På tal om att skriva...

Mun lohken DN:as ahte nuorain lea miella čállit girjjiid. Somá!

http://www.dn.se/dnbok/var-tredje-har-forfattardrommar-1.1199831

Max musihkka ja jearahallan radios

Max Mackhé gullo Ruoŧa radios P4 Norrbottenis. Lea somá gullat veaháš eambbo sus. Son hupmá bággojohtima birra ja muđui ge čilge maid ja manne son lávlu nu go dahká. Su namma daddjo boastut moddii. Dat ii leat Macheké, muhto baicce Mackhé, guovtti stávvalis.

Lea go odne sisbandy?

Niegut ja nieguid čilgehusat

Odne ožžon girjetipssa:

http://www.nb.no/utlevering/contentview.jsf?urn=URN:NBN:no-nb_digibok_2008091504094#&struct=DIV34

Jus niegadat juoidá, ja hálidat diehtit man birra duođas lei, de sáhtát lohkat girjji Niegut ja nieguid čilgehusat, man Mikkel P. A. Bongo lea čállán ja Davvi Girji addán olggos.

Ollu giitu tipssas, L!

Ollu jurdagat

Ledjen Facebookas, ja mu olmmái čujuhii dán videui. Son lea duođaid erenoamáš, Michael:

Muđui leat mii odne čorgen geallára girjeráju, mas leat Dieđut ja raporttat ja čielggadeamit mat Allaskuvla (dehe rievtti mielde Insituhtta duo dalle) lea buvttadan. Mis ledje njeallje siivos bártni veahkkin Operasjon dagsverke olis. Joatkkaskuvllas. Eai lean várra olles áiggi nu siivot, muhto barganat gal ledje. Manai hui bures. Rádju mii iđđes árrat lei kaos lea dál systematiserejuvvon goit muhtun muddui.

Oidnen maiddái eará liŋkkaid Facebookes. Nubbi manai Molleha livečuojaheapmái Ruoŧa TV:as, mii lei odne TV4:is, iđđesprográmmas. Álggus oaidniba vástideamin muhtun jearaldagaid, ja dan maŋŋil čuojahit. Hui somá oaidnit.

Ledjen maid gullan muhtun Árdna-ášši birra, maid hálidivččen oaidnit, muhto mun in gávdnan dan neahtas dál vuos. Sáhtán dasa čujuhit eará háve.

Odne meidnen sisbandy spillet diibmu 9:s, Báktehárjjis.

Gii lea ráhkadan dien bohcco mii lea Báktehárjji olgobealde, dien bácci? Mun fitnen allaskuvlla girjerádjosis gullat leat go sis muhtun girji gos čuožžu. Ožžon veahki ohcat, muhto mii eat gávdnan gean bázzi lea. Bessen goit gullat eará áššiid, iežan blogga birra :)

"Dagar i Kautokeino" almmuhuvvo girjin farga!

Mun dieđán, mun lean čeahppi váldit olggos vuoittu ovdal go lea vuoitán. Muhtumin láven ákkastallat ahte lea buoret dan váldit ovdalgihtii, go dalle beassá návddašit vuoittu goit muhtun áiggi, ovdal go ipmirda ahte ii vuoitán.

Dál lean nu ilus ahte šaddá girji. Dagar i Kautokeino. Dat almmuhuvvo duođas. Dehe mun dan almmuhan, iežan ođđa girjelágadusas. Sáddejuvvo prentehussii boahtte vahkus, jáhkán. Lean gullan positiivvalaš sániid giehtačállosa birra, maid lean sádden muhtun olbmáide. Muhtun olmmái lea lohkan ahte lea menddo ollu sex dán girjjis, ja dat lea várra veaháš duohta. Muhto mun in sáhte váldit dan eret ge. Dán háve šaddá Director's cut juo álggu rájes, go mus ii leat albma redaktevra. Muhto dat han lea ođđa áigi, ahte buohkat besset almmuhit maid ieža hálidit.

Sáhtán lasihit ahte in duostta sáddet dán giehtačállosa girjelágadusaide. Jus dus lea muhtun kontávttat muhtun lágadusas, main dáidá leat beroštupmi, de oaččut áinnas váldit oktavuođa muinna. Nu fargga go vejolaš! Sáhtán duođaštit ahte lea buorre manus ;)

Advanced Style: Ilona Royce Smithkin

Lei somá fuobmát dán áhku. Mun gávdnen video Annika Bäckströma bloggas. Boares áhkku gii duođaid muitala juoidá ivnniid ja mota birra.

Muhtun áššit. Lea mánnodat.

