Giittán ipmila go lea Interneahtta dáppe mu luhtte

Mun lean manname Márkomennui. Dál dat lea mearriduvvon. Ihttin lea vuolgga, maŋŋil barggu. Dál basan biktasiid. Dál boran veaháš. Dál áiggun lihtiid bassat. Mun in leat konsearttas, vaikko livččii dál miellagiddevaš ja sihkkarit buorre konsearta Henriette campinglávus. Hui hálbbes haddái, jus ii lean várra nuvttá. Mun jáhkán dat lei nuvttá. Muhto mun lean dáppe Jávrrašdievás. Go ledjen eret mannan vahkkoloahpa, ja go lean eret maiddái dán vahkkoloahpa, de lea hui buorre leat veaháš ruovttus. Mun lean váldán muhtun govaid, vai beasan muitalit makkár lea dáppe. Báhter nogai, ja dan dihte fertet vuordit muhtun diimmu ovdal go govat almmuhuvvojit dáppe. Dat gal sihkkarit manná bures, amma?

Buorre gaskavahkkueahket dutnje!

Dá lea muhtun šattos. Leat go persikat?

Dá lea ođđa bivttasbassanmašiidna.

Ja dá lea ođđa reive Stáhta vegvesenis.

Maria Akraka geassi P1:as

Hálidan oađđit, muhto lean juo nohkestan ovtta gaskka, ja de gullájin. Dál in fáhte fas nahkáriid. Bijan Maria Akraka geasseprográmma johtui dihtoris. Veaháš ráhkasnuvven Maria Akrakai go ledjen unni, son lei nu čáppat ja čeahppi - jođán. Ja gievrra. Otná prográmmas hupmá olbmo erenoamášvuođaid ja spiehkastagaid birra.

Muhto okei, mun dieđusge in fáhte nahkáriid jus čohkkán dihtora ovddas. Dál manan fas seŋgii geahččalan dihte lihku ;)

Man vänjer sig

Ožžon tipssa Facebookas. Mu olmmái lei gávdnan dán video, ja lávllui mielde. Lea oalle somás ruoŧa lávlla ruoŧa lávluin Kjell Höglund.

Gáldu ja WINHEC čállagat

Mun ledjen vissa lohpidan Gáldu čállaga ođđa covera gova. Dá dat boahtá:

Guovdageainnus lea odne balvadálki, beaivváš ii oidno. Mun lean fitnan barggus. Trimmiimet hárjehallanlanjas ja dál čohkkán iežan dihtora ovddas. WINHEC-čála lea aiddo odne boahtán Austrálias. Mun in leat dan vuos govven, muhto mun lohpidan ahte lea hui čáppat. Ferten várra vuordit moadde vahku ovdal go almmuhan dan gova deike, go áigečála almmuhuvvo virgálaččat easkka 24 beaivvi boahtte mánus.

Mun in leat vuos juhkan káfe odne. Dál áiggun. Vai áiggun go duođas. Mun kánske in áiggo. Mis ii leat nu njálggakáffe dáppe rukses viesus.

Studeanttaid latnja. Mun in lean mielde go dáppe lei sisafárrenfeasta. Ledjen Ruoŧas.

Dán gova válden mannan vahku muhtun ija go in ožžon nahkáriid. Mun barggan ja čohkkán dál doppe trailera bajábealde, stuora huksenkompleavssas, Diehtosiiddas. Dehe, na dát rukses viessu, gos duođas čohkkán, dieđusge ii oidno. Muhto na na.

Amma lea lasten fiidnát Guovdgeainnus?

http://www.dn.se/kultur-noje/nyheter/wikileaks-sajten-som-avslojar-obekvama-sanningar-1.1074942

Sámi allaskuvla Riddu Riđus

Mun boran lakcajieŋa
Mun áiggun muitalit juoidá
Moai Áslagiin leimme jođus...

Vujiime Suoma čađa.

Čohkkájin su bálddas, go in leat vuos vuodján koartta.

Osttiime mielkki Suomas
Galggaime ráhkadit chai-latte...

Olliime Riddu Riđđui
Muhtun viesus ledje hissen issoras piráhttaleavgga
Lei nu galmmas duorastaga.

