mun in dieđe mii leš, muhto jus gávdno sivva mas lea namma "post project syndrome" de lea vejolaš ahte mus lea dat sivva. guorosvuohta maid váhnemat dovdet go čivggat leat vuolgán ja fárren. ja čálli dovdu go girji lea mannan prentehussii. ja álggus várra ii vuhtto nu čielgasit. muhto áiggi mielde gal dáidá dovdagoahtit.
mun in bargga maidege dáid beivviid. máksen gal guokte rehkega eske. dat lei buorre. muđui geahčan teve neahtas. oidnen skavlana ikte. lei hirbmat buorre. somá oaidnit. čeahpes olbmot. boran juoidá. soppa, mas lea pasta. dakkár gárvveslágan diŋga, masa lasiha dušše čázi. boran njálgáid maid, diekkár njálggáid maid geasset beassá bassit dola nalde. manin gohčoduvvojit? in mun muitte šat. marschmallows.
post project syndrome. mun lean gal gugelastán (!) dan. muhto ii oktage lean dan birra čállán maidege. kánske livččii vuohkkáset čállit "post project loneliness".
2 kommentára:
Diet lea várra diekkár syndroma masa ferte hárjánit go bargá prošeavttaiguin. Dálkkas maid gávdno: Álggahit ođđa prošeavtta. :-)
Mun lean ieš maid jurddašan veaháš dien guvlui. Nu go logat lea dat várra áidna dálkkas mii gávdno, dehe goitge dat dálkkas mii doaibmá buoret. Muhto. Go olbmot hupmet guimmiid birra, de lea veaháš eará jietna biellus. Dalle leat muhtumat mat rávvejit ná: Go partnera massá, de galgá ovtta gaskka orrut akto. Ii galgga njuiket sisa ođđa relašuvdnii. Mun lean veaháš atnán dien vuogádaga buorren, ja danin lean jurddašan ahte lea várra buorre dan appliseret maiddái eará prošeavttaide...
Post a Comment