2011/02/28
Lea go lohpi juhkat guokte gohpu?
Jurddaš man ollu máná eallimis lea gielddus ja lohpi. Dat ain čuodjá oaivvis, vaikko mun lean 32 dál, ahte ii leat lohpi juhkat go ovtta gohpu O'boy. In dieđe livččii go čáhkan eambbo unna mánáža rupmašii, muhto das ii lean dan birra sáhka, mii čáhká ja mii ii. Lei hupmu lobi birra. Oažžu go juhkat guokte gohpu? Lei dieđusge dalle veaháš geafit máilbmi. Lei várra dan dihte. Dál mun almmá problemaid haga sáhtán juhkat guokte-golbma gohpu, mus lea várri, mus lea mielki, mun osten Remas odne. Muhto in mun juga gal golbma gohpu. Dat ii leat vuogas. In dieđe manne. Guokte gal oaččun juhkat. Muhto juo go vuosttaš mielkki leiken gulan jearaldaga lea go lohpi juhkat guokte gohpu. Dat lea báhcán oaivái mánnávuođas.
Subscribe to:
Post Comments (Atom)
2 kommentára:
Jus rahkadat 0,5 littar Mack-Øl lásiin det it darbbas guokte/golbma gohpu rahkadit.
Ha ha ha. Diet lei buorre evttohus! Luvrris :) Manne mun in jurddašan nu go ledjen unnin?
Post a Comment