Bearjadaga lei balvái
Muhtumin oidnui beaivváš maid
Dán govas oidnojit lasttaid suoivanat.

Dá lei min lávvosadji.

Tuaregat ledje nu čeahpit, čuojahedje nu lossadit.
Joavkku namma lei Tinariwen
MySpace-siidduset, gos beasat gullat sin fantásttalaš bluesa, lea dás.

Moai ovddasteimme Sámi allaskuvlla ja WINHEC
Bohte dievvá guossit
Moai ean govven go muhtumiid.

Dán joavkku govvejin máŋgii
Lei hui somás heaŋgá olgobealde min lávu (ja dan siste maid, dieđusge)

Borren biđđosa iđitbiebmun...

... Ja fuobmájin ahte ledje oalle čeahpit sirret ruskkaid.

Ledje gávdnan ollu voluntearaid
Olles gilli, man namma lea Olmmáivággi, lei involverejuvvon
Ja earát nai.

Odne lei buorre beaivi
In juhkan maidege ikte, ja danin ođđen ge hui bures
Odne lei maid hui čáppa dálki
Jus livččii dákkár dálki leamašan juohke beaivvi, de livččii munno Áslagiin bargu mihá geahpaseabbu. Muhto nu ii lean. Dat manai aŋkke hui bures :)

Dál lean Guovdageidnui ollen, ruoktot. Lean bidjan mu govaid dihtorii. Lean koblen iežan bajás Internehttii. Lean fuobmán ahte odne lea erenoamáš beaivi munnje. Mu riegádanbeaivi. In dieđe vuos dál mot galggan dan ávvudit. Lea leamaš fiinna diibmobealli dál - lean guldalan Tinariwena - ja buorre álgu han lea hui dehálaš ;)

Lean juo oaidnán ahte máŋggas leat čállán mu Facebookseaidnái. Muhtumat álge juo kvárta váile guoktenuppelohkái. Ii das mihkkege. Lea njulgestaga hui hui somá ahte olbmot sáddejit dearvvuođaid munnje.

Dál in dieđe eará go rávkat lihku beaivái alccesan! Ja dutnje maid, ráhkes lohkki: Ane buori beaivvi!

Mii geavai rittus?

Mun ledjen rittus, Riddu riđus. Bosodii maid, lei nu go galggai. Eai lean čuoikkat. Válden muhtun govaid, ja muhtun dain govain áiggun almmuhit deike farga. Muhto dál duđan lohkamiin ahte lei somá. Garra bargu lei. Lea álohii garra bargu go galgá guossohit juoidá (chai latte, kafe, snoahpamušaid). Mun muittuhuvven das vuohon. Ledjen vajálduhttán. Muhto, dat lei maiddái somá, hui somá. Somá oađđit dollagáttis. Ođđen akto iežan oađđinseahkas, juste dola guoras. Muhto lávus lei maiddái máilmmi buoremus veahkeheaddji buot áššiin mat gusket deadjavuoššamii ja guossoheapmái.

Gávdnen musihka neahtas. Lean várra ovdal juo čujuhan dán báddejupmái. Lea veahá somá oaidnit guokte Pepsa ;)

Bloggeriid bealuštantálla

Guovlladettiin neahttabláđi unt.se (Upsala Nya Tidninga ruovttosiiddu) oainnán juoidá man namma lea Stafettbloggen. Dán vahku lea vissa mu olmmái Christer Engqvist gii blogge doppe. Juohke olbmos lea vissa vahku, ja de boahtá nubbi čálli nuppi vahkkui. Christer lea leamaš hui viššal daid beivviid, oainnán. Bloggen juohke beaivvi mánnodaga rájes, ja máŋgii vel. Göteborgamátkki birra. Mun oainnán maiddái ahte eará kulturpersovnnalaččat galget joatkit blogget Stafettbloggas boahtteáiggis: earret eará Mille Lansburgh ja Fredrik Jönzén, geat leaba oalle dovdosat Ruoŧas ja Uppsalas.

