Lean váiban
Lea juoga. Muhto dán hávi ii leat fysalaččat
Mannan vahkus lei fysalaččat
Mun buohccájin, dál lean vuoiŋŋastan
Go lea leamaš nu olu
Go lean jurddašan nu olu
De lean dál váiban, in ge nagot bargat
daid bargguid maid lean lohpidan bargat
Hoiggan daid ovddos
In mun dál, in juste odne
Mun bassan buoret lihtiid, boran njálgáid
ja lakcajieŋa.
2 kommentára:
Na lávejit han lohkat ahte olmmoš ii váibba dainna maid olle bargat, muhto dainna maid ii olle bargat.
Lea gal duohta mu mielas, muhto nuppe dáfus fas ii. Muhtomin han gal sáhttá bargan hirbmadit ja váiban dainna, vaikko lea ge duhtavaš ja buot dien.
Muhto várra lea nu ahte dat maid ii ollen bargat vurjet jurdagiid mihá guhkit go dat maid olle bargat.
Juo, ja diet váibbasvuohta mii boahtá das ahte lea bargan bures ja ollu lea dieđusge veaháš buoret go diet váibbasvuohta mii vuolgá das ahte lea heajos oamedovdu.
Post a Comment