I like SlinCraze ođđa skearru SlinCraze. Including the hit "Sápmelaš" and 6 brand new tracks + hidden bonusmix. Váhnen várrehus - roavis sisdoallu. Nu čuožžu. Parental advisory - explicit lyrics. Nu ii čuoččo. In mun dieđe lea go sisdoallu nu hirbmat roavis. Kánske. Lea gal várra. Ovtta vuohkái. Muhto mu dovdu go dál gulan lea veaháš eará - sympáhtalaš sisdoallu! Dan maid gulan ná vuosttaš guldaleamis addá sympáhtalaš gova SlinCrazes. Buorit lávlagat, buorre musihkka, buorre ráp, buorre juoigan. Oalle cool. Skearrogirjjážis čuožžu vel "knalltøff westcoast hip-hop". Lea somás svinga sihke ráppas ja musihkas. Fillár, buorre rap. Čeahpes guossit vel čađat, mat addet skerrui liigedimenšuvnnaid. Lávlagiid namat leat ovdagovalaččat oanehaččat ja deivet vel bures. Várjalan. Ipmil. Neavri. Atte munnje ándagassii!
Jus hálida leahkit juoga eará go dat mii lea, de sáhttá bártidit. Rievtti mielde lea várra veadjemeahttun leahkit eará go lea. Sáhttá dieđusge maid leat váttis diehtit mii lea, ja mot galgá leat, ja danin šaddá vel váttis čilget mot don leat go don leat juoga eará go dat mii leat...
I little realized how far the Islamic Revolution in Iran in 1979 would transform the Muslim world. (s 64)
Lei várra hui dehálaš olles máilbmái. Ja balddehahtti.
The revolution led by Khomeini promised to return power to the people and restore religious purity to Iran. The events of 1979 in Tehran and the establishment of an Islamic state highlighted to the world the revolutionary potential of Islam and its power to threaten the established order in the Muslim world. (s 66)
Duostat čuožžilit. Lea dieđusge váttis, go álbmoga iešluohttámuš lea njiedjan slash biliduvvan. Khan čállá eará sajis: "In my opinion the greatest damage done to the people of the Indian sub-continent was in the humiliation of slavery and the consequent loss of self-esteem." (s 35) Ja eará sajis: "I am sure a lot of people who wear Western clothes in Pakistan would like to wear shalwar kameez, especially in the heat of the summer, but they just do not have the confidence." (s 50).
Yet here was Khomeini standing up to the West with a new system that was both Islamic and anti-imperialist. (s 67)
Mun muittán ahte liikojin Khomeini. Dieđán ahte ii lean PR (politihkalaččat riekta) dalle, ii ge leat odne ge PR. Dan dihte lean veaháš eahpesihkar galggan go dál čállit dán. Muhto mun árvidan ahte mu lohkkit hálidit ipmirdit maid čálán, eai ge hálit geavahit dan mu vuostá. Go mii lohkat juoidá, mii fertet álohii mannat mielde, mii fertet leat positiivvalaččat čállái. Mii fertet dulkot sániid nu ahte fárrolaga addet meinnega. Jus hálida gávdnat feaillaid, de gávdná gal boasttovuođaid juohke teavsttas. Muhto jus hálida juoidá ipmirdit, de ferte mannat mielde, ovtta vuohkái. Mot nu leš, de čálán dál ahte oidnen juoidá Imam Khomeinis. Dalle. Son lei duostan bissehit juoidá. Son lei duostan dadjat: "A-a. Mii birget ieža. Bidjet báhtui!" Son lei čáffat, dien dáfus. Son lei muđui ge auktoriteara, ja mun in hálit odne dadjat ahte doarjjun dan maid son barggai. Dan in duostta. Lei nu ollu mii šattai boastut. Ja lea čielggas ahte Khomeinis lei ovddasvástádus daidda dohkketmeahttun dáhpáhusaide. Dat lea várra čielggas. In gille dás eanet dan birra čállit.
Siteren baicce Imran Khan go čállá juoidá eará, mii lea psykologalaš dásis. Vaikko lei muslima, de časkkii Pakistana islamiserenpolitihka sutnje áibbas boasttovuohkái. Son hálidii baicce dan vuostá revolteret:
Although I took pride in my Muslim identity, 'Islamization' in Pakistan did not bring me closer to my religion. In fact it had the opposite effect. By nature I always hated being forced to do anything so Zia's imposition of Islamic injunctions upon us just made me want to rebel. (s 77)
Ja Eurohpás lei gusto Islám, vaikko eai lean gal dáppe muslimat. Muhto vuoigatvuohta gávdnui ja buorit systemat, ja juste vuoigatvuohta ja buorit sosiálalaš systemat lea Islám, su mielde:
When I arrived in the UK in the 1970s it was the first time I had seen a proper welfare state. Coming from Ayub Khan's Pakistan, I was amazed by the level of social security (in Europe, bloggejeaddji lasáhus). I felt like the Islamic scholar Muhammad Abduh (1849-1905), who said on his return from a trip to Europe to his home in Egypt: 'I saw no Muslims in Europe but I saw a lot of Islam,' and of his homeland, 'There are a lot of Muslims here but no Islam.' This quotation is perhaps even more relevant today, as the spirit of sharia (Islamic law) is more visible in Western countries than in the Muslim world... The poor in Pakistan have no safety net other than their own families or tribes. (s 80-81)
Mun logan viidáseappot.
How can Pakistan be called an Islamic society? (s 82, ja buot bajábeali siidočujuhusat gullet girjái Pakistan A Personal History, Bantam Press 2011)
Lea sotnabeaivi, ja mii leat ihkku geassán diimmu ruovttoluotta ovtta diimmu. Mun ledjen plánen čállit juoidá wannabeaid birra. Ahte ii leat nu somá gullat Mikael Wiehe go son lea jorgalan Bob Dylan-lávlagiid. Mu mielas gullo ahte son dás want to be juogá eará go dat mii lea. Liikon muđui Mikael Wiehe bures. Muhto juste dás in dieđe. Lea Bob Dylana "Masters of War", muhto Ruoŧa gárvvuin ;)
Lea somát gullat su eará lávlagiid, nu go "Titanic" ja "Fråga Guillermo Marquez Jara". Dain lávlagiin gullo baicce su kreativitehta.
PS. Bajilčála ii mearkkaš ahte mun hálidan dál orrut Iránas. Jurdda go bidjen bajilčállaga lei baicce ahte mun čálán wannabe-instituhta birra, ja mun čálán Irána birra. Want-to-be applied to the case of The Islamic Republic of Iran, so to say.