Logan veaháš, ja darvánan gitta muhtun cealkagii, nu go muhtumin dagan. Stafettbloggejeaddji čálii mánnodaga dás ahte son lea geahččalan blogget ja twittet, muhto su geahččalanáigi ii lean bistán guhkit go vahku maks. Son čállá: Mun ledjen oalle viššal measta olles vahku, ja dasto ipmirdin ahte dat maid čállen ii lean somá ii ge speanta, ii alccesan ge. Ja de son joatká, ja dat lea dása mun in liiko: Kanske något som fler borde fundera på.

Mun meidnen, áibbas duođalaččat, ahte mii bargat buori barggu go mii blogget. Jus lea somá dehe ii leat somá, jus lea miellagiddevaš dehe ii leat, dat ii leat nu nöje. Dat lea goit juoga, ja dat lea dat mii lea dehálaš. Mun lean nu imponearašuvvan mis geat blogget - mii leat nu duostilat ja rabasmielalaččat. Mun in hálit ávžžuhit olbmuid jurddašit lea go duođas nu somá, dat maid mii čállit. Danin go dat ii leat álo nu somá. Muhto mu mielas lea somá ahte olbmot bloggejit. Hui somá. Mun lean oahppan nu olu, sihke iežan blogga bokte ja earáid bloggaid bokte.

Nu lei mus bloggeriid bealuštantálla. Lea somá čállit, ja mii leat čeahpit geat nagodit čállit. Mii galgat leat čeavlát dan dihte go mis lea blogga. Jáhkán. Mun dovden dan áibbas čielggasit go lohken Stafettblogga eske, ja dan dihte lean ge veaháš giitevaš dan čállái maid. Ja dat han lea ge buorre :)

ihttin Riddui, dál Twitter

Ihttin mii vuodjit Olmmáivággái ja Riddu Riđđui. Mun in leat ovdal doppe leamašan. Šaddá miellagiddevaš. Mun áiggun lávus čohkkát, dehe lávu olgobealde čáppa dálkin, ja juohkit dieđuid Sámi allaskuvlla birra. Mis lea muđui rákkas-kino lávus gos beassá mátkedihtoris geahččat muhtun oanehisfilmma guvttiid-guvttiid. Plána lea ráhkadit chai-latte, káfe ja velá guossuhit goikebierggu nai.
Mun lean álgán twittret. Lea go dis Twitter? Mun in leat ovdal geahččalan. Dál geahččalan. Lean vizardan moddii doppe juo, ja dat manná bures. Lean gávdnan muhtun olbmáid maid. Lea somá iskat ođđa mediuma.

Somás galba :)
http://www.sagat.no/index.php?id=54&article=25167

Oh my god this is so awful, muhtin olbmot mat geahččalit doallat muhtun bohcco, eai ge nagot.

http://www.youtube.com/watch?v=IgOiWwNO7tA

Vai maid sáhttá lohkat? Hui ártegis video. Vuoi vuoi. Addá veaháš heajos dovdduid.

"Samisk selvbestemmelse..."

Mun ožžon muhtun beaivvi raportta mu olbmás. Lei Gáldu čála nr 2/2009, ja dan namma lei Samisk selvbestemmelse. Autonomi og selvstyre: utdanning, forskning og kultur, dan redaktevra lea John B. Henriksen.

Lean dál lohkan olles teavstta, ja mun ferten lohkat ahte lei buorre. Áibbas somá lohkat dan. Ja dan in lean vuordán. Mun in dieđe jus dat lei tovdna mii lei nu buorre dehe jus lei eará sivva. Lei ollu sisdoallu. Ja de dovddan goasii buohkaid mat ledje mielde dain seminárain ja mat besse mielde sitáhtain girjái. Dat maid váikkuha. Muhto lihkká. Lea juoga dáinna teavsttain, mii lea buorre. Dan ferten lohkat. Dat lea hui somá :)

Dát čála lea vissa dan mađi ođas ahte lea váttis gávdnat dan olggoža gova neahtas. Ja go mus ii leat buorre kamera dáppe, de in bija in ovtta ge gova deike. Gal mun soaittán ihttin bidjat, jus beasan.