Odne lea mus ollu ságat. Vuosttaš lea ahte aviissas čuožžu ahte Magne Hovdena romána Sameland lea dan mađi buorre ahte galgá jorgaluvvot máŋgga gillii (Braksuksess for bokdebutant). Mun de viegan girjerádjosii, gos oaččun veahki gávdnat girjji. Dál lea mus girji dás iežan luhtte, ja lean álggán veaháš lohkat, muhto dat ii oro buorre :(

Nubbi ášši lea ahte mun fitnen bátnedivššára luhtte. Lei nu buorre. Go olmmoš ii leat muhtun áiggis eará olbmuiguin lagas leamašan, de lei nu buorre ahte muhtun olmmoš divššui mu njálmmi veaháš. Cokkai iežas litna suorpmaid ja válddii eret bátnegeđggiid, lihkahii mu báksamiid. Mun muitalin dasa ahte lei nu buorre leahkit bátnedivššára luhtte, ahte lei hui buorre dovdu. Dat vástidii ahte gávdnojit earát mat eai leat seammaoaivilis muinna dien áššis :)

Goalmmát ášši lea ahte mii humaimet ođđaáigásaš dábiid birra boradanbeavddis lunšedettiin. Olmmái logai ahte mun in livčče birgen Facebooka ja blogga haga. Mun in leat ovdal nu jurddašan muhto dat lea várra veahá duohta. Livččen gal ohcalan ruoktot ain eambbo, erenoamážit jus ii livčče Facebook. Livččen riŋgen eambbo. Ja jurddaš jus ii livčče delefovdna ;)

Njealját ášši lea ahte aiddo vuššen maniid juste muttágit. Ledje nu njálgát :)

Twitter-diehtu

Moai N:ain letne manname duoddariidda odne, duoddariid badjel Ávžžis nuorttas, jáhkán. Mun illudan. Sávan ahte ii leat vuos menddo olu muohta.

Språkspel-länk

Somá oaidnit ahte olbmot spillejit Giellaspealu, ja de čállet neahtas dan birra:

http://samiskbibliotektjeneste.wordpress.com/2010/08/30/victoria-harnesk-och-ville-soderbaum-sprakspelet-korten-som-gor-dig-till-kung-pa-nordsamiska-spill/

San Fransiscos lea musihkka-joavku man namma lea The Who. Mun in leat goassige guldalan daidda. Mun ledjen ikte Marrasis, ja joavku mii spealai doppe lei Odds & Sods Álttás. Ledje čeahpit. Ja dál go mun googlen sin, de oainnán ahte The Who lea addán olggos albuma seamma namain.

---

Mun livččen hálidan dál čorget, muhto mun in riekta gille. Lea nu váivi.

Mun logan viidáseappot Raska girjjis, man birra ikte muitalin. Son loahpaha ovdasáni dáiguin sániiguin: "Slutteligen anbefaler jeg den lærde og gunstige Læser nærværende lille Verk med Horatses skönne Udtryk: est qvodam prodire tenus, si non datur ultra." Mun gii lean bajásšaddan eará áiggis in leat oahppan láhttengiela, vaikko lean ge muđui allaoahppan olmmoš, muhto lihkus lea Google. Ja jorgalusa gávnnan dán siiddus, gos čuožžu:

"Est quadam prodire tenus, si non datur ultra" (It is always possible to reach a certain point, if not to go beyond). Sámegillii šattašii várra: Lea álohii vejolaš ollet juostá, jus ii ain guhkelii.

Mus livččii veahá miella lohkat viidáseappot, muhto beaivečuovga lea dál, ja dat jávká farga. Livččii gal hui vuogas fitnat márkanis sihkelastti. (Vaikko in oro gilleme...)

Rasmus Rask goes www.

Wow, Sánis Sáhkan han lea gávdnan máilmmi čáffamus teavstta google booksaid gaskkas: Rasmus Rask Lappisk sproglære. Harvard College Library lea govven buot siidduid girjjistis "Ræsonneret Lappisk Sproglære efter den sprogart som bruges af fjældlapperne i Porsanger-fjorden i Finmarken". Mun dušše dajan wow. Ii lean bahá. Wow oktii vel.

http://books.google.com/books?printsec=frontcover&pg=PP5&id=wrhItPeEV8oC&hl=no#v=onepage&q&f=false

Mun logan muhtun sániid:

