SnabbaSvar nästan klart

Na na, mon čálán divttaid ja... Mon in dieđe. ---------------------
Muhto, dat mii lea dehálaš. Mii leat čállán ja čállán dan sámegielspealus. Otne sáddiimet Speallagirjji korrektuvralohkamii. Dat mearkkaša sullii ahte dál ii ábut eambbo lasihit dien spellui. Dál dat mii lea mielde, lea mielde. Ja dat mii bázii olgobeallái, ii leat mielde. Mon hálidivččen ain lasihit muhtun njeallje vihtta ášši, muhto dat ii leat nu ollu goit. Ja ieš dat cealkagat leat juo oalle muttat korrektuvralohkkon. Mon galggašin dan dihte váldit ovtta vuollaga odne, feiren dihte ođđa dili. Moai Victoriain letne bargan nu čehpet. Moai letne measta ollen mollii. Muhto vaikko moai mahkáš duššašivččiime dál, de livččii dat speallu goit ge eallán viidáseappot. Dat lea dan dásis, jáhkán, ahte dat birgešii munno haga. Dat lea buorre dovdu. Barggaime gitta otnážii. Odne diibmu 15 sáddiime dokumeantta korrektuvralohkkái... Mon lean dan dihte ilus, ja veahá geahpiduvvon ;)

Beassášdikta

Mon dovden Johkamohkis
ahte dán áiggi ii leat šat nu
ahte beassá visot dahkat ja buohkaid deaivat
Dán áiggi ferte duhtat jos veaháš beassá hupmat
muhtin olbmuiguin maidda liikot.

Guovdageainnu beassážat leat sullii seamma
dovddan dál, olbmot bohtet ja mannet
Ii ábut bearehaga suhttat go ii mana
Ferte duhtat jos juo oainnát daid olbmuid
maidda liikot. Nu mon jurddašan...

lávvordat

Lea lávvordat. Lean goivon biilla olggos obbasis ja dolvon dan mu olbmá lusa. Ievttá rabas beaivi allaskuvllas buvttii ilu... Dovdu mii lea báhcán lea juogalágan buorre miella. Lei somá munnje beassat mielde TV-sáddagis maid. Áiggun geahččalit liŋket dasa nu fargga go ihtá Allaskuvlla ruovttosiiddus.

Odne lean plánen čorget ja bassat ruovttus. Jurddašin ahte dáidá buorre veahá bassat ovdal go beassašguossit bohtet. Fitnen Remas ja osten Mopp Systema. Muhto áigi gollá ja mon in dieđe nagodan go odne álgit. Lean bassaladdan veahá. Olgun muohttá.

Gávdnen boares gova allaskuvlla kantiinnas, mas jugan káfe...

Sámi feministabiibbal

Mon čohkkán barggus
Gullen odne ahte Norgga sámedikkis
lea ohcanáigemearri dál farga
- boahtte vahkus -
- jos don áiggut ohcat maidege
Dán jagi lea vissa feministtalaš temá ruhtajuolludeamis
Orru hui miellagiddevaš
Boahtá go son dasto eandalii
Sámi feministabiibbal
vai maid sáhttá vuordit ;?

Bajásdaterejupmi. Dat ii lean nu go čállen eske, ahte dán jagi lea feministtalaš temá. Lei beare muhtun olmmoš gii lei doivon nu, go son várra ii gierdan feministtalaš jurdagiid de juoga. Ii leat makkárge feministtalaš temá, muhto dásseárvoperspektiiva galgá leat mielde ohcamušas, nu go álo. Ii leat ođas... Nu ahte illá jáhkán ahte boahtá dán jagi, diet Sámi feministabiibbal.

blogget suomagillii?