Jarŋŋa

Oidnen liŋkka dán videui, mas earet eará sahá gullo čuodjame. Lea áibbas čáppat. Joavkku namma lea Jarŋŋa. Brita Stina Sjaggo lávlu ovttas saháin. Katarina Rimpis lea váldojietna. Mandy Senger čuojaha gitárra, Jan Östlund bássa, Toni Geiling sahá, Crister Eriksson rumbbut. Bihtá namma lea Iellem le, sullii: I'm alive ;) Muitibehtet go muđui lávlunteavstta: "I'm alive, I'm dead, I'm the stranger..."?

Geassi P1:as ja eará áigeguovdilis áššit

Ruoŧa radio Sommar-prográmma láven guldalit. Muhtumin lea nu buorre. Mun gullen Eva Dahlgren ja dat lei buorre. Mun gullen Micael Dahlén ja dat lei áibbas buorre. Muhto dál odne gullen Christer Sjögren ja dat ii lean veaháš ge buorre. Veaháš heahpat, duođas. Mun doivon su čeahpes olmmožin, go son lea čeahppi lávlut, ja son lea čeahppi lávddi nalde. Muhto son ii máhttán hupmat iežas birra. Suddu. Hui heahpat.

Olles listtu gávnnat dás, jus áiggut guldalit muhtin sommarvärdii.

Muđui lean govven ollu odne. Lean govveme iežan diktagirjái Dagar i Kautokeino, muhto mun govven maiddái eará áššiid.

Mun fitnen Juhlsas, gos govvejin S ja M. Ja mun govvejin čuoikkaid ja čurohiid, nu go oidno dás vuolábealde:

investeremat

moai nr:ain oinniime almmuhusa Kuiperis mannan vahku. Mun in dál šat muitte gos lei, muhto almmuhus gal lei. Ja dál go gávdnen bláđi Kontorservices man namma lei Kuiper litterært tidsskrift kr. 100,- de bláđestin das, ja go gávnnahin dan geasuheaddjin, de osten dan. Dál velohalan seaŋggas logadettiin Sámi literatuvrra birra ságaid. Čeahpes čállit, miellagiddevaš áššit ja čábbát moderna layout. Wow! Kuiper lea albma áigečála, áigeguovdil ja deaivil. Hui somá!

ledjen veahá plánen čállit juoidá investeremiid birra. Olbmot muhtumin jerret mus dinen go maidege dainna spealuin. Mun logan in dál vuos, muhto kánske boahtteáiggis, jus manná hui bures. Go finan Kontorservices de gávppašan juohke hávi moatti čuođi ovddas - sis leat nu ollu buorit diŋggat: cd:at ja girjjit - ja mun dál eahpidan manná go goassige plussii, diet konto, vai mot? Diet kulturbargikonto, dan mun oaivvildan. Lean dieđusge gávppašan máŋgga duháha ovddas jagiid mielde. Lean maiddái dinen máŋga duháha. Ja de ferte maiddái lohkat dan dieđálaš dehe dan kultuvrralaš kapitála maid. Oastit dákkár áigečállagiid han lea investeren!!! Hálbi dat lei ge. Dušše čuohti ruvnno.

Bernt Mikkela "Lapsang"

Odne áiggun viehkat. Ferten beare vuordit veaháš, vai biebmu sajáiduvvá čoavjji sisa. Go čoavji dál bargá dainna, de sáhttet mu gieđat ja mu oaivi blogget. Viehkan de boahtá julggiide ja muđui ge rupmašii. Meidnen váldit ránnja beatnaga mielde, jus dat mieđiha (ja dál human beatnaga birra, dan váhnemat leat juo mieđihan, ovdal go vulge lupmui, dál mun lean dat beanafákta).

Buvrru borren eske.

Mun guldalan Bernt Mikkel Haglunda Lapsang-skerrui. Addá áibbas buriid dovdduid munnje. Son lea čeahppi mu mielas, sihke musihka dáfus ja juoigan dáfus. Skearru addá diekkár ollislaš-dovddu. Son lea jurddašan olles áiggi. Váibmoprošeakta sutnje, dieđusge. Lea buorre skearru. In láve nu dávja guldalit, muhto go dagan dan de dagan dan, ja dalle láven liikot dasa. Vuohtán maid muhtun duostilis sárgastagaid das - earret eará ahte juoigá iežas luođi. Addá dieđusge liigedimenšuvnnaid, go buvttadeaddji lea duostil.

