1. In dárbbaš muitalit gos ledjen. Gullen ártegis ságaid. Olmmoš, gii vissa čuovvu mu blogga, muhto gii ieš ii sámás nu dávja, logai dárogillii: Na jearaldat lea dušše goas don áiggut álgit blogget ruoŧagillii? Mun vástidin ahte dat maid mun hálidan dadjat, dat ii leat nu dehálaš. Deháleabbu lea ahte beasan oahppat giela. Manne mun livččen galgan álgit blogget ruoŧagillii, ja maid livččen dalle galgan čállit? Mun lean veaháš geahččalan oktii dehe guktii, muhto das ii šatta mihkkege. Diet cealkka sus (dehe jearaldat) lei sihkkarit oaivvilduvvon positiivvalaččat, dego "dus leat nu ollu miellagiddevaš áššit", muhto mun válden dan vuostá nuppi guvlui, dego juogalágan kritihkka sámegielat servodahkii.
2. Okta somás ja buorre vásihus odne lei Boddu. Sihkelastidettiin ruoktot fitnen boradeamin Bottus. Doppe lei stuoragovat TV ja njálgga pizza. Ii ge lean nu divrras. Ožžon beali mielde ruoktot, go in nagodan borrat visot. Lei hui somá Bottus. Ferten doppe fitnat nuppis maŋŋil barggu.
3. Mun nu váillahan muhtun diŋggaid mat mus leat leamašan ovdal. Váillahan iežan... Na in mun gille dás čállit visot. Muhto jorbasit sáhtán dieđusge čilget ahte mus lei eambbo miella hutkat diŋggaid ovdal, mus lei eanet miella geahččalit... Dál mun in šat nagot maidege.
4. Buorre idja!
0 kommentára:
Post a Comment