Mon lean dál čađahan suomagielkurssa. Ikte lei geahččaleapmi Heahtás. Mii cevzziimet buohkat. Mon in leat oahppan nu olu. Dehe joa, mon lean oahppan olu. Dál birgen Suomas. Dat lea máilmmi stuora erohus, jos buohtastahtán dainna mii lei ovdal. Muhto go mon oainnán mu Suomabealustibiid Facebookstáhtusiid suomagillii, de lea oalle váttis ain. Dan ferten lohkat. Mon in ipmir máŋgga sáni dalle. Muhto nu lea dieđusge. Dat lea váttis oahppat giela. Ádjana guhká ovdal go ipmirda visot ja máhttá hupmat bures. Mon dál lean oahppan dan mađi olu sámegiela ahte birgen áibbas bures buot dilálašvuođain. Dat lea hui buorre, ja muhtun beaivvi galggašin várra máistit dan ovdii. Lea go dál áigi bloggegoahtit suomagillii? Sámegielblogga han beastalii mu dien dáfus - dáppe blogspotas lean oahppan buot dáid sániid. Dehe, na lean dieđusge eará sajiin oahppan sániid. Muhto dat lea easkka dáppe mon lean geardduhan daid ja geahččalan geavahit daid. Nu ahte mon lean giitevaš blogspotii. Dat lea čielggas. Dál jurddašan, galggašin go farga álgit suomagillii blogget. Mon illá jáhkán ahte nu barggan. Muhto jurdda lea goit boahtán. Jos albmaládje hálidivččen oahppat suomagiela, de galggašin blogget suomagillii moadde jagi. Mon lean guhká bloggen sámegillii, sihkkarit 4 jagi jos in guhkábu. (Diet šattai várra boastut, guhkábu, dat ii čuodjan riekta, mii lea längre jos hupmá áiggi birra?)

Ođđa kantuvra :)

Mon lean oastán ođđa gápmagiid, ja lean nu duhtavaš :)

Ja de lean fárren ođđa kantuvrii...

... Mas lea fiidnát várdu go ovddit kantuvrras lei.

Muhto mus leat ain seamma girjjit.

Ja sullii seamma báhpirat go ovdal.

Hálidan maiddái namuhit ahte lean odne álggahan ođđa blogga čujuhusas tearbma.blogspot.com. Mii oinniimet dárbbu čohkket tearbmajurdagiid gosa nu sadjái, ja de šattai dohko bloggii. Jos olbmot dál álget čállit dohko... Muhto dan jáhkán. Go orru leamen dárbu :)

diet ráhkisvuohta

Nu ollu jurdagat jorret oaivvis
ráhkisvuođa birra... nubbi ráhkásnuvva nubbái...
gii ráhkásnuvvá earái...
Dat lea nu ártet.
Ii go goassige sáhte doaibmat, diet ráhkisvuohta.

Mon lean oastán gápmagiid odne
diekkár nuvttagiid-goikehiid
Mon lean nu ilus

Ja de lean njuovvan bohcco maid
ja dat lei vuosttaš hávvi mu eallimis - somá.

Ja de diet lossa bargu SnabbaSvaraiguin.
Dat ii leat buorre ahte lea nu lossat.
Dat ii šat buvtte ilu... Mon lean bargan olles vahkkoloahpa
ja de muhtun diimmuid odne maid.

Dál ferten oađđit veaháš.

Lars Vilks

Ledjen Lars Vilksa ruovttosiiddus dehe rievtti mielde bloggas (www.vilks.net) - dii várra dovdabehtet su juo, son lea tevdnen dieid Muhammedkarikatyraid. Son čállá oalle duođalaš iežas doaimmaid ja jurdagiid birra. Ja dán hávi doaibmá bures. Dat lea váttis čállit duođalaš teavsttaid iežas birra... Dehe dat sáhttá oalle dávja šaddat beare ollu. Beare gárži, beare ahkit.

Ben E King: Stand by me

Billy Idol: Flesh for Fantasy

Son lea beare nu cool :)

Čállingilvvut

Oidnen ahte Hanne-Sofie Trosten vuittii čállingilvvu mii almmuhuvvui moadde mánu áigi, ja man birra mon maid čállen dás. Ferten gal lohkat: Lihkku vuittuin! :)

Ákkastallama sáhtát lohkat dás: http://networkedblogs.com/19OuL. Muhto go lea nu oanehis teaksta, de sáhtán mon maid almmuhit dan dáppe iežan bloggas: ”en klockren beskrivning av längtan efter frihet”, dehe sámegillii sullii ná: Dikta Uhca liekkus lottáš lea "deaivilis muitalus friddjavuohtaohcaleami birra..."