Oidnen maiddái su Facebookprofiillas ahte son lei ieš bidjan su ođđa CD, dehe rievtti mielde Riebana ođđa CD, Sámi Grand Prix 2010 profiilagovvan. Mun maid osten skearru Remas mannan vahku. Lea dohkálaš ja várra velá eambbo maid. Ollu somás lávlagat, ja čáppa luođit maid. (Maid mun, manne nu positiivvalaš jur odne?) Jurddašin ahte mun galggalin maid bidjat iežan buktaga, Språkspelet, iežan profiilagovvan. Muhto in jur odne, várra. Na sáhtášin gal dieđusge iskat lea go doppe dihtoris muhtun vuogas govva.

Caetano Veloso - Come As You Are

Mun borahalan Jávrrášdievá čuoikkaide

Borahalan čuoikkaide
Dat leat juohke sajis, ja mun in áicca daid
go bohtet girddi.
In ge gula, mun in riekta dieđe manne
Okei, mun lean bidjan radio čuodjat
Galggašin várra dan sivahallat
Muhto galgá go leat jur dárbu orrut jaskes viesus olles geasi
amas ii borahala čuoikkaide?

Earret čuoikkat gal ferten lohkat ahte loavttán bures
Lean fuobmán ahte lean váiban
Dat lea buorre fuobmát diekkára
Odne lean čorgen ruovttus
Ja de bođii guossi maid - lei hui buorre:
málestit, borrat ja háleštit
Mun dárbbašin dan odne
Jáhkán.

Gálvvut leat boahtán :)

Go ollejin ruoktot, de lei doppe páhkka. Speallu lei boahtán. Mun ja beana leimme nu sáhkki. Nuppi lođás ledje 30 speallobovssa ja nuppi lođás fas 6 displaya, mat juohke áidna sisttisdoallá 12 koarttastohka. Lei hui buorre. Nu ahte jus don hálidat oastit spealu, váldde oktavuođa muinna! Dál lea dievva viessu :)

Jus viessu lea dievva, de dat ii leat beare dan dihte go bohte spealut odne. Mun in leat nagodan čorget maŋemus jahkebeali, sulaid. Odne jurddašin measta čorget veahá. Livččii somá, ja mun dovddan ahte mus ii leat nu ollu eará áššit maid galggašin bargat.

Dán áiggi jurddašan ollu, smiehtan maid galggan boahtteáiggis bargat. Lean ohcan muhtun barggu. Ja bargu lea bargu, dat manná bures ja lea somá, ja mun oahpan ollu. Muhto de lea maid eará, namalassii astuáigi. Maid dalle galgá bargat? Leat nu ollu vejolašvuođat. Sáhttá joatkit Giellaspealuin, hutkat ođđa veršuvnnaid, ja jorgalit dan eará gielaide. In mun sáhtáše álo leahkit mielde dalle, muhto mun sáhtášin dieđusge korrektuvrra lohkat, ja mun sáhtášin spábbet grammatihkkateavsttaid daiguin mat áigot ráhkadit eará veršuvnna.

Muhto mun in dieđe, lea go jur dat maid hálidan bargat. Sáhtášin seamma bures geahččalit musihka čuojahit, dehe ge geahččalit čáppagirjjálašvuohtagirjji čállit. Dehe áibbas eará. Lean jurddašan geahččalit jorgalit ovtta romána dárogielas ruoŧŧagillii. Lea sihkkarit áddjás bargu. Ja mun lean juo dál veahá váiban... Ferten várra mannat nohkkat dál juo.

---///---

Bajásdáhtten 1. Mun in dieđe maid mun galggan. Spealuid ráhkadit? Manne nu livččen galgan? Lávvordaga leimmet šalddi vuolde volleybolle spillet. Lei somá. Mun jotken Hotellii, gos mu dieđu mielde ledje ollu rátnát. Diŋgojin vuollaga, sevven muhtun niidii. Ja de čuožžila bárdni ja lohká: "Söderbaum." Áigu mu cábmit. Su rátnat dollet su, ja mun vázzilan, manan lanja nuppi beallái.

