Juvdálaš Staffan Lamm

Mun gávdnen prográmma Ruoŧa radios ovtta juvdálačča birra ja dan birra ahte mot son lea šaddan juvddálaš.

http://sverigesradio.se/sida/artikel.aspx?programid=909&artikel=4186306

Ođđa skearru

Lean oastán ođđa skearru, man namma lea Fargga. Lea buorre. Dál guldalan viđát lávlagii, Váre juo. Ii leat bahá. Juoigi namma lea Berit Margrethe Oskal. Radios gullo dát skearru oalle dávja dáid beivviid :)

DSC00618

Veaháš maŋŋit, muhto dat várra ii daga maidege? Lea biváldan dál, muhto ikte dehe ovddit beaivvi válden dán gova iežan uksageavjjas. Siskkobealde.

Dál mun geahččalan juoidá ođđasa

Mun in gal láve ná dahkat. Dál čálán dábálaš mailla, ja de čálán dan
mailčujuhussii mii dasto almmuha čállosa mu bloggii. Mun ferten dan
maid geahččalit. Dieđusge :)

galbmon julggiin maid

Oh, lea gal áinnas návddašan veara lávggodit julggiid duollet dállet, deavdit lieggačázi spánnjii ja čohkkedit. Vaikko dihtora ovdii, nu go dál. In šaddan sisbandii odne. Lean veaháš váibagoahtán, lea nu galmmas dán áiggi.

Mun barggan ruovttosiidduin. Lean earret eará dál oahppan mot bidjá pdf-fiillaid nehttii ja bidjá daidda fiinna adreassaid:

www.villesoderbaum.com/spelet.pdf
www.villesoderbaum.com/100.pdf

Amma lea veaháš somá! :)

Dego livččen oaidnán iežan

Mun logan Niillas Holmberga Dego livččen oaidnán iežan. Lean lohkan measta olles girjji. Mu fávvodivttat ná guhkás leaba dát guokte:

Maid sii lohket
olmmošgo eatnan hearrá
buot eará bajábeal

na juo leat hearrát
go reahpenráiggi gokčet
árranishan buollá dolla

(Diet dikta lea golbmalogiovccát siiddus.)

Lean váiban
ále šat iskka
ii boađe mihkkige

Niillas
ándagassii

(Diet dikta fas lea vihtalogát siiddus.)

Lea muđui áibbas fiinnis. Bures hábmejuvvon. (Kristina Utsi ja Niillas ieš leaba hábmen dan.) Lea somá lohkat. Ollu sánit. Váttis sánit. Muhtumin lea juogalágan stoahkan daiguin grammáhtalaš hámiiguin. Sus lea giellaberoštupmi. Ja nu lea ge su lohkkiin :)

Gullin čuojaha nu fiidnát.

Mun guldalan Peter Gullin Trio skerrui "Transformed Evergreen". Lea nu buorre. Ja mun muittán Petera nu bures. Son finai min luhtte Gottsunddas, go doppe oruimet C:ain ja Å:ain. Son hálidii addit olggos (vai jus mii hálideimmet, ja son mieđihii) iežas diktagirjji min lágádusas. Loahpa loahpas šattai girji: Svanhopp i G-moll. Ii lean bahá. Mun ferten fitnat mu váhnemiid luhtte ja viežžat daid, ja de geahččalit daid vuovdit muhtun rámbuvrris. Ii leat buorre ahte beare orru doppe.

Muhto odne ferten eará maid muitalit. Namalassii ahte lean lohkan Sameland gitta lohppii. Ii lean nu bahá go álggus doivon. Lei áibbas ok. Veaháš somá maid muhtumin. Liikojin muhtun siidduide. Joa, sullii nu.

Leonard Cohen sámegillii!!!! :-)

Mun liikon Leonard Cohenii. Lean sihke lohkan su girjji (mii dan namma lei, Váimmu juoga?), ja mun lean gullan su musihka. Dál logan Hálgu bloggas ahte Siri Broch Johansen lea álgán jorgalit su teavsttaid sámegillii. Mu beljiide gal čuodjá hui fiidnát, ieš dat jurdda. Hálidivččen dan gullat dakkáviđe :)

Ođđa ruovttosiidu: www.villesoderbaum.com

Lean bargamin ođđa ruovttosiidduin. Dehe rievtti mielde ii leat mus ovdal leamašan ruovttosiidu, earret dát blogga. Ja dát blogga han lea sámegillii. Dál dovden ahte hálidan čohkket dieđuid ja liŋkkaid ja bidjat daid dihto sadjái... ja de dahken dan ruoŧagillii.