In nagot mannat olggos. Livččen dieđusge galgan. Odne lea feasta. Bottus lea Halloween-party. Ii leat juohke beaivi. Go juoga dáhpáhuvvá, de lea bággu dohko mannat. Lea dakkár prinsihppa mii lea dáppe unna gilis, juste festema ektui. In dieđe gal galggašii go čuovvut prinsihpa. Lea sullii dego beaivvi prinsihppa. Jus ii leat nu ollu beaivvádat, de lea vuogas fitnat olgun go lea fiinna dálki. Ii leat dušše vuogas, muhto lea beanta bággu. Jus lullin orru, de ii gávdno dakkár bággu, ja buohkat sáhttet ieža válljet goas fitná olgun ja goas ii. Olmmoš sáhttá čuovvut iežas goruda dárbbuid. Sáhttá dasa guldalit. Go hárve lea albma buorre almmolaš feasta Guovdageainnus, de lea measta bággu fitnat olgun dákkár eahkeda. Muhto mun gorut gal dadjá: "Ale! It don dárbbaš! Mana dál buoret nohkkat!" Na ba jus dat lei odne dat galggai dáhpáhuvvat? Na ba jus mun livččen odne galgan fitnat olgun? Jus odne lea mu beaivi? Nei, mun in nagot mannat olggos.
Logan Imran Khana girjjis muhtun siidduid. Lea somá. Finan Álgoálbmogiid filbmakonferánssas, Diehtosiiddas, ja oainnán buori filmma. Lea Lulliamerihkas gos nu buvttaduvvon, in dieđe gos, in ge dieđe mii lei filmma nama, in ge gávnna filmma nama prográmmas mii lea neahtas. Lean saksofovnna čuojahan odne. Čállen Facebookii: "Playing the sax again" och 20 personer har gillat min status. Några har kommenterat. Lean várra lohpidan fitnat olgun odne, muhto dál in nagot. In jáhke. Maid mun doppe? Dánset?
Något helt annat. Stockholmmas lea ođđa neahttabláđđi, masa čohkkejuvvojit Sápmái-guoski áššit eará neahtasiidduin. In leat ollen nu ollu lohkat dál vuos. Adreassa lea: http://paper.li/f-1309029937
Lean guldalan Roy Hargrove odne, mun. In gille dál bidjat eanet videuid deike, mun. Muhto neahtas gávdnojit, videot. Juohkelágan sorta. Lea liegganišgoahtán, viessu. Lihkus. Lea duorastat. Viegan ja viegan, mun, ja váccán birrat birra. Mu favorihtamusihkar lea Dexter Gordon. Lea álo leamašan, muhtumin vajáldahtán, mun. Lea lunddolaš, vajálduhttit. Lea lunddolaš fas muitát. Mannet ja bohtet nu go ieža hálidit, muittut. Gallána, olmmoš. Ii sáhte erinret seamma ášši álot, olmmoš. Lea lunddolaš, johtit. Mii galgat johtit.
Ja The Backbone. Gullabehtet go man várrogasat Dexter čuojaha, dii? In dieđe gulan go ieš, mun. Juo, gulan gal juoidá, mun. Ahte lea váiban, Dexter. Ja liikon dasa, mun. Liikon bures, mun. Go ii leat crazy, son. Go ii leat jalla, Dexter. Ii leat gal goassige várra jalla, Long Tall Dexter. Buollá ain, dolla. Čáhppadat leat suorpmat. Čáhpodahttá daid, omman.
Odne rahpe Guovdageainnus Álgoálbmogiid filbmakonferánssa, gili filbmenolbmot. Ledje Diehtosiiddas ollu násttit. Somá daid oaidnit. Viesus lea dál liekkas. Ii leat heahti. Duđan várra dál fargga, mun. Lea leamašan nu ollu. Dál ii leat várra šat mihkkege. Livččii lohpi vel mannat nohkkat. Leat dieđusge ollu maillat ain maid in leat lohkan, mun. Muhto sáhttet várra ihtážii vuordit, dat... Go ihttin lea bearjadat! Ha det! :)
Ledjen Uppsalas, gullen giellačeahpi gii čilgii erohusa "amas giela" ja "vieris giela" gaskkas. Amas giella lea go don it báljo goassige leat dan gullan, go lea amas, go giella lea beanta ártet. Skuvllas mii lohkat sámegiela vierisgiellan, eat ge amasgiellan. Nu logai giellačeahppi, gii muđui orru dáppe davvin, muhto juste dál lei lulde. Lei miellagiddevaš gullat, erenoamážit jus beaivvi radios gullá olbmuid hupmamin sámegieloahpahusa birra "amasgiellan", nu go odne dahken. Galggašin measta bivdit dien giellačeahpi váldit dien ášši Facebooksiidui "Ártegis ságat".
Lean dál mannamin sisbandy spillet. Muhto dan ovdal. Muhtun sánit amas áššiid birra. Go fárre eará riikii, de šaddá geahččalit addit ruđa daid amas áššiide maidda earát addet ruđa. TV-aksjonen. NRK. Vi rydder for livet. Norsk Folkehjelp. Mun in dieđe mii Norsk Folkehjelp lea. Ferten dan álggus oahppat. Ja de ferten oahppat addit dasa ruđa. Muđui lean hánis ;)
Ja de okta ášši vel. Mun osten girjji Gardermoenis: Pakistan. A Personal History. Imran Khan lea čálli namma. Son lea politihkar, ja lea ovdal leamašan Cricket-proffa. Girji lea aiddo almmuhuvvon, 2011:s. Somá lohkat juoidá Pakestana birra. Mu olbmát Uppsalas hupme Pakistana birra, ja dan systema birra, dan historjjá. Manná vissa oalle heittot juste dál.
Lea ollu maid sáhttá lohkat. Lea buorre dovdu lohkat eŋgelasgillii. Dovdá ahte čuovvu mielde máilmmis :) Duođas. Ja Pakistan lea erenoamáš riika. Lea ollu literatuvra dan birra maid. Mii lávet dadjat ahte sápmelaččaid birra leat ollu teavsttat. Pakistana ja India birra lea maid ollu čállon. 1800-logus ledje eŋglánddalaččat doppe, ja sii čálle. Sii šadde vel oahppat gielaid, vai besse gulahallat. Ohppe omd baločigiela :)
Doivon ráhkisvuohta (ja kontákta, oktavuohta, relašuvdna) lei galgan guovtti olbmo gaskka, ii ge guovtti soga. Ja nu lea várra.
På slaget! En bok om körledning. Thomas Caplin lea čállán, dárogillii álggus, ja de lea deaksta jorgaluvvon ruoŧagillii, ja mun lean dan fáhtten.
Lean Oslos. Lean Gardermoenis, lean girddán deike Arlanddas. Mus leat ain muhtun diimmut vuordit - girdi davás manná easkka 15:50. Mus lea vel diimmu báhter dihtoris.
