Videoblogga: Mon ozan eanu!

Ferten várra lasihit muhtun somás cealkaga, jos olbmot galget nagodit geahččat dán filmma. So I say: I am shaking, baby!

Wu Tang must have been dájáskan...

Dát bártnit, the Wu Tang bártnit, leat muhtin muddui dájáskan. Muhto mon ferten mieđihit (ja dán mon čuoččuhan garrasit) ahte historjjalašvuohta lea geasuheaddji – dat orru nu friija ja dearvvašlaš. Mon maid hálidivččen áigemašiinnain dádjut.

Dán bihtás lea humor. Mon ledjen ikte Beaivváža ođđa bihtás, maid Cecilia Persson lea čállán ja man namma lea Allaq. Dat lea veahá seammalágan vuolgga go musihkkavideo bajábealde. Muhto. Allaq-bihtás váilo humor. Dat lea veahá suddu. Muhtin hui čáppa scenat eai rievdat mu imprešuvnna. Lei juoga dan bihtás mii váibahii mu...

Nu ahte mon buoret geahčan Wu Tange video. Lehpet go oaidnán maŋemus minuhta!? Go ninjat bohtet!? - Dat lea áibbas áivan. Dát bártnit suohtastallet, dat vuhtto. Ja thank god they do :)

Jerry Williams

in nagot...

Mon in nagot šat čállit maidege. Mon boađán ruoktot ja dat ii leat buot somámus ođas mii rávká bures boahtin... Mon áiggun fargga geahččalit nohkkat. Muhto dan ovdal, veahá musihkka :)

áitálastit = opptre med ring om seg

Joa, mon ohppen ođđa sáni odne:

áitálastit = opptre med ring om seg, med bisol el. bimåne (subj. sola, månen)

Dat lea oainnat nu ahte govas mii lea mu bánneris, mu siidooaivvis, de vuhtto juoga beaivvi birra, ja dan namma, dehe dat maid dat dahká... Dat áitálastá, beaivváža birra oidno riekkis. Álohii somá oahppat ođđa sániid. Odne ohppen vel eará sáni, maid ferten dás namuhit:

šuvččagit = forfryse seg (om kroppsdel)

Mu njunni lea šuvččagan. Lea veahá ruoksat. Ja muhtumin, go lean olgun leamaš ja boađán sisa, de oainnán speadjalis ahte lea measta alit, dehe kánske sáhppat, jos galgá čevllohallat veahá ja atnit veahá váddáset sániid.

Dasa lassin bohte vel eará sánit ikte. Nubbi lei rábbi...

rábbi = åtsel, levninger av et drept dyr, kadaver

... man birra jerre Š-bláđis (gilvvus siiddus 33 - doama!!!) Rábbi lea dat heagga, dehe ii fal heagga muhto dat ealli, dat rumaš, mii lea luoddaguoras dál muhtin sajiin... dat lea dat boazugorut... Ja nubbi fas lei ruobbut...

ruobbut = bli skurvet, få skorpedannende utslett; få rur (om sår)

Ja diet lei vissa seamma go ruoŧagillii att bli bränd av en brännässla omd.

Giitu buot mu olbmáide go mon oahpan nu ollu ođđa sániid olles áiggi :)

Alicia Keys & Joaquin Cortez

Presentacion de Alicia Keys con el bailaor Joaquin Cortez en un Grammy

You'll never walk alone

Mon oidnen filmma go ledjen Ruoŧas juovllaid. Dat lei muhtun spábbačikčiid birra. Nie, hui somás filbma, komediija. Ja olles dát spábbačiekčanjoavku beasai loahpas fitnat Liverpoola ruoktoarenas. Dalle gullen You'll never walk alone-lávlaga birra. Go dál dovden ikte ahte I am not alone go mus lea Facebook ja Interneahtta ruovttus... de čállen dan Facebookas, ja de lasihin sámegielveršuvnna maid: Ii leat okto muottá sis. Ii go lean buorre jorgaleapmi!? Dat lei nu buorre, mu mielas, ahte dat sihkkarit ii vuolgge mus. Mon lean sihkkarit gullan dan gos nu. Ja dál ferten jearrat gos dat boahtá. Lea go dat dat filbma, man namma lea nu, dien noaiddi birra? Muhto lei go son Liverpool guotteheaddji? Diet áddjá gii mihtidii Tirpitz maid nuppi máilbmesoađis...