Men da jeg, efter min Hjemkomst fra Indien, havde påtaget mig, for det kgl. norske Videnskabernes Selskab i Trondhjem at udarbejde en Undersøgelse om det lappiske Sprogs Oprindelse, eller overhovedet SLægtskabsforbindelse med Sprogene i det indre Rusland og nordlige Asien, og begyndte at ordne mine Samlinger dertil; så var det mig især et føleligt Savn, at der ikke gaves nogen lappisk Sproglære, som var at erholde, og som gav en nogenledes klar Oversigt over Sprogordningen i overskuelige Böjningsmönstre, som man kunde henvise til, og vænte at nogen Læser vilde efterse, og kunne forstå. Leem har nl. intet Paradigma opstillet, men i fortløbende Liuier opramset Böjningsformerne den ene efter den anden, hvorved man trættes og forvirres overordentlig, hvorved han også selv er kommen til, hist og her at springe en Tidsform ell. desl. over. Jag havde således intet bekvemt Grundlag at gå ud fra, hvorom jeg kunde sige: se således er det lappiske Sprog beskaffent, som vi skulle jævnføre med de beslægtede; eller ved de enkelte Tilfælde: således er dette eller hint, af denne eller hin Grund, indrettet i Lappisk.

Lea oalle erenoamáš teaksta, mu mielas. Mun in dovdda dien Rask, muhto dál gal dieđán veaháš buorebut makkár son lei. Somá ahte obanassiige gávdnojit neahtas dákkár diŋggat, ja somá ahte Sánis Sáhkan dan gávnnai :)

Ruoŧa Sáminuoraid Giellamiellaprošeakta :)

Gea dá: http://www.saminuorra.org/projekt/gillamiella
Orru hui miellagiddevaš :)
Mun lohken muđui dien prošeavtta birra Ylva Maria Pavvala siiddus:
http://creativesapmi.com/2010/10/20/sprakpepp-i-cybersapmi/

ÁRA "Juhán"

Hei
Dál lean álgán ođđa doaimmas
dutkanráđđeaddin, lea buorre bargu
Orru leamen miellagiddevaš áššit, ja
dat lea hui buorre

Mii leat maiddái vuovdime
Olbmot ostet dien spealu, dat lea hui somá
Moai Victoriain letne nu duđavaččat
Dat lea buorre.

Rastahyttan

Oh my god that is fun!!!

http://vids.myspace.com/index.cfm?fuseaction=vids.individual&VideoID=18934858

Mun ledjen konferánssas, ja mii álggiimet hupmat Rastahyttana birra :)

Go balkoŋŋas gehččen olggos ikte...

Mun govvejin Lissabonnas, muhto mun in govven iežan kamerain. Dan dihte šattai nu go šattai, mun válden muhtun govaid eatni govvenapparáhtain ja eará govaid fas oappá apparáhtain. Dál manai oabbá njuolgga Stockholbmii. Mun in ollen su govaid váldit... Dan dihte čuhppen muhtun govaid iežan eatni kameras :) Lehket buorit!

Dá govven oappá :) Eatni fas govve munno...

Ja die oidno áhčči maid.

Ná fiinnis lei Lullieurohpás :)

Portugal nr 2

Mun in dal astta bidjat maidege deike. Ihttin mannat ruoktot Ruttii, ja dalle beasan savvamis blogget eambbo, ja maiddai bidjat govaid. Vaikko galggan maiddai ollet eara assiid bargat Ruotas ovdal go sotnabeaivvi manan Norgii. Earet eara aiggun fitnat oappa Afrodans-aerobicas, oassalastit muhtin unnitlohkogielkonferanssas Uppsalas ja vel varra deaivvadit muhtun olbmain.

Diehtu Portugalias

Mun lean Portugalias. Lea buorre. Mus lea luopmu barggus. Lea dohkkálas dálki, lea arván veahá, juohke beaivvi arvá veahá, muhto lihkká lea buorre. Go beaivi báitá lea báhkas. Odne lea plána merrii mannat lávgodit. Meidnen bidjat govaid deike. Muhto mun in duostta maidege lohpidit. Bohtet gal. Muhto in diede goas. Gulahallat!