Bearjadaga ledjen sihke nákkahallamis (Från skattemannarätt till nyttjanderätt) ja girjealmmuheamis (Ii dušše duoddaris). Lei somá. Bargu ja friddjavuohta golgaba čoahkkái dán áiggi. In dieđe gánnáhivččii go buorebut daid sirret. Gal olmmoš berre sátset, jus áigu bargat buori barggu. Seammás ii galgga sátset nu ahte váibá. Visot galgá muddagit ja govttolaččat. Balánssain.
Bláđestan girjji, maid osten Uppsalas, På slaget! Oahpan gieđaid lihkadit, gulan movt Thomas Caplin ákkástallá jietnaliggema ovddas dehe vuostá. Son oaivvilda ahte muhtumin lea seamma buorre váccašit tuvrra birra hárjehallanviesu, vai oažžu rupmaša johtui. Ja muđui ahte "liggema" galggašii baicce ipmirdit "ráhkkaneapmin". Galgá ráhkkanahttit koara lávlumii, galgá fokusa gávdnat, oažžut olbmuid fokuseret. Dasa lassin galget juogalágan čanastagat ráhkkaneami ja hárjehallama gaskkas - galggašii heivehit ráhkkaneami hárjehallama sisdollui.
Ruoŧas lei čáppa dálki odne maid (nu go ikte). Dáppe gos dál lean lea measta arvi. Dehe arvi gal várra ii leat, muhto alit ilbmi ii oidno gostege.
Olbmot mannet mu meattá dákko restauráŋggas, mannet nu lahka ahte dovddan biekka. Lea vissa nuvttá dáppe surfet. Ožžon beassansáni beavdebiiggás.
In dieđe gos odne galggan heaitit. Livččen galgan vázzit tuvrra. Mun dárbbašan lihkahallat. In leat ollen viehkat dáid beivviid. Lean sihkkelasttán, ja lean vázzán. Muhto gillen go dál vuolgit vázzit? In.
Go orru dihto kultuvrras, de dáidet eará kultuvrrat orrut buorebun. Mun oainnán ovtta olbmo, gii ii hálit munnje dadjat "Bures". Son váldá gieđa, muhto son ii hálit dadjat "Bures", go mun in leat sápmelaš. Son ii daja maidege. Earáide son dadjá "Bures", go sii leat sápmelaččat. Mun veaháš skuffaluvan. In ipmir manne lea nu dehálaš. Dovddan ahte sus lea heajos stiila. Fuobmán Ruoŧa kultuvrras ovtta olbmo, geas lea buorre stiila, Jacques Werup. Logan su divttaid. Tiden i Malmö på jorden. Jurddašan ahte Ruoŧa kultuvra lea rikkis. Ovtta olbmo dihte. Jurddašan ahte Sámi kultuvra lea geaffi. Ovtta olbmo dihte. Mun dieđán, dat ii leat vuoiggalaš. Muhto ná lea. Ná lea eallit dihto kultuvrras. Lea lunddolaš guovlat eará kultuvrraide ja bidjat fuomášumi ovdamuniide mat dain gávdnojit :)
Mun in fárre ovtta olbmo dihte. Mun in báhtar ovtta olbmo dihte. Mun logan baicce Werupa teavstta:
Oron hör ändå inte hemma i den här dikten, i det här ögonblicket är livet så bra det någonsin kan vara, jag har motionerat och låtit bli sprit på en månad... (TiMpj, s 16)
Mus leat leamašan buorit beaivvit Uppsalas. Jacques Werup lea dušše unna oasáš das. Leat ollu eará vásáhusat. Ovdamearkka dihte lei odne erenoamáš beaivi. Lean Uppsala balochaid ollen oaidnit. Lean Studentbokhandelnis girjjiid oastán. Ja somás girjjiid, koarraláidestangirjjid, ferten eará háve govvet ja čájehit. På slaget, vai mot lei namma? Sullii nu. Leimme N:ain dál eahkedis Pub Nittonis, ja doppe gulaime Thomas Arnesen. Ledje nu čeahpit, čuojahedje nu bures. Mun logan viidáseappot girjjis:
jag tror inte på det svåra nu, molnen glider bort och livet, det man har upplevt just intill nu, del för del, oändligt, exakt, det är ens liv. (s 16)
Eller något sånt. Dat lea áibbas okei. Sus leat ollu sánit, muhto mun liikon daidda. Son lea coola. Gulan Bob Dylana Oh Sister. "Our father would not like the way that you act, and you must realize the danger..." :)
Gulan Thomas Marainena Juoiganmátkki. Lea ollu buorit luođit. Liikon ovccádii hui bures, Hurri Biete. Juoigis lea nu buorre rytmihkka.
Ožžon muđui dieđu Stockholmmas ikte. Čuoččui "Hörde mycke bra jojk på fm 89,6 nu." Frequency modulation 89,6 lea Stockholmmas, ja várra olles Ruoŧas, kanála man namma lea "SR Världen". Mun in diehtán gii lei juoigan. Muhto odne go riŋgii, de čilgii lagabui: "Det var helt freakat, typ elgitarr i bakgrunden och en kvinna som jojkade." Son lei hui positiivvalaš, ja jearai in go mun dovdda. Mun lohken ahte sihkkarit leigga Inga Juuso ja Steinar Raknes mat leigga gullon. Son bivddii mu váldit mielde skearru dál ihttin go girddán lulás. In dieđe ollen go. Lea juo maŋit eahket. Ja ihttin manná girdi iđđes árrat.
Jugan liegga sávtta, liegga rukses sávtta. (Muittán ahte oktii lean čállán ahte ii sáhte bidjat guokte adjektiivva maŋálaga. Gal olmmoš olle ollu ruskkaid čállit eallinagis - dál han manai: liegga rukses sákta ;) Ferten vel eanet čázi ligget, lei njálggat.