Muhto ieš dan divtta it beasa lohkat ovdal go ođđa Nuorat-nummir boahtá. Ja mon in dieđe goas Nuorat dál boahtá.

Govva, maid čuhppen Giron Sámi Teáhtera siiddus ja bidjen iežan bloggii, lea vissa "priváhtta".

rahpat lásiid...

Somá - odne bohte 2 guossi deike mu lusa
juhkat gáfe ja hupmat :)
Mon in lean dan vuordán
Go dáppe eai leat leamaš nu beare ollu guossit maŋemus mánuid
ja go dálvi lea leamaš dan mađi galmmas ahte mon in leat šaddan rahpat lásiid
de balan veahá ahte makkár dat áibmu dáppe mu unna visttážis lea
Ieš lean dieđusge hárjánan dasa
Na, dat eaba lohkan maidege dan birra
nu ahte mon doaivvun ahte ii lean beare moskkas...

Jurddaš, dál lea giđđa boađi boađi
ja dat mearkkaša ahte mii beassat rahpat lásiid ja suovvat biekka bossut
viesu čađa. Jurddaš dan! Dat lea áibbas nydeliges jurdda
mu mielas.

lonuhallat kantuvrra

Mon lean odne maid oahppan sániid:

dárkkuhit, mii sátnegirjjis čilgehuvvo muhtin amas dárogielsániiguin, mon in muitte guđiiguin. Muhto dan oktavuođas go mon dan gullen de dat mearkkašii sullii "att innebära, betyda". Maid WINHEC dárkkuha? Vad betyder WINHEC?

Gávdnen muhtin cooles video YouTubes.



Lean váiban, go lean fárreme dáid beivviid, lean molsume kantuvrra. Dál ferten hoahpohallat rámbuvrii oastit juogalágan gaskabeivviid. Kánske buvrru. Diibmu 18 lea mus fas čoahkkin Skypes. Mu ođđa kantuvrras :)

Robyn lea okta dain artisttain geat hálidit juoidá muitalit. Dat lea somá. Šaddá gelddolaš guldalit :)

Ođđa sánit

Coopa boasttas gullen ođđa sáni:

skirvehallat, att åka slalom.

Ja de lean ikte gullan eará sániid, lean oainnat gullan gosa beatnagat mannet go jápmet:

"Ruona riidái" dehe "ruona steallái"...

riidi, brant gräslid.

stealli, terass, avsats i dalsida.

Mon lohken dán artihkkala: http://sydsvenskan.se/kultur-och-nojen/kultur_bocker/article636025/Hela-livet-med-halva-hjartat.html, muhto mon in dieđe maid mon oaivvildan áššis. Miellagiddevaš lohkat, muhto mon in dieđe. Mon lean várra ain dan Anna Hellstena bealis... ja dainna oaivvildan ahte mon vuorddán dassážii go Mrs. Right boahtá... Ii go galgga nu!?

Välfärd till döds?

Mon ožžon ikte girjetipssa:

Muhtumin lea somá lohkat boares girjjiid. Dovdo veahá earálágan, dego "manne eai olbmot loga dán girjji, dat han lea hui buorre, ja čállejuvvui áigá, muhto olbmot eai loga dan". Muhto dán girjji ektui, Samemakt! Välfärd till döds eller kulturellt folkmord? En debattbok redigerad av Andres Küng, ii leat dáigá. Na lea dieđusge. Mon lean beare hui veahá lohkan. Lohken veahá artihkkalis Varför vara same? Nils Jernslettenis, dat lei veahá somá. Muhto muđui in dieđe...

Muhtun galbma beaivvi cokkan čuoiganskuovaid...

V-log: Mon vuorddán ja vuorddán

Dán blogga lohkkiidlohku lea sturron.
Dat lea somá muhto maiddái hástaleaddji.
Mon bijan vel ovtta videoblogga
- dehe vlogga dehe maid dat lávejit lohkat? -
iežan bloggii.
Das lea maiddái veahá álásvuohta.
Mon in dieđe geasuha go dat álásvuohta
vai váikkuha go nuppiládje ;)
Mon lean muđui váiban.
Orru veahá galmmas dáppe mu luhtte odne.
Ja de ohcen odne gápmagiid duodjemárkaniin.
In ge gávdnan.
Ja de lea mus oaivebávččas.
Ferten várra jáddadit dán dihtora fargga...
Mon in beare jáhke ahte dat suonjarda.
Dat suonjarda.