Sitáhtta

´What a silly thing Love is,´ said the Student as he walked away. ´It is not half as useful as Logic, for it does not prove anything, and it is always telling one of things that are not going to happen, and making one believe things that are not true. In fact, it is quite unpractical, and, as in this age to be practical is everything, I shall go back to Philosphy and study Metaphysics.´

Nu čuožžu Oscar Wilde noveallas "The Nightingale and the rose" čoakkáldagas The Happy Prince and Other Tales. Ja dan maŋŋil boahtá loahppa:

So he returned to his room and pulled out a great dusty book, and began to read.

eatni ruovttoráhkaduvvon bollát :)

Juhkat káfe Nåntunas, iežan váhnemiid stobus, doppe gos lean bajásšaddan, aivakto muhtun iđida dehe ovdalgaskabeaivvi golggotmánu álggus, dat lea eallin. Ja jus dasa lassin gávdnojit mammas hembakade bullar - eatni ruovttoráhkaduvvon bullát - de loavttán goit mun hui bures :)

jurddašan veara

"En folkrörelse är en rörelse i människornas hjärtan, en idé och inte en organisation. Blir idén en organisation dör den."
Per Olov Enquist, Lewis resa, s 17.

La-la-la-Uppsala

Mun lean gávppašan Gardermoenis. Dál lean iežan eatni ja ahči luhtte Uppsalas. Osten 5 boahttala Champagne go dáppe leat oallugat deavdán jagi...

Dasa lassin lean Norgga t-baiddi oastán. Ja skávžžaid vel seastán. What am I doing?

Jan Guillou goes crazy

lea nu trágalaš čohkkát barggus dán áiggi lávvordateahkedis. mun de válljen čállit juoidá Twitteris. loggen sisa, čállin dihte ovtta cealkaga. ja de oainnán maid Jan Guillou lea čállán. son lea nu erenoamáš. čállá: Med detta går jag, Jan, in och genomför "Helikoptern" för min fru. Återkommer med resultatet av denna min nyfunna folklighet. Mun in riekta dieđe mot mun galggan dan dulkot. Maid son bargá? Hálida go son dušše oažžut lohkkiid, vai manne son nie čielgasit muitala maid áigu bargat iežas eamida ovddas? (Dutnje gii it dovdda sáni "helikoptern", de dat mearkkaša ahte son njoallu birrat-birra iežas eamida bunnu.)

na na, mun šadden čállit bloggerii maid mun jurddašin, lei nu ártet. in ge hálit šat bargat...

Ruoŧa radio revánša :)

Vel muhtun ártegis olmmoš

Mun logan dál girjji mii sisttisdoallá buot Oscar Wilde oanehis fikšonmuitalusat (Complete Short Fiction), ja aiddo dál The Portrait of Mr W. H.

Munnje lea doarvái lohkat ovtta siiddu, de álgen dovdat juogalágan friddjavuođa. Lea buorre dovdu. Vuoiŋŋastan girji gieđas.

Mun in leat ovdal lohkan nu olu Oscar Wilde, jus maidege. Lean gullan The Canterville Ghost ruoŧagillii. Mis lei kaseahtta maid láviimet guldalit biillas go vujiimet 35 miilla geassestohpui, Spöket på Canterville. Lei miellagiddevaš. Buorre story, muittán.

Feng shui ođasnuhttin - mot manná?

Mun álgen Feng shuiain muhtun vahkuid áigi. Mun namuhin dan dalle dán bloggas. Mii lea dáhpáhuvvan dan maŋŋil? Lean go ollašuhttán čorgenjurdaga mii mus lei? Vai lea go ain seamma stökigt mu luhtte go ovdal?

Mun lean dahkan juoidá. Mun lean čorgen beavddi, ja mun lean čáhccen liđiid. Oidnen dán gova, mas boahtá ovdan ahte mu love & marriage-čiehka lea soffáčiehka... ja dan dihte lean dál čorgen soffás maid, ja čáhccen mu golbma rási, mat ledje goasii goikan...

Dál go lean lupmui, de meidnešin čorget front right čiegas, vai manná bures mu mátkkiiguin :)

kantuvrii vuohon

Ii máhte visot. Dat lea dieđusge nu. Muhtumin doaivu ahte máhttá goasii visot. Muhto dat ii leat nu. Mun in máhte visot. Dan mun dieđán. Šiehtadallat bálkká iežan ovddas, dál go álggán ođđa virgái, omd... dan mun in máhte nu bures :/

---

Leat nu olu barggut. Eai goassige noga. Mun áiggun fas kantuvrii, vaikko lea bearjadateahket. Juo, juo. Dat manná bures. Ihttin lea sávvamis mu maŋemus beaivi WINHEC:as. Sávan ahte gearggan. Muhto ain báhcet beare olu barggut, ja mun in duostta in maidege lohpidit. Mun in dieđe mot dát visot galgá mannat. Orru leamen nu ahte dat beare šaddá eanet ahte eanet barggut. Dan dihte lei odne veadjemeahttun mannat teáhterii, vaikko livččii miella oaidnit Sáhpánat ja olbmot-bihtá fas. Livččii duođas miella. Muhto muhto.