Rávga

Lohken novealla Rávga - 1. oassi Š:as. Lei buorre... Ii lean bahá ge. Čálli lea muhtun nuorra nieida man namma lea Ellen Inga Mikkelsdatter Sara. Somá lohkat :)

Máhtát go muorranamaid?

Otná jearaldat: Gii dát lea? Das lea buorre humor, dat lea áidna maid dieđán dán olbmo birra. Mon in leat ieš čeahppi lohkat muorranamaid, ja dál odne lohken dán nama boasttut go lohken Š-bláđi ja summal árvidin ahte dát lei Máret Ánne Sara muorranamma. Muhto nu ii lean, ožžon gullat muhtin anonyma kommenterejeaddjis.

Jos galggan fas árvidit ja geahččalit lohkat, de logašin ahte diet lea MAKSS dehe juoga... Malmö, Antwerpen, Köln, Skurup, Sturup dehe juoga. In mon dieđe! Maid don árvalat?

Š ['æ∫] -bláđi ođđa nummir :)

Dán jagaš vuosttaš Š-bláđđi

fállá lohkkái ollu somás lohkamušaid :)

Niillas Holmberga girjji birra

Torkel Rasmussena "Áigin Lávra" birra

Čurte-Niillasa birra

Denis Barudkina dujiid birra

Siv Utsi silbbaid birra

Ann Majbritt Eriksena gahpira birra...

Ja munno Victoriain spealu birra
man ođđa namma lea Snabba svar (på nordsamiska).

Dasa lassin ledje muhtin hui somás vitssat Reašk! -siiddus, maid muhtin čálli lea čohkken, muhto go son lea bidjan muorranama dohko, de mon in dál sáhte diehtit gii dat lea. Hui buorre humor goit, dien muorranamasaš olbmos. Galggašeimmet bidjat dieđuid nehttii daid muorranamaid birra. Okta eará gii láve muorranama atnit lea Máret Ánne Sara ieš. Mon gávdnen su ruovttosiiddu dás: http://www.maretannesara.com/

Problems?

Lean manname New Yorkai giđđat. Mon in leat šat muslim, ja mus eai leat šat skávžžat... Muhto dat gii geahččá mu pássa jáhkká sihkkarit maid ieš hálida dan birra...

Ja mu gova lassin de lea maiddái muhtin ártegis visa maid oktii ožžon muhtun ártegis riikkas Gaskanuortan...

Eh, juoh, aistton, mon in leat váralaš, mon lohpidan ;) Pleeeeaaase! Mon lean rievtti mielde oalle siivui. Jos jearat mus de ferten lohkat ahte lean oalle oalle siivui, áibbas ráfálaš nuorra dievdoolmmoš... Ale dál bala!

Na, muhto dat manná sihkkarit bures... Mon lean dál jurddašišgoahtán ahte dáidá buorre oahppat njálggástallat... muhto movt njálggástallá amerihkalaš duolloolbmá? Dat gii dan diehtá, please - čále munnje! Mon dárbbašivččen veahá eanet njálggástangealbbuid, juste dán giđa.

;)

Vel okta videoblogg Levis :)

Levi 19/2 2010

Mii manaimet Levii, Lyx-Levii. Plána lei čierastallat, ja nu dagaimet. Ja de vuoiŋŋasteimmet dieđusge.

Mus lei govvenapparáhtta fárus. Lea somá govvet, erenoamážit go mátkkošta. Dás oidno govvenapparáhtta speadjalis.

Kaikki Levistä mearkkaša Visot Levis. Dan mon ipmirdin ieš, muhto mon jerren maiddái L:as, vai šadden áibbas sihkar.

