se/debatt/sverige-skanker-bort-tillgangar-i-sameland/

lean ipmirdan ahte lávvordaga diibmu 12-15 plánerejuvvo stuora miellačájeheapmi gállogis. eahpidan šattan go ieš dohko, go seammá beaivvi han lea "biggejávrridda", bingesrittet, ja dasa lea álkit munnje beassat, go ii leat nu guhkkin. serven diibmá, ja liikojin nu bures gilvvuide ahte árvvoštalan dán jagi maid sihkkelastit.

dovddan dál ahte šattai veaháš ártegis "buohtastahttin" dán čállosis, go bingesritta ja gállokdemonstrašuvnnat namuhuvvojedje seammá sajis - nubbi hui somá ja nubbi fas hui duođalaš - , muhto eallin lea várra ártet. doarjjun váimmus guktuid lágidemiid.

No comments: