ledjen radioođđasiin

Odne lea duorastat 30 beaivi juovlamánus. Ja mun odne gullojin Sámeradio ođđasiin, áššis maid Jörgen Heikki lei doaimmahan. Gullo sihke sámi- ja ruoŧagillii dás:

http://sverigesradio.se/sida/sandningsarkiv.aspx?programid=2327

Go Elin Kåven dánsu

Dát nieida máhttá dánsut. Somá oaidnit dán bihtá :)

ollu maid ferte ollet

Mun barggan ja barggan. Dál eskke čállen Facebookas ahte mu váibmu dearpá jođánit, lea ollu maid galgá ollet ovdal ođđajagi. Ja nu lea. Lea ollu, ja lea bággu vuoruhit. Muhto mun jáhkán ahte mun in álo vuorut nu go rievtti mielde livččen galgan.

Dál galggašin várra mannat nohkkat, vai nagodan ihttin lihkkat ja bargat visot maid ihtá beaivi doallá. Ovdamearkka dihte galggan jearahallamii P4 Norrbottenis. Dat riŋgejit 11-áiggi. Plána mielde. Ferten bidjat mobiilla ládet dán ija!!!

Váhnemiid luhtte gávdnen ovtta Imperietskearru
maid mii guldalit dál
Ja mun gávdnen Leonard Cohen
ja Ulf Lundell
ja Bob Dylan
Ja mun gávdnen muhtun diktagirjjiid
maid Pentti Saarikoski ja Bruno K Öijer leaba čállán
- buohkat leat dievdoolbmot
Gos nissonat leat dáin hilduin?

Lea somá fitnat Uppsalas ja gullat ja lohkat
buot dáid boares riebaniid
Pentti lei erenoamážit somá lohkat fas
Mun jáhkán mun lean olu inspirearašuvvan sutnje
vaikko ledjen su goasii vajálduhttán.

Mun koseren

Mun lean mannan vahku koseren Sámi radioprográmmas Buorre iđit Sápmi. Dá lea liŋka man bokte beasat gullat mu koseriijaid:

http://sverigesradio.se/sida/artikel.aspx?programid=3415&artikel=4246943

buorit juovllat

Buorit juovllat!
Dál ii leat go vuoiŋŋastit.
Dehe, mun in dieđe, dat lea váttis dál maid beassat vuoiŋŋastit. Lea nu ollu maid berre ollet. Muhto muhto, nu go mu olmmái Indiás láve dadjat. Na nie, gal dat manná.
// Ville

tempo

Dál lea ollu tempo. Lean Uppsalai ollen. Ikte ledjen Stockholmmas, radioviesus, gos dahken ovtta jearahallama Sámi radio ođđasiidda, ja dasa lassin báddejin otná ja ihtá koseriaid. Go ollejin ruoktot Uppsalai ikte dan maŋŋil, de riŋgejedje Radiosiidda njuolggasáddagis, ja de hupmen singuin. Ovddit beaivvi, disdaga, riŋgejedje Ártnas, ja de ledjen várra Árdnasáddagis mii ikte sáddejuvvui. In dál olle buot daid liŋkkaid ohcat, go ferten mannat gávpogii dál gávppašit maŋemus juovlaskeaŋkkaid...

Gal mii de gulahallat!

Lea muđui hui galmmas dáppe :) Ja čáppat :)

Tonjes versjon - ein radiodokumentar om å bli ufrivillig romanfigur

Ožžon tipssa mu kollegas. Okta dokumentára: Tonjes versjon - ein radiodokumentar om å bli ufrivillig romanfigur. Dat lea veaháš issoras, ii ge nu somá gullat. Muhto seammas lea hui miellagiddevaš, erenoamážit munnje dál go muhtumat gesset paralleallaid mu girjjis Knausgårda girjái.

http://www.nrk.no/nett-tv/klipp/671426/

Lean muđui bádden vel guokte koseria odne, nuppi mas lea namma "Čiegusvuohta ja almmolašvuohta" ja nuppi mas lea namma "Juvddálaš paralleallat". Sáddejuvvojit ihttin ja gaskavahku. Ferten dál gávdnat fáttaid man birra sáhtán duorastaga ja bearjadaga koseret.

Oidnen muđui ahte dán vahku koseriat almmuhuvvojit nehttii dán siiddus dehe dán siiddus.

Releasefeasta lávvordaga

Tobias Berving lea dán postera ráhkadan.

Oh, visot šattai fáhkka nu buorre :)
Mun ledjen olgun ruskadálkkis
ja dat lei nu buorre
mun ožžon movtta ruovttoluotta
Lea nu buorre váccašit, manne mun in daga dan dávjjibut?

Ođđa CD aiddo almmuhuvvon

Osten ođđa skearru Remas. Guovdageainnu kulturskuvlla lávlunjoavkku Olmmáivuohta/Friendship. Grymt bra. Nuuuu somá gullat :)
Buorre enerši ja buorit lávlut. Ferten joatkit guldalit.

Ođasteapmi 1. Dat lea nu buorre. Ja joatká ja joatká. Ja nubbi lávllu lea buoret go nubbi. Helt fantásttalaš! Ahte leat nagodan nu alla kvalitehta doallat. Ja čuojahit bures maid. Ja buorit teavsttat!!!

Ođasteapmi 2. Lea duođas hui buorre. Manne son mánáid jienat leat nu movttiidahtti? Leat nu dievva eallimiin, várra?

Coola Robyna birra DN:as.

Guovdageainnu kulturskuvlla lávlunjoavku - "Kulturskuvlla luohti"

Mun gávdnen dán video Ann-Mari Andersena bloggas. Orru mu mielas buorren skearrun.

Somás juovlabeavdi

Sámi allaskuvllas lei somás juovlabeavdi ikte Diehtosiiddas. Quizza vuittii Čáhppes sávccat, go ožžo 8 rievttes vástádusa 10 jearaldagas. Buorre boađus! Lei muđui hui somá olles eahkeda. Buorre musihkka, buorre biebmu. Buorit olbmot. Mii leimmet oalle guhká doppe, jurddaš dan, guhkit go dábálaš bargobeaivvi. Olliimet 19-áiggi (ja dalle leimmet muhtun diibmobeali juo leamašan studeantaviesus), ja mun mannen ruoktot 3-beal-4-áiggi, ja mun in lean maŋemus olmmoš čuožžumin. Doppe lei vel dievvá beavdi. In mun dieđe goas feasta nogai ja SSO-personála beasai ruoktot. Muhto jus lohká beal čiežas beal njealji rádjái, de leimmet feasttas oktiibuot 9 diimmu. Amma lean riekta lohkan? Ja man dávjá lea nu somá (go ikte lei) 9 diimmu maŋŋálaga?

Jacques Wallner biilamearkkaid birra

Dál oidnen somás cealkaga DN:as:

Dum, dummare, Dacia! Eller rättare sagt Renault!

Mun in ipmir sisdoalu da, muhto lei veaháš somá jus lohká Dacia nu go várra galgá lohkkot ge: dážan. Dat ii lean dalle ge nu somá. Muhto aŋkke, lei veaháš somá.

Suoma sámedikki riidu

Ja mun in dieđe maid galggan lohkat Suoma sámedikki birra. Lean lohkan Sámediggepresideantta sániid dás:

http://klemetti.blogspot.com/2010/12/sami-kulturarbbi-suodjaleamis-ja-veahas.html

Ja mun šadden ain sáhkkit diehtit mii son šaddá dán áššis. Jus dán áigge hupmet Wikileaksa birra, de lea várra áigeguovdil hupmat Sápmileaksa birra maid, fargga.

Ollu Ville ovdal juovllaid

Ovdal juovllaid orru šaddame hui olu Ville dáppe Sámis. Mun lean čállán guokte ášši Samefolketii, ovtta krönika ja ovtta árvvoštallama. Ja de boahtá mu ođđa girji boahtte lávvordaga, 18. beaivvi. Dán oktavuođas lean bovdejuvvon searvat Guovdageainnu Lagasradio boahtte bearjadaga. Dasa lassin lean lohpidan SR Sápmái koseret olles vahku 20.-24. beaivvi dán mánus. Mun in dieđe nagodan go buot dáid diŋggaid čađahit. Áidna mas lea eahpesihkarvuohta lea rievtti mielde SR Sápmi, go mun in leat dál vuos čállán namuhuvvon koseriijaid. Ja mun hálidivččen dieđusge čállit veaháš buorebut go mannan hávi. Muhto. Somá goit, hui somá, ahte vuohon ožžon chansa :)

Kolumn

Göran Rosenbergas lea miellagiddevaš kolumna DN:as odne:

http://www.dn.se/ledare/kolumner/debattokulturen-1.1223501

Eaba beassan sisa Sámi gárvvuid dihte

Lohken aviissas ahte Sara-vieljažat eaba beassan sisa Metro-bárii Bergenis.

http://www.bt.no/nyheter/lokalt/Slapp-ikkje-inn-med-samekofte-1207704.html

Lea várra veaháš buorre jus dál šaddá hupmu das ahte mii biktasiid lea gákti? Lea go seamma go dreassa, vai lea go seammalágan go uniforbma? Uniforpma livččen mun gal arválan.

Suddu vielljaguktui, ahte eaba beassan, muhto sudnos lei sihkkarit earenoamáš buorre dilli Scotsmanas, so soai, nu guhkás go mun dieđán, leaba čeahpit suohtastallat.

Levis ledjen. Levis leimmet. Lei somá. Buorit olbmát ja buorit ságat. Somá oaidnit Levi ja borrat dan biepmu. Ruvvejuvvuimet Hullu poro SPA:as. Olles gorut. Lei hui buorre. Dál lea várra áigi mannat nohkkat. Buorre idja!

Varuhuset.etc.se...

Dál sáhtát oastit mu girjji ETC Varuhusas

Lea hui somá dan oaidnit doppe :) Muhto mun ferten dál dieđusge lasihit ahte dat ii boađe ovdal 18. beaivvi, vaikko dál diŋgot. Dehe dan mun in dieđe. Gal sii várra sáddejit girjji nu fargga go ožžot dan.

Mun odne ožžon vuosttaš gáhpalaga boasttain. Lea nu unni ja fiinnis. Erenoamážit čáppat. Mun in jáhke ahte lean goassige oaidnán ná fiinna girjji :) Tobias lea nu čeahppi!!!