Mun in dovdan dien bártni. Orui veahá oahpis, muhto mun in nagodan dan plaseret. Čáppa nuorra bárdni. Suhttan juste dalle, ja juhkan. Mun in diehtán manne diđii mu nama, in ge diehtán manne áiggui mu cábmit. Dat eai láve nu dahkat, olbmot. Muhto dán áiggi kánske dahket nu. Mun han in leat leamašan olgun nu dávja maŋemus áiggi.

Álggán lihkká jurddašit. Lean go dál rasttildan muhtun ráji fas?

---///---

Bajásdáhtten 2. Lea buorre čorget. Mun álggán odne. Mun čorgen visot, muhto mun in čorge nie 100-proseanttalaččat. Muhto lea hui buorre dovdu, go šaddá ráinnas, go bidjá ođđa oađđádagaid, go lásegárpmaid sihkun ja ránuid doalvvun olggos biggot.

Allvarligt talat. Čohkkát astuáiggis ráhkadettiin spealu. Mii dat lea olbmuid mat dahket diekkár diŋggaid?

Oastán niibbi

Mun in leat ovdal oastán niibbi. Go guliid bivddán de geavahan muhtun hui unna niibbáža maid lean ožžon Ruoŧas 90-logu loahpas.

Ikte osten mu vuosttaš niibbi. Ieš dat niibi lea čáppat, mu mielas, muhto...

... Muhto mun in lean duhtavaš govaiguin mat ledje steampilastejuvvon dohppii. Náhkki lei dieđusge mašiinnain ostejuvvon. Mun - jurddaš makkár nörda lean! - šadden dieđusge ruvvet dan, vai govat manne eret ja vai náhkki šattai eambbo luonddulágan :)

Osten suorpmasa maid.

Ja skeaŋkan ožžon Suoma bláđi :)

milkshake Kaffegalleriijas

Bearjadaga leimmet Kaffegalleriijas jugažit milkshake...

Mii spealaimet volleybolla, ja dasto manaimet P:ain ja H:ain Boddui. Válddiimet álggus vuollaga, ja dan maŋŋil hálbbes Champagne. Lei áibbas buorre. Dál lean ollen ruoktot. Áiggun mannat nohkkat iežan seŋgii.

Lean maiddái ohcan ođđa barggu odne, ođđa barggu allaskuvllas. De mii oaidnit oaččun go dan. In riekta hálit dan barggu ge. Dat lea mu dileamma. Loavttán nu bures iežan virggis dál ;)

Muhtun sánit spealu ja dan vuostáiváldima birra

Muhtumin besse moai Victoriain gullat maid olbmot oaivvildit Giellaspealu birra. Ja muhtumin mii gullat sin dušše boagustit. Dat lea dieđusge doarvái.

Orru čájeheame - vaikko ii leat dál vuos leamašan oktage albma árvvoštallan - ahte olbmot liikojit spellui ja ahte dat lea - muhtun muddui goit - dohkkehuvvon. Leat diehttalasat hui somás ođđasat midjiide. Beassá veahá návddašit, ii ge dárbbaš ballat ahte olbmot eai galgga duhtat.

Ikte gullui muhtun dadjame ahte livččii buorre juos dát speallu livččii inpireren earáid maid. Mun in dieđe riekta mot son oaivvildii ahte galggai inpireret, muhto mun dieđán ahte inspirašuvdna lea dehálaš.

Allaskuvla šattai čáhccái..

Ja go ná olu arvá, de čáhci váldá muolddu maid mielde.

Ii láve gal ná olu arvit.

Mun govvejin. In govven arvvi, muhto govvejin dan maŋŋil, go ipmirdin ahte juoga lei geavvan, ahte lei erenoamáš arvi leamašan.

Erenoamáš dan dáfus ahte allaskuvlavisti lei váldán sisa čázi.

Min kantiinna láhtti ii lean nu goikkis go ovdal.

Olles baseaŋga.

Ja velá buljárdanbáde maid.

Min bassi vujii njammat čázi mašiidnii. Dat válddii 50 lihtera hávális.

De son šattai leikkodit dan olggos.

Mun ikte ollejin lohppii dán girjjis: Mine priser, namalassii Thomas Bernharda girji. In dieđe. Mun lohken dan gitta lohppii, ja dat lea iešalddes árvosátni, buorre árvosátni gánske. Muhto ii dat lean nu buorre gal.