www.villesoderbaum.com

Lean ná guhkás beare ráhkadan dan dábálaš bloggan, muhto mun in meidne blogget doppe. Meidnen dan ruovttosiidun doallat.

vel okta dikta

28 november 2009
Kanske borde jag gå ut en sväng på skidor
innan dagens mörker har försvunnit helt
Jag menar dagens ljus
Jag har inte borstat tänderna än
Jag skulle vilja borsta tänderna och dricka kaffe
och äta kakor, Gunhild hade med sig kakor
Hon sa att om man vill ha det som man vill ha,
då får man ta med sig det själv
Lisa höll med och halade upp en flaska Champagne.

Köttjuven Googlegirjin

Mun lean dáid beivviid ohcame dieđuid Interneahtas iežan birra ja daid produvttaid birra maid mun lean leamašan mielde ráhkadit. Ja de gávdnen Köttjuvena Googlegirjin. Lea go dat cool vai cool?

fiillat leat mannan prentehusa ftp:ai.

Tobiasiin letne dál guokte beaivvi korrektuvrra lohkan. Ja dál sáddiime fiillaid lulas, prentehussii. Girji šaddá hirbmat čáppat. Mus leat nu alla vuordámušat ahte ii leat várra buorre. Olmmoš han láve skurtnjat jus vuordá menddo olu.

Jus ikte fállen mu lohkkiide girjji vuosttaš divtta, de fálan odne nuppi:

29 april 2009

”Fucking flies,” säger A och skrattar
men jag orkar inte vända mig om och titta
Hon sitter och läser en bok
om män som är fotograferade i grupp
Jag orkar inte riktigt fördjupa mig i den
Det finns så mycket man kan fördjupa sig i
M sa igår att det enda problemet
hon och A och B och vissa andra har
är att de inte är födda med en snopp mellan benen.

Muđui lean ipmirdan ahte girjelágadus hálida luoitit girjji weabbas maid, neahttagirjin. Šaddá somá oaidnit makkár šaddá.

Mus eai leat nu olu dadjat šat. Mun in diehtán galggai go ná šaddat... Mun in diehtán galgen go obanassiige sáddet dien girjji prentehussii. Ja dál dat lea juo sáddejuvvon!

Lihkku Máhttii!

Olu lihkku Mathis Bongui, gii oaččui máilmmi fiinna bálkkášumi odne: Årets nettlærer i Norge!!! :)

http://www.samiskhs.no/article.php?id=1427

Mu girji olle almmolašvuhtii

Odne lea munnje illubeaivi. Mu girji Dagar i Kautokeino almmuhuvvo boahtte mánus girjegoasttádusas ETC Förlag, Stockholmmas. Dehe almmuheapmi, releaseparty, jus oba šaddá ge, gal šaddá várra dáppe davvin. Leat bidjan ođđajagimánu 14. beaivvái almmolaš luoitima.

Dagar i Kautokeino lea ruoŧagielat diktagirji. Divttat leat čuhppon mu beaivegirjjis giđas 2009 - giđđii 2010. Fáttat mat leat mielde leat earret eará: ráhkisvuohta, problemat, sex, terapi, eamiálbmotdefinišuvnnat, heiveheapmi ođđa eallindillái ja visot mii muđui gullá eallimii dáppe Guovdageainnus.

Amma lea veaháš somá. Dat šaddá nu čáppat maid, girji, hirbmat čáppat, mu mielas. Somá go lea girjegoasttádus doarjjun :)

Vuosttaš dikta lea ná:

26 april 2009

Nu tjafsade vi, jag vet fan inte vad jag ska göra
eller säga eller tycka
Hon läser sin bok och jag sitter vid fönstret
Det har börjat regna
Om det fortsätter så smälter all snön bort
A tycker att Trondheim är så mycket intressantare
Hon har försökt här, hon har sökt några jobb
Men de har inte ens svarat att de mottagit hennes ansökan
Bakom molnen ser jag en svag sol genom köksfönstret
och en fluga kryper nyvaknad längs karmen
Jag vet inte vad solen kunde vara i A:s fall
Jag har en gul tröja men jag tror inte det räcker.

Čuohppat ja čuohppat.