Värit, färger, fearggat. Daid maid ferte oahppat... T diŋgui "yksi keltainen Bacardi breezer" go leimmet Arenas bearjadateahkedis...

Ja lamppu ja videofilmi ja nu ain:

pöytä

kukka

verhot

Dát govva várra ii čájet nu ollu.
Čájeha dieđusge dan dási.
Mis lei sávdnji maid :)

Lea lohpi govvet iežas
Muhto go earát darvánit govvii
de galggašii daid jearrat lobi
ovdal go bidjá daid nehttii...

Muhtin turisttat čuige meattá min ásodaga.
Mon govvejin sin dieđikeahttá
In ge jeara lobi...

Ja sávdnji
aistton iežan:
Mis lei sávdnji maid
Lei áibbas báhkas
Čuoččui 100 gráđa plus!

Ja de lei muhtin čáppa bolsttar
maid mon govvejin
go dan minsttar muituhii mu juogamas
In ge dieđe mas.

Muhtumin šaddá čáppat
jos beare bidjá
muhtin linnjáid oktii...
Amma!

Ja de lávvordaga dolliimet luohkkái:
Láigudeimmet slalomskuovaid
ja visot mii gullá dasa...

Joa, slalomskuovaid fal
maid ledje hábmen veahá ártegit.
Orrot measta dego njunit
muhtin heasttas...

Ja soappit ledje vaikko man ollu.
Okta nieida gii lei mielde áiggui gođđit
ja son lei váldán eará soppiid mielde
muhto mon ožžon gullat ahte eai lean soappit
muhto baicce sákkit
dat maiguin gođđá...

Ja sabehiid maid láigudeimmet
diehttalas
Millainen on sinun suksit?

(sullii - ale luohte mu suomagielgelbui!)

Makkárlágan leat du sabehat?

Lei veahá galmmas
Dehe rievtti mielde measta buolaš
Muhto dat ii leat go gárvodit bures...

Ja vuolgit dohko gosa áigu.
Muhto mon, gii lean bárdni
in gillen geahččat daid kárttaid...
In dieđe mii lei sivva
Kánske ledje dat buot mu rátnát
čeahpes kártalohkkit...
Joa, nu ledje vissa.
Ja beaivváš báittii.
Ja mii leimmet buohkat buori forpmas...
Mus lei govvenapparáhtta gieđas.
Čáppa birrasat
ferten lohkat.
Dákkár várdu gal mus lea
oalle hárvi
Muhto dál :)
Go leimmet veahá čierastallan de finaimet resturáŋŋas.
Doppe boraimet poroburger:
bohccobiergoburger.
Lei njálggat.
Ja dearvvašlaš maid :)
Seainnis lei sihke goavddis ja biellu.
Dat dohkkii.
Sámi govvádusat.
Ii lean bahá...

Ruoŧagiella ja Norggagiella

Dál gávdnen vissa muhtin videostreama doppe YouTubes, mas leat dievva buorit videot... Dá vel okta :)

Boasttoipmárdus :)

Ha ha, dán mon in lean oaidnán ovdal :)

Videoblogg: Mon ozan Levi márkana

Bønnekonferansen i Kautokeino

Vuoi, mii dát lei? Mon gávdnen juoidá YouTubes. Ohcen sániin Kautokeino, ja dalle dát video iđii. Mon in diehtán ahte mis lei Bönnekonferanse dáppe mannan čavčča...

Muhto mon in dovdda nu ollu olbmuid dáid govain. Mon in dieđe manne. Dovddan rievtti mielde beare ovtta, ja dat lea dat nieida gii lea guvggodan vuovttaid. Earáid in dovdda. Muhto dat leat várra Guovdageainnolaččat goitge???

Lady Gaga and Sweden.

This Lady Gaga, why is she talking about Sweden. I don't get it.



Ja manne dát videointro lea ruoŧagillii?



Najoadieđusgedatleatmuhtinruoŧŧelