Šaddá dušše oanehaš ášši odne. Mun hálidan nohkkat. Muhto go muhtun nieida álggii čállit mu Facebookseaidnái norbmakritihka birra, de jorret jurdagat, ja munnje eai boađe nahkárat. Norbmakritihkka. Mun in šat goassige geavat sáni. 2004-5 gal ledjen sihkkarit hui norbmakritihkalaš. Dál in leat šat. Dehe mun in dieđe. Álggán jurddašit nu ollu. Jurddašan vel Anton Hoëm maid. Son logaldalai iežas ođđa girjji birra mannan vahkus, allaskuvllas: Sosialisering - kunnskap - identitet. Buorre girji, muhto logaldallan lei ain buoret. Mun ferten dan muitalit dien niidii. Allaskuvlla ruovttosiiddus beassá vel gullat logaldallama, go báddejuvvui.
Vihken odne, guhkes mohkki. Lei buorre. Muhto bealistan balan dál ahte oađán menddo guhká ihttin, ja mis han lea čoahkkin diibmu 09:00. In oaččo gal maŋŋonit, in ihttin (dehe odne, go diibmu lea juo 00:43). Láven gal oađđit guhká go lean trimmen. Rumaš dárbbaša dalle oađđit...
3 kommentára:
Man guhkin vihket?
Guhkkin Ákšomuotkkis. Jávrrášmohkis Ákšomuotkái gal dáidá leat beanta miila, vai maid don jáhkát? Ja de vihken ruoktot. Muhto mun ferten gal dovddastit ahte čibbi dovdogođii 2-3 kilomehtera ovdal go ollejin ruoktot, nu ahte mun in viehkan gitta ruoktot. Šattai gal sihkkarit bealnot miilla goit. Lean oalle duđavaš :)
Vihken Ákšomuotkái. Ja ruoktot. Muhto maŋemus kilomehtera vázzen. Čibbi dovdogođii. In duostan šat joatkit. Lei guhkes mohkki.
Post a Comment