Videoblogg: Mon čorgen

Diimmu geahčen álgá nissoniid beaivi. Mon lean dan dihte čorgen ruovttus, ja bádden dan :)

http://www.youtube.com/watch?v=rdyxEps1uXY

Videoblogg: Mon ozan Parasta-ennen-dáhtoniid

jearahallan

Olgun vai siste? Leat go don olgun vai leat go siste? Leat go don dohkkehuvvon vai it? Liikojit go olbmot dutnje? Manne dehe manne eai? Dakkár jearaldagat ihte odne, go muhtun antropologa Tromssas finai min (mu ja muhtun eará olgoriikkalaččaid: dážaid/rivgguid) jearahallat. Šattai buorre ságastallan, mu mielas...

Mon muitán mu olbmá Sthlm:as gii oktii muitalii muhtun šurnalistii - vástádussan jearaldahkii "Maid dat mearkkaša dutnje leahkit sápmelaš?" - "Dat mearkkaša ahte olbmot jearahallet mu." Dál lea fargga áigi lohkat sullii seamma go šurnalista jearrá: Maid dat mearkkaša dutnje leat dáža Sámi servodagas? - Dat mearkkaša ahte olbmot jearahallet mu ;)

otná sátni...

Na, juohke beaivvi oahpan sániid. Muhto mu váttisvuohta lea ahte mon vajálduhtán daid maid :/

Odne lei okta sátni goit, maid dál muiten, go ožžon veahá veahki mu olbmás. Dat lei sátni:

garvit, mii berret ihttin geahččalit garvit kantiinna dihto áiggiid, go doppe leat nu ollu guossit.

garvit, v. att undvika...

Speallu :)

Suomas gávdnen spealu :)

Ja dál lean riggát go ovdal: sata rahaa plussa sata rahaa šaddá kaksi sata rahaa :)

Mohkki Suomas

Nils Danel :)

Há há, mon lean juste gávdnan juoidá mii lea hui somá :)
Mon lean gávdnan buori humora sámegillii!!!
http://www1.nrk.no/nett-tv/klipp/612422
Dat lea Nils Danel ja su mánáid-TV-prográmma
man namma lea juste Nils Danel
:)

Guovssahasat

Joa, dál eske fitnen olgun. Ledje guovssahasat. In leat guhkes áiggi oaidnán daid (in hálit šaddat diekkár románttalaš iešvázzi, dehe mon in dieđe riekta manne), in láve fitnat olgun eahkediid. Muhto odne šadden dan dahkat go mu olmmái Stockholmmas hálidii hupmat, ja nu mon maid.

Eará sátni: guovssat, lea muhtun loddi, mon in muitte guđe, jos lei... Na sátnegirji lohká: Unglückhäher (Perisoreus infaustus), muhto dat ii muital munnje nu ollu. Na joa, dál go lea neahtta, de sáhtán dieđusge dan ohcat. Muhto ii doppe ge gávdno ruoŧagieljorgalus :( Muhtin lihkohisloddi, orru, jos mon árvidan.

Ja vel okta sátni: ránto, mon lean ránttos olmmoš, jag är en pedantisk/noggrann människa.

Na, muhto odne ledje dat guovssahasat. Nu čábbát. Dat ledje dat man birra galgen muitalit :)

oaivebávččas

Mus lea oaivebávččas
Lean olles vahkkoloahpa bargan garrasit
dainna spealuin. Snabba svar
ja dan sátnelisttuin
Mon lean čállán
1472 sáni
ja juohke sátnái
mearkkašumiid
ja grammatihkalaš čilgehusaid
ja vuođđahámiid
Várra ii leat nu ártet
ahte mus lea oaivebávččas

Muhtumin jearan alddán manne
muhto mon in láve vuordit
dassážii go vástádus boahtá.