Lean čállán ja čállán dál, ja mun jáhkán ahte lean dál geargan. Lei okta CD-skearroárvvoštallan ja okta krönika, maid galgen čállit. Dál mun jáhkán ahte lean ollen mollii. Sávan goit. In dieđe. Ii goassige dieđe. Ii maidege. Muhto go dovdu lea buorre, de ferte beare heaitit. Lea áibbas hirbmástuhtti ahte sáhttá čuohppat eret nu olu iežas teavsttas. Álggus ii oainne dan, muhto de, jus geahččala, jus álgá čuohppat, de sáhttá čuohppat. In mun dieđe šaddá go álot buoret go čuohppá. Muhto goit. Ii šatta seamma olu gáhtat maŋŋil ;)

Namnforskaren Märit Frändén: "Det blev en bok."

Ja mun jugan dieđusge gáfe meahcis, dan mađi ollu ahte dál in oaččo nahkáriid!!!! Ja maid mun de? Raban dihtora, ja čálán. Nu go ovdal lean maid máŋgii juo dahkan.

Okta diŋga, man birra ferten dál dáid beivviid čállit, lea dieđusge Märit Frändéna nákkáhallan Uppsalas girjjiin "Att blotta vem jag är": Släktnamnsskick och släktnamnsbyten hos samer i Sverige 1920–2009. Nu go son ieš maid čálii munnje: Det blev en bok, dat šattai, dat šattai buorre girji. Lea hui somá gullat ahte son nákkáhallá 20. beaivvi dán mánus diibmu 10:15 Ihresalenis, Uppsalas. Vuostenákkáhalli lea professor Håkan Rydving, Bergena universiteahtas. Mun in leat dalle doppe. Mun lean dáppe. Mis lea Nilut Cup Guovdageainnus dien vahkkoloahpa, ja mun lean bovden guossi deike. Nu ahte mun bázán gal deike. Mun in láve dán áiggi šat nu dávjá fitnat lullin. Vuosttaš jagi gal lei veaháš eará. Dál mun orun dáppe :)

Märita girji lea buorre. Das lea olu sisdoallu, ja sisdoallu lea biddjon jierpmalaš vuohkái, vai loahppabuvtta lea buoret go girjji oasit leat ieža. Ja girjji oasit, dehe dan guorahallamat, leat buorit dat maid. Ollu ja miellagiddevaš statistihkka sámiid goargogeavaheami birra Ruoŧas. Beassá lohkat ahte sámiid gaskkas lea guhká leamašan dáhpi goarggu geavahit. Birastahtti servodagain ii lean dakkár dáhpi álggus, muhto dáppe lei. Jus juo 1600-logus lei, mun in muitte riekta jahkeloguid šat. Ja mun lean addán girjji min girjerádjosii odne, de mun in beasa dárkkistit just dál. Veaháš suddu dien dáfus, dieđusge.

Lea buorre girji. Loga dan!

Dál mun fuobmájin ahte olles teavstta sáhttá dás lohkat, dehe lastet vulos. Mun ieš rahpen dokumeantta, muhto lea váddáset gávdnat maid áigu, go dušše lea neahtas...

Čuoiganmohkki gállolámppáin

Gova, mii oidno dás bajábealde, lea Máret Siri váldán.

Muhtun giellastudeanttat (joa, sis lea diet liigeeneršiija, vissa:) ledje hutkan jurdaga - mii vuolgit čuoigga goahtái mii lea doppe Suohpatjávreguovlluin, moatte kilomehtera nuorttas luonddubálgá mielde. Ja velá sevnnjes eahkesbotta, vai mii beassat albma gállolámppáid coggat ja geavahit. Ja nu mun oidnen ahte mu čuoiganlámpá ii doallan deaivása.. Diet Suomabealnieiddas gal lei áibbas eará fámut su čuovggas..

Lei hui somás tuvra. Eandalii vuolgit fas boahtte vahkus! (In dieđe dies geavahin go sáni "eandalii" riekta, muhto mun ohcalin muhtun diekkár sáni, gal dat várra dohkke, vai?)

Elle Show

Oidnen Facebookas ahte Elle Show, mii lea dán jagáš Ízü-sátta, ii leat buorre. Mun hálidin dan ieš dárkkistit, ja de fitnen NRK-siiddus. Mun atnen Elle Show buorren :) Goit moddjájin duollet dállet go gehččen 09.11.2010- ja 26.10.2010-bihtáid.