Mii lávlluimet koarain. Lei hui somá ja manai hui bures. Gal dat lea somá lávlut :)
Jonathan Johansson. Mun in diehtán gii son lei. In leat bidjan fuomášumi. Lean sihkkarit gullan. Son lea dat geas lea diet hitta "Aldrig aldrig ensam". Oh dat lea nu fiinnis. Mun lean gal gullan radios, dehe gos lean gullan? Na radios várra. Dat orru nu oahpis. Ja dál go guldalan dán Jonathan Johanssona, de gávnnan vel eará lávlaga, mii lea buorre. Mun lean nu ilus go beasan lulás. Lean duođaid. Lean go? Na in mun dieđe. Muhto juo, mun jáhkán. Jugan káfe dáppe iežan luhtte. Bloggen. Go mun ledjen čállán divttaid ja mu olmmái T daid logai, go galggaime girjji almmihit, de son čálii kommentáran ovtta diktii mas lei hui ollu ráhkisvuohta/rápmi/stuora sánit: "Druckit för mycket kaffe?" Dainna son oaivvildii ahte ledjen menddo positiivvalaččat čállán, teavsttas ii lean šat oktavuohta máilmmiin, ii lean šat rehálaš... Dál mun čohkkán dáppe dainna káfiin vuohon ja illudan ja rámpon. Illudit gal lea buorre, illudit gal oažžu. Rámpot lea várra dat maid buorre. Hyper, mun lean hyper. Hyhper. Hyber. Hybper. Jonathan Johanssonas leat nu ollu fiinna lávlagat. Livččen buot hálidan liibmet sisa iežan bloggii. Lea go lohpi? Mun čálán ja čálán. Lea lohpi čállit, nu guhká go lea miella badjin. Gopma, buriin gomain? Leat nu ollu maid livččen sáhttán čállit, nu ollu maid lean oahppan. Lea dieđusge patetique, känslostormar, dovdduid biekkat, odne ilus ihttin čieru, nu lea eallin, nu lea. Fitnen olgun dánsumin geasset, dánsejin máŋgga diimmu olgobáikkis man namma lea Birger Jarl. (Dien viesus lea várra ovdal leamašan Sten Sture ja dan ovdal Barowiak, jus dovdabehtet báikki.) Lei somá dánsut. Go lean Ruoŧas lean vel rikkis. Jugan liikká dušše čázi. In leat gal hánis, gal mun sáhtán oastit drinkka. Ledjen doppe iežan riegádanbeaivvis, suoidnemánu loahpas, juhken várra muhtun drinkka nai, ja čázi. Lei hui buorre eahket, buorre musihkka ja ollu olbmot. Gal olmmoš sáhttá eallit iežas muittuid nala guhká. Mun jáhkán muittut nannejuvvojit áiggi mielde, go boarásnuvvat de muitit buorebut, dehe rievtti mielde go boarásnuvvat de šaddet gal muittut deháleappot. Dál gal oažžu diet Jonathan Johansson lávlut veaháš.
Odne lei sisbandy ja dan ovdal gievrrudeapmi ja dan ovdal bargu. Bargu lea somá, vaikko lea gal ollu, ja muhtumin balan ahte lean vajálduhttán juoidá dehálačča, mii ii heive vajálduvvot. Gal dat beaivi várra boahtá.
Odne lei maiddái čoahkkin Beaivvážis, Skábmačuovggas-bihtá plánema várás. Manai bures ja lei somá. Nagodeimmet gal muhtun lávlagiid mearridit. Nu ahte dál diehtit dál juo maid mii hárjehallat gaskavahku diibmu 19:30-21:30...
Okta ášši vel mii lea hui somá lea ahte mun dál lean oastán bileahta lulás. Manan duorastaga girddiin Álaheajus Oslui, ja Oslos Uppsalai. Beasan doppe veaháš váccašit asfáltgáhtaid mielde. Nils Johan Päiviös lea disputašuvdna. Ja mii leat olles joavku mannamin Guovdageainnus :)
Gille go dál viehkat tuvrra? Ii oro riekta miella viehkat, ja beaivi lea juo luoitán. Čohkkán dás sofás, träningsbiktasat nalde, muhto miella ii ilmme. Buorre gal livččii várra maŋŋil. Muhto jus gorut lohká ahte ii gánnát... De galgggašii gullat dan.
Jurddaš ahte juohke vahkkoloahppa leat nu garra nákkáhallamat hoteallas. Muhto nu lea dieđusge, go mii leat buohkat (jus jearat mus) nu nággárat :)
Gal dat lea buorre digaštallat, ja dearvvašlaš. Muhtumin háhppehan lohkat juoidá maid maŋŋil gáđan, muhto nu han šaddá, ii das beasa. Dat lea várra nu, ahte jus hupmá, de šaddá muhtumin feaila. Sávan ahte mii liikká hupmat viidát.
Ja ferten gal áinnas giitit ságastallamiid ovddas. Gal mun goit oahpan ollu!
... muhto video gal ii leat nu buorre. Jus lea lohpi veaháš stoahkat jurdagiiguin, de sáhttá várra ná jurddašit: Hás dás boahtá oidnosii sivva, mii dagai ahte Oasis ii šaddan seamma stuorrát go Beatles, vaikko ieža doivo ahte ledje (ja rámpojedje, jus bures muittán) stuorábut go Beatles, namalassii ahte eai (dehe eaba) lean doarvái coolat. Sáhttá sihkkarit buktit kritihka sin musihkkii maid, muhto boahtá nu hirbmat bures ovdan dán videos ahte lea juoga mii váilu. Mii son diet clowna dahká doppe???
Mun lean veaháš šokkert. Mun in heahpan nu dávja, muhto dán áššis gal oažžu measta dadjat ahte mun heahpanan. Lea somás video. Muhtunlágan humor gal lea.
Gosa galgá bisánit? Facebookas oainnán govaid. Oainnán mu olbmá X, gii lea kyrkoherde muhtun sajis Gasku-ruoŧas. Mun oainnán ruossa su rattis, son lei girkus nuoraidláidesteaddji go mun ledjen nuorran, son lei hui rabasmielalaš. Dađistaga šattai báhppa, ja vel báhpaid hoavda. Dál go oainnán su govaid jurddašan: "Son livččii sáhttán joatkit." X ii dárbbaš girku. Son livččii sáhttán bargat juoidá eará. Son livččii sáhttán njuiket viidáseappot. Muhto son lea duhtan, son lea válljen bisánit.
Lea go várra nu ahte mii buohkat šaddat bisánit juosat? Mii eat sáhte vádjolit viidáseappot ovddosguvlui čađat. Mii fertet válljet duhtat juogamainna. Mii fertet bisánit. Vai? Mun jearan, vaikko eahpidan oaččun go vástádusa. Mun jearan go lea miellagiddevaš jearaldat, miellagiddevaš problema. Munnje lea várra dárbu dál bisánit. Mun lean viehkan ovddos guhká dál. Ikte fuobmájin ahte ledjen massán ovtta diŋgga, ledjen vajálduhttán ovtta diŋgga, ledjen vajálduhttán ovtta rehkega. Dat oažžu várra muhtunlágan konsekveanssaid. Ii leat nu buorre. Ii leat ge máilmmi loahppa ge, ii heađis ge, muhto lea váivves diŋga, hui váivves diŋga, mun lean vajálduhttán máksit juoidá maid galgen máksit, ja dál lea menddo maŋit máksit. Go bohtet máŋga rehkega seamma fitnodagas, de lea bahá doaivut ahte lea máksán visot jus lea máksán ovtta. Sullii nu. Gal mii de oaidnit mot šaddá dáinna.
Boasttain bođii CD mii gullá girjái mii mannan vahkus bođii, ja man birra dalle čállen: Ii dušše duoddaris. CD-skerrui lea John E. Utsi lohkan sisa sániid ja teavsttaid iežas čáppa jienain. Jus oastá girjji, de oažžu vissa dán CD mielde. Muhto go CD ii lean vuos gárvvis mannan vahkus, de bođii easkka odne. Hálidan goit giitit dan ovddas! Somá gullat dan.
Eará CD-ođas mii gullá otnážii lea dieđusge čeahpes juoigi Inger Marie Niluha ođđa skearru "Silkoniid". In leat vuos ollen nu ollu guldalit, muhto gulan gal ahte lea buorre juoigan, ja fiinna luođit. Dasa lassin lea musihkka, maid Bernt Mikkel Haglund lea buvttadan ja bádden, buorre.
Gielalaččat sáhtán gommenteret ahte buot luohtenamat leat akkusatiivahámis (dehe vejolaččat genitiivvas). Jus eará skearruin livččii čužžon "Gáhteriinna-áhkku", de čuožžu dán skearrus "Gáhteriinna-áhku" luođi namman. In dieđe mot galgá dán dulkot, ferten veaháš smiehttat. Skearrus lea iešalddis namma akkusatiivvas: "Silkoniid". Kánske lea jurdda ahte galgá mahkáš lohkat: "Inger Marie Nilut juoigá Silkoniid."
Mun govvejin CD olggoža, ja mu bliksta ráhkadii dien stuora vilges ráigi guovdu gova. Govaid mat leat mielde dán buktagis leat Bernt Mikkel Haglund, Sárá Gáren Ánne Nilut ja Ánte Ovllá Nilut váldán. In dieđe gii lea váldán juste dán gova, maid mun de govvejin.
Lihkken odne, ja nu go muitalin ikte, visot lea vilggodan, bihcon.
Koarain hárjehalaimet odne, ja dat lei somá. Manai bures. Mis lea čájálmas ovttas Beaivváš Sámi Našonálteáhteriin, Guovdageainnu kulturskuvllain ja muhtun earáiguin vel. Mii leat dál válljen muhtun fiinna lávlagiid árvalussan. Gal mii de oaidnit heivejit go teáhterbihttái. Šaddá speanta.
Mun čohkkán dihtora ovddas, ođđa ruovttus. Váiban jurdagat jorret oaivvis. Čálán ártegis divtta jeđđen dihte iežan. In ge jeđđen dihte gal čále, muhto baicce sirren dihte jurdagiid...
Buohkat boarásnuvvet Váivi han lea ge Lihkus leat buot diŋggain duogašbealli Mun várra luohtán buorebut iežan dovdduide dál Mus lea várra dien dáfus buoret eallin Mun oainnán maid mun oainnán Oainnán ovtta diŋgga hávális Sáhttá várra ná dan lohkat: Don gii manat nuorttas gáiddat oarjin
Ii leat midjiide eallit guokte eallima Bargun lea ovtta eallima čađahit Mun boarásnuvan, mun dajan dan In mun gille doallat njálmmi Muhtumin heive hupmat njálmmi dihte, ii ge beljiid...
Mun logan lávvordaga Aftenpostenis lohkanmiela birra: Leseglede. Per Thomas Andersen, gii lea professor davviriikkaid literatuvrras, čállá:
Litteraturprofessor Alan Jacobs har skrevet en bok om leseglede, The Pleasure of Reading (2011), der han slår fast at kravet om å ha lest er lesegledens verste fiende. Les på innskytelse, sier Jacobs. Det er en utfordring for skoleverk, universitet, redaktører og anmeldere. Hva så med klassikerne, hva med den litterære kanon, med høstens nye bøker?
Lea miellagiddevaš lohkat diekkár diŋgga, ja nu duohta :) Ii leat gal heađisge seamma somá lohkat juoidá, jus lea bággu lohkat dan. Sáhttá gal muhtumin leat somá ávžžuhuvvat lohkat juoidá, jus lea buorre dilli lohkat, ja jus olmmoš mii ávžžuha lea dakkár masa luohttá.
Gullabehtet go ahte Lou Reed lea nervösa dán videos? Son lea jieris diđoštit liikojit go su fanssat ahte son ovttasbargá operalávluin Pavarottiin. Ii leat nu somá oaidnit Lou eahpesihkarin. Dat billista muhtun muddui bihtá.
Go son ieš lávlu, go Luciano Pavarotti ii leat lahkosiin, de son lávlu hui bures. Dat gullo dás:
Mun lean čorgemin neahtas. Mun lean čállán diŋggaid mu bloggas mat eai leat buorit, ja dál mun geahččalan daid čorget eret. Manná bures, muhto lea gal veaháš lossat. Lea várra bággu rávásnuvvat dál fargga. Ii olmmoš sáhttá ruskkaid čállit olles eallima. Lea maiddái somá oaidnit áššiid dáppe bloggas, ja kommentáraid. Mii guoská iežan čállimii, de lean áŋgir leamašan. Lean čállán eanet go 1800 čállosa. Kommentáraid ektui, lea somá oaidnit ahte muhtumin lea leamašan eanet ja muhtumin unnit. Manná ja boahtá bárrun.
Muhtumin lea várra buorre čorget. Mun in ipmir ahte mun lean diktán diekkár diŋggaid orrut neahtas. In mun leat dieđusge vuoruhan čorgenbarggu. Olmmoš nu viehká ovddosguvluid, ii ge geahča maŋos.
Hang-ups, dat han lea hang-upsaid birra mun hupmen ikte go hupmen störningaid birra. In dieđe vuos sámegielsáni störningaid várás. Hang-ups dat leat ge, eŋgelasgillii. Dá lea okta lávlla, man namma ii leat Hang up, muhto Hung up.
Ja dá lea áibbas eará stiila, muhto maiddái musihkka doppe nuppi bealde ábi. Elton John lávlu, ja vel dasa lassin lávlunmaestro G Michael.
Olbmot leat iešguđet hámiide leikejuvvon. Mun in leat nu go don, ja don it leat nu go mun. Mus leat ovdamunit ja earáin leat eará ovdamunit. Mis lea várra buohkain juoga man sáhttá gohčodit "störningan" dehe bártin. Mus leat maid. Soapmásiin leat váttisvuođat mat gusket gilvvohallamii. Earáin leat störningat iešluohttámuša hárrái, ja dat sáhttá báidnit hui ollu beaivválaš bargguid ja daguid. Mus lea okta störning oskku ektui. Dat lea veaháš váivi muhtumin, muhto dat lea beare nu. Dat dagaha ahte mun lean hyperhearki, badjelmearalaččat hearki, juste oskku dáfus. Dat vuolgá dieđusge das ahte lean Iránas orron ja doppe beassan oaidnit mot olbmot geavahit oskkoldaga iežaset karrieraide ja nu ain viidáseappot. Dát störning báidná mu eallima, ja dat oažžu mu muhtumin bargat bargguid ja reageret vugiide mat eai leat vuohkkasat. Dat dáhpáhuvvá, ja dakkár dilálašvuođain sáhtán vel soardit olbmuid main lea áibba eará relašuvdna oskui ja oskkoldahkii. Dat ii leat buorre. Mun in hálit soardit olbmuid.
Servodagas oainnán ahte mii soardit nuppit nuppiid. Olbmot eai várra meidne soardit, muhto liikká dahket dan. Mii eat álot jurddaš ovdal go mii hupmat. Mii eallit iežamet oivviin, eat ge jurddaš doarvái ollu nuppi olbmo oaivvi. Go muhtun lohká munnje ahte son lea nagodan miilla viehkat, de jearan mun man jođánit viegai, ja logan vel ahte mun ieš vihken miilla ovtta diimmus ja ahte in lean dainna duđavaš. Dat várra ii leat somá sutnje gullat, gii diehtá? Go muhtun olmmoš boahtá ja lohká juoidá sámegillii, de dáhpáhuvvá ain odne, ain otná beaivvi, ahte earát bidjet eanet fokusa sániide maid dadjá boastut go daidda maid dadjá riekta. Dat sáhttá soardit.
Mun jávohuvan go gulan George Michael. In dieđe šat maid galggan dadjat. Son gal lea várra dakkár gii lea rihkkon muhtun rájiid, dehe rihkkon hui ollu rájiid, muhto nagodan doallat fokusa. Sus leat nu fiinna lávlagat.
Bottus lei somá ikte. Ja hoteallas lei somá ikte. Ja riegádanbeaivefeasttas lei somá. Mii nu lávlluimet. Ja mun čuojahin vel gitárra, muhto mun dagan dan nu hárve ahte suorpmat eai riekta nagot čuovvut mielde. Ferten dál álgit eanet čuojahit. Dat dat gal šaddá somá. Lea somá musiseret. Dan galggašii dávjjit dahkat. Juohke beaivvi. Mun gánske galggašin álgit juohke beaivvi spillet.
Lea sotnabeaivi ja mun finan olgun váccašit. Finan Statoilas jugažit káfe. Biegga nu bossu, lean rukses anoráhka coggan. Váccán viidáset duon beali dieid viesuid girdinšilju guvlui, ja de birra. Govven juoidá.
Go boađán ruoktot guldalan Eminema Cold Wind Blows. Galbma biegga gal lea odne. Várit leat juo vilggodan. Muohtai. Ii odne gal, muhto moadde beaivvi dassá. Oaivvis jorret jurdagat. Jurddašan lojalitehta birra. Ja de jurddašan ahte geaidnu man mielde mun váccán várra doalvu boasttoguvlui. Dagan go iežan veadjemeahttumin, go ná bloggen? Ii oktage sáhte dieđusge diehtit gosa geaidnu doalvu, muhto buohkat liikká jotket.
Mun in hálit leat lojála. Mun hálidan leat rehálaš. Mun in hálit leat lojála iežan bearrašiin ge. Mun lean ikte fuobmán ahte olbmot dáppe geavahit sáni lojála ja oaivvildit ahte dat lea juoga buorre. Mun in leat nu sihkar lea go nu. Seammás lean áibbas sihkar ahte mun lean lojála dihto olbmuiguin muhtun áššiin, ja dat lea várra ok. Mihttomearri lea aŋkke orrut vuoiggalaš. In livčče goassige čeavllástallan iežan lojalitehtain. In livčče dan "vuovdán". In livčče goassige dadjan: "Oaččut luohttit munnje, mun liikon du bargguide ja daguide ja mun boađán nu dahkat boahtteáiggis nai, mun lean lojála duinna!" Nei-nei, nu in áiggo.
Ođđa namman (bloggii) lean bidjan "När fredagen kommer". Lea ruoŧagillii, ja dat lea iešalddis veaháš ártet ja mearkkašan veara. Bloggema ágga han lea munnje sámegillii čállit, sámegiela oahpahallat. Manne dalle ruoŧagielnamma? Dasa gávdnoba guokte vástádusa, ja mun in dieđe goabbá lea eanet duohta.
Vuosttaš vástádus: Dávjá biddjo sámegieldoaba prošeaktanamman, muhto albma máilmmis geavahuvvo dárogiela dan maŋŋil. Sáhttá hutkat spealuid main lea sámegielnamma, muhto go mii daid spillet mii eat gille sámástit, ja danin šaddá dárostit. Mu blogga hálida dalle mannat nuppi guvlui - blogga namma lea dárogillii, muhto sisdoallu lea sámegillii.
Nubbi vástádus: Mii leat nu hárjánan gullat čáffes (ja oanehis ja deaivilis!!!) dajaldagaid eará gielaide ja danin lea álkit hutkat daidda gielaide somás tihtteliid bloggaide ja čállosiidda. Mu bloggas galgá buorre namma, ja go mus lea unnán áigi hutkat ođđa nama iežan bloggii, de šattan dan dávjá nammadit eará gillii...
Lea maiddái nu ahte mis lea juogalágan guovttegielatvuohta dáppe, ja dat lea somá dan maid speadjalastit. Ii visot dárbbaš nu ráinnas leat. Go boahtá Sámedikkis čálus, de mii dieđusge vuordit ahte galgá nu ráinnas go vejolaš giela dáfus, muhto go álbmotkultuvrras boahtá čálus, de oažžu gal veaháš seaguhit diŋggaid. Seaguhusat leat dávjá buorit dan dáfus ahte leat nu go mii leat :)
Massive Attack lea gullon dán viesus olles ija. Mun in váibba. In dolkka. Dá lea!
2011/10/07
Á-a, mun in mana olggos odne. Mun in gille. Manan baicce nohkkat.
När fredagen kommer är man förstås redan trött. En sekund tänkte jag att det är lønningspils idag, att vi kanske hade fått vår lön, att det var den elfte eller tolfte, men det gick ganska snabbt upp att så var inte fallet.
Lea bearjadat. Mus lea friddja, mus ii leat šat mihkkege bargat odne. Jus dál bijan TV nala, de dáiddán nohkkat. Mun bijan dan nala, muhto dat šaddá ohcat kanálaid. Dál lea 93% gávdnan, dál 96. Šaddá speanta oaidnit doaibmagoahtá go dál. Ii-ge.
Tomas Tranströmer oaččui Nobela girjjálašvuohtabálkkášumi ikte. Mun boran guokte lakcajieŋa go dál vuorddán TV. Tomas Tranströmer lea čeahpes Ruoŧa poehta. Mun in jáhke dat lea vuos jorgaluvvon sámegillii. In mun ge áiggo odne jorgalit su teavsttaid, muhto baicce presenteret ovtta divtta, maid mun in leat girjjis lohkan, muhto Facebookas. Mu olmmái David bijai dán divtta dohko iežas seaidnái. Lea Tomas Tranströmer gii lea dan čállán, ja girjji namma lea vissa Guldstekel.