Guovdageainnu Sámisearvvi stivrii

Dii várra buohkat dovdabehtet muhtuma geasa positiivvalaš sátni "sporty" heive vuohkkasit. Goit ge dii geat lehpet Norgga bealde eret, go dii goit ipmirdehpet sáni. Mun in ieš goassige geavat sáni, go lean Ruoŧabealde eret. Muhto ikte čálii mu olmmái mu birra ahte lean sporty. Lei hui somá, ja mun jurddašan dan ain, vaikko olles jándor lea gollan dan rájes.

Vaikko ieš barggan hui garrasit iežainan ja álo geahččalan buori barggu bargat, de imaštalan juohke hávi go gulan positiivvalaš čilgehusaid iežan birra, dehe go ipmirdan ahte olbmot árvvusatnet mu barggu. Mun lean odne válljejuvvon Guovdageainnu Sámisearvvi stivrii, ja mun válddán dan duođaid gudnin. In ge riekta ipmir manne mun oaččun vejolašvuođaid maid oaččun. Ilus lean dattetge :)

Ávvudeimme olbmáin Kauto ođđa pizzeriijas, jugaime juoidá. Ja dan maŋŋil vulgen sisbandyi. Spillejin dohkkálaččat vaikko ledjen ožžon juoidá "veastta vuollái". Dál lean ruovttus, boran lakcajieŋa. Livččii somá jus dáppe livččii olmmoš ligget mu bađa... muhto gal dat sihkkarit liekkana muđui ge gokčasa vuolde ;)

Galbma bađat

Go leat máŋga buolašgráda (dál -16 Jávrrašdievás) de goalun vaikko dáppe siste maid, ja go sihkkelasttán bargui dehe sisbandytrimmemii Báktehárjái, de galbmon. Ja erenoamážit orru leamen nu ahte bahta galbmo. Gullen odne ahte Álttás lea spábbačiekčanjoavku man namma lea Govda bađat :)

Viimmat gávdnen ruovttosiidu masa liikon.

Oh my god, I have found it. Carla Bley virggálaš ruovttosiiddu. Dat lea nu buorre. Mun maid hálidan juste seammalágan. Muhto mot mun sáhtán diekkára hukset?

Liikon sátnegirjjide

Ievttáš studeantaviessovihahus lei albma sukséa, jus jearat mus. Álggus beaivet lei hui somá, buorre neavttašeapmi ja njálgga jugus, ja ollu olmmoš. Eahkesbotta fas ledje maid olu olmmoš ja somás guossuheapmi lávddi nalde: Max Mackhé + bass, nu go čuoččui almmuheamis. Go feasta nogai finaimet hoteallas, muhto bárá lei juo gidden jugusjuohkima. Mii de jotkkiimet muhtun maŋŋefestii nuppe beallái eanu. Lei somá dat maid, muhto mun veaháš váiben ja sihkkelasten ruoktot. Duđavaš. Lei somá ahte studeantavisti lei nu buorre báiki. Buorre feastabáiki. Olbmot dánso. Čeahpes olbmot. Somá oaidnit.

//

Muhtumin vajálduhtán sániid, dalle lea nu buorre ohcat daid sátnegirjjiin. Mun in láve nu dávja geavahit dien alit dáro-sámi sátnegirjji, muhto juste dál šadden ohcat vigsling ja vigsel, go in muitán riekta mot lei.

Otná sátni: vivahus, invigning

Ruoŧa gonagas...

Na, dál galgá viimmat Ruoŧa gonagas maid kommenteret iežas eallima sevnnjes beliid. Dat šaddá miellagiddevaš gullat. Ii várra šatta nu olu bivddu birra go ovddit jagi, de!? :)

http://www.dn.se/dnbok/kungen-ska-kommentera-skandalbok-1.1201758

Ja lea dieđusge hui miellagiddevaš oaidnit ahte máilbmi lea veaháš rievdan. Dat mii ovdal lei priváhtta ii leat šat seamma priváhtta. Mun lean áibbas ovttaoaivilis (ja mun han lean mun maid almmuheamin iežan priváhtta eallima, dehe goit muhtun válljejuvvon osiid das, fargga:). Ođđa áiggit!

Angry Birds

Dán spealu dat spillejit...

http://ovttas.no/se

Mun ferten iskat mii son dát lea: http://ovttas.no/se

Ođasmahttin. Mun liikon jurdagii, ja mun liikon maiddái hápmái. Dál go fitnen, de ipmirdin ahte lei Demoveršuvdna, ja ahte visot ii leat vuos liŋkejuvvon njuolgga, muhto dat lei goitge hui somá oaidnit mii sáhtášii šaddat das. Buorre, buorre!! :)