Den störste fanatikern är den störste tvivlaren. Han vet det inte. Han är en pakt mellan två där den ene skall vara synlig till hundra procent och den ... andre osynlig. Vad jag avskyr uttrycket ”till hundra procent”!
De som inte kan vistas någonannanstans än på sin framsida de som aldrig är tankspridda de som aldrig öppnar fel dörr och får se en skymt av Den Oidentifierade - gå förbi dem!
- Mu mielas lea oalle fiinna dikta. Ja lea vel buorre maid, ja muhtun muddui duohta. Mun in leat várra ovttaoaivilis suinna go lohká ahte galgá vázzit olbmuid meattá, beare dan dihte go sii eai ipmir eallima duohtavuođa. Muhto lea dieđusge buohkaide lohpi hutkat vugiid vai birgejit dán máilmmis :) TV ii vissa doaimma mu luhtte odne. Lea várra seamma buorre. Dalle šattan dáppe dihtoris čohkkát. Guldalan ain dien Tom Jonesa.
Ii mihkkege hm:at šat. Guldalan Tom Jonesii :) You can leave your hat on :) Son lea crazy, muhto crazy stiillain Lei somá logaldallat odne Lei fiinnis Juhlsas logaldallat isláma birra, doppe lea nu ollu maid sáhttá fuobmát, ollu maid sáhttá geahččat. Lean maiddái spillen Yatzi odne, njuolggadusaiguin maid in gusto dovdan, orro visot ođđasat munnje. Ja mun han doivon ahte ledjen Yatzi ovdal spillen. Dál áiggun fargga mannat trimmet allaskuvlla gealláris. Šaddá buorre. Lea nu buorre dovdu dál go dát vahkku lea gollan ja mannan bures. Lea veaháš erenoamáš vahkku leamašan, ollu hástalusat. Áiggošin várra juhkat bihkkan odne. Nei in bihkkan gal, muhto veaháš smáhkket gal várra oažžu. Ovtta vuollaga hoteallas. Lei nu somá logaldallat fas. Kontákta studeanttaiguin. Lea oalle earenoamáš ášši. Don attát juoidá, ja don oaččut juoidá. Lea nu buorre. Lea nu go galgá. Nu go galggašii. Nu lea. Lea nu buorre. Spillet Yatzi sáhttá maid somá. Muhto dat ii leat gal seamma dásis. Dat ii leat lahka ge. Dat lea áigegollu, dehe buđaldat, dehe maid mii nu dadjat. Logaldallat ja ságastallat lea albma. Das boahtá juoga, das boahtá ávki, dasa gánnáha bidjat návccaid. Lea nu buorre :) Lea ollu eará áššit dán vahkus mat leat leamašan buorit. Ja dat lea buorre. Muhto logaldallat Juhlsa orientálalaš lanjas Isláma birra, gal dat lei juoga eará. Dan gal ii várra oaččo nuppis vásihit. Lei hui buorre. Lean hui ilus ahte nu geavai...
Mun lean guktii dehe golbmii gohčoduvvon hánisin dán vahku, seamma áhkus. Ii leat nu somá, muhto in leat váldán áiggi jearrat lea go dušše spivka vai oaivvilda go duođas mu hánisin. Ieš in leat diehtán ahte lean hánis, jus lean. Fertešin dien iskat. Muhto mot sáhttá iskat lea go hánis? Mis han leat buohkain vuogit golahit ruđa ja rámi, nu leat mus maid. In bija gal ruđa ja rámi buot diŋggaide. Galggašin várra jearrat dien olbmos njuolgga maid oaivvilda...
Mun doivon ahte mu blogga lei priváhtta, ja dušše priváhtta, ja ahte das eai lean makkárge čanastagat mu profesionella munii. Dál odne bođii munnje jurdda ahte: "Hm, olbmot várra seaguhit daid guokte rolla." Muhtumat várra doivot ahte mun muhtun binná muddui mahkáš representeren barggu go mun bloggen. Mun in lean ieš ipmirdan ahte nu lea vejolaš jurddašit, muhto dál go fuobmán ahte mu namma lea Ville sihke barggus ja Ville ruovttus... de ipmirdan. Mun lean doivon ahte eaba seaguhuvvo, muhto dál gal šattai čielggas ahte livččii vejolaš daid seaguhit. Ja mun in leaikkas in ge leat ironalaš. Dál časkkii oaivái ahte guokte beali seamma olbmos, ja ahte galggašeigga korresponderet. Álggán vel gáhttat ahte lean nu vildaládje bloggen... Jus dovdá mu aivvefal barggu bokte, ja vel lassin lohkagoahtá mu blogga, de sáhttá dieđusge imaštallat jus mun bloggen priváhta diŋggaid... Ipmirdan dasto ahte otná rájes lea várra vuogas bloggedettiin jurddašit eará vuohkái. In áiggo gal representeret iežan bargosaji friddjavuođas - in áiggo gal nu guhkás mannat -, muhto áiggun geahččalit muitit ahte mus lea seamma namma dáppe go doppe :)
Iešduššadeapmi, sáhttá go nu dadjat? Sátnegirjjis ii čuoččo go iešduđavaš (selbstzufrieden) ja iešgavjehus (Selbstbefruchtung). Mun ozan sáni självutplåning -iešduššadeapmi. Anders, mu olmmái Anders, gii orru Stockholmmas láve viehkat ultramarathonaid. Muittán go ođastii iežas stáhtusa Facebookas ja čálii ahte lei 8 miilla viehkan 8 diimmus ja viđa minuhtas. Jearai ieš manne, ja evttohii ahte lei iešduššadeami birra sáhka. Ja go mun dál viegan, de dovddan muhtumin seamma iešduššadandáhtu. Lea buorre dovdu.
2011/10/03
Otnáš kommentára: "Dieđát go ahte du lieđđi lea hui feminiidna? Diet fiskes ja rosa!"
Lean čállán krönika Samefolketii odne. Dat manai, lihkus, bures, jáhkán. In leat vuos suovvan earáid lohkan. In dieđe gean sáhtán bidjat lohkat. Ihttin bohtet Ruoŧa delegašuvdna deike min lusa, bargui; dat šaddá speanta. Ledjen sisbandyhárjehallamis odne, go ledjen geargan dieinna krönikain. Sisbandy lea várra buot buoremus trimmenvuohki. Ferte leat. Bággu. Lea nu eksplosiiva. Lean geahččalan riŋget oabbái olles beaivvi, muhto sus ii leat leamašan delefovdna nalde. Balan báhter lea nohkan sus ja ahte láder bázii Sundsvallii. Mii lea Sundsvall sámegillii; mun lean okte dan máhttán. Odne lean lohkan guokte mailla main čuožžu "okte" (ii ge "oktii" nu go mun doivon dábálet). Mu eadni lávii lávlut Byssan lull munnje go ledjen unnin. Byssan lull kokar kittelen full. Där kommer tre vandringsmän på vägen. Den ena är så halt, den andra är så blind, den tredje har så trasiga kläder. Byssan lull kokar kittelen full. På himmelen vandra tre stjärnor. Den ena är så vit, den andra är så röd, den tredje det är månen den gula. Byssan lull kokar kittelen full. Där seglar tre skutor på vågen. Den första är en barr, den andra är en brigg, den tredje har så trasiga segel. Byssan lull kokar kittelen full. Sjökistan har trenne figurer. Den första är vår tro, den andra är vårt hopp, den tredje det är kärleken den röda. Jag sjunger inte själv, jag bara hør på Evert Taube när han sjunger. Eadni várra ii máhttán buot vearssaid, olles teavstta. Mun goit in muitte. Kánske nohkken ovdal go ollii lohppii. Mun in muitte maid áhčči lávllui. Son várra son maid lávllui "Byssan lull". Mun in muitte su lávlunjiena. Nu är det dags för mig att gå att lägga mig. Klockan är redan mycket. "Brevet från Lillan." Dál bohtet olbmot deike. Mun ferten mannat nohkkat.
Áigi hurgá. Mun in olle bargat dan maid áiggun. Fitnen káffegallerias oastimin Ann-Mari Andersena ođđa skearru. In leat ollen nu ollu guldalit, muhto das leat gal muhtun čáppa lávlagat, čáppa šuoŋat.
Fargga boahtá mu olmmái P ja munnos lea de plána (go son lea fitnan dáppe viesus, son ii leat oainnat ovdal fitnan) sihkkelastit E lusa, gos leat njálgga borramušat :)
Leat guokte stuora barggu juste dál, ja áigemearit/jápminlinnját bohtet lagabui. Muhto leaba gal easkka gaskavahku ja bearjadaga - ja dat mearkkaša ahte lea ain áigi.
Ikte hoteallas gullájin Odd Nerdruma nama vuosttaš háve (dehe jus lean dan gullan ovdal, de in leat goit guldalan nu bures). Nerdrum lea čeahpes Norgga dáiddar, mii mále árbevirolaš vuohkái, dego Rembrandt-Caravaggio-da Vinci. Mu olmmái hoteallas imaštalai go in lean Nerdruma gullan ovdal, ja odne hálidan blogget muhtun jurdagiid dán hárrái.
Eallimis leat áigodagat. Álggus leat muhtun áigodagat - ležžet ge anála áigodat ja mat nu ležžet, mun in dál áiggo dađi eanet hupmat eallima álgoáigodagaid birra, daid birra sáhttá várra lohkat Sigmund Freuda luhtte, jus roggá veaháš. Mun hálidan dál álgit nuorravuođas, go olmmoš lea 17-18 jagi boaris. Dalle ohcat dávjá dieđuid, ja mii hálidit gávdnat geat mii ieža leat. Mii ohcat musihka, mii lohkat girjjiid dehe eará dieđuid. Mii hupmat ipmila birra ja geahččalit gávdnat oskku (go dan mii dárbbašit). Mii sáhttit gohčodit dán áigodaga "ohcama" áigodahkan. Go mii deavdit 25 dehe 30 de mii leat huksen dan mađi buori iešdovddu ahte eat dárbbaš seamma ollu ohcat. Eat dárbbaš goit seamma hissigit ohcat. Mii diehtit ahte mii dohkket sullii nu go mii leat :) Mun in dieđe manin galgá dán áigodaga gohčodit. Mii leat sajáiduvvan ovtta vuohkái, ja danin sáhtášeimmet gohčodit dan sajáiduvvan áigodahkan.
Otnáš čuokkis lea ahte jus sajáiduvvon áigodagas fárre eará riikii, de dus lea ain iešdovdu badjin ja visot lea okei, muhto don it dovdda ođđa riikka historjjá, it ge dan attáldagaid ja oktasaš muittuid, ja don šattat de njuiket ruovttoluotta dien ohcama áigodahkii ja ohcat dieđuid. Ja dalle, go don leat juo rievtti mielde sajáiduvvan, de orru leamen lossat álgit roggat ja ohcat fas. Muhto nu lea. Don šattat ohcat veaháš, dehe goit guldalit olbmuide go hupmet. Nu mun šadden ikte dahkat, ja odne fitnen Wikipedias lohkamin dien olbmo - Odd Nerdruma - birra.
Mun lean gusto ieš ovdamearka dás gii čájeha ahte iežan jurdagat stemmejit. Hm, orru go dat nu vuogas? ;)
mun ledjen hoteallas, doppe hupmen, doppe oidnen olbmáid, doppe ožžon drinkkaid, doppe gullen, mun gullen soapmása siteremin frank zappa, mun ledjen vajálduhttán frank zappa, mun in leat gullan su nama máŋgga jahkái, dál gullen dan fas ja bidjen dan ovttatmano nala go ollejin ruoktot, mun vázzen ruoktot, dat ii lean guhkki, dat manná nu jođánit, mun logan girjjiid isláma birra, ja mun muitalin maiddái hoteallas ahte mun lean isláma birra lohkamin, go galggan logaldallat boahtte vahkus, dat mii lea dehálaš dás, dat ii leat várra diet logaldallan, mus lei juoga eará maid áigon muitalit. biila vuodjá viesu meattá dál - juste dál - ja mun gulan ahte čuojahit musihka - garrasit - , mus lei juoga muitalit muhto mun lean vajálduhttán maid, ledjen hoteallas, mii doppe lei? mun vuollánan, ášši lea vuolgán báhtui. juo, dál mun muittán, dieđusge, mun galgen muitalit ahte ledjen tv:as ikte, sámegielođđasiin, ášši oidno dás: http://nrk.no/kanal/nrk_sapmi/1.7814548
I like SlinCraze ođđa skearru SlinCraze. Including the hit "Sápmelaš" and 6 brand new tracks + hidden bonusmix. Váhnen várrehus - roavis sisdoallu. Nu čuožžu. Parental advisory - explicit lyrics. Nu ii čuoččo. In mun dieđe lea go sisdoallu nu hirbmat roavis. Kánske. Lea gal várra. Ovtta vuohkái. Muhto mu dovdu go dál gulan lea veaháš eará - sympáhtalaš sisdoallu! Dan maid gulan ná vuosttaš guldaleamis addá sympáhtalaš gova SlinCrazes. Buorit lávlagat, buorre musihkka, buorre ráp, buorre juoigan. Oalle cool. Skearrogirjjážis čuožžu vel "knalltøff westcoast hip-hop". Lea somás svinga sihke ráppas ja musihkas. Fillár, buorre rap. Čeahpes guossit vel čađat, mat addet skerrui liigedimenšuvnnaid. Lávlagiid namat leat ovdagovalaččat oanehaččat ja deivet vel bures. Várjalan. Ipmil. Neavri. Atte munnje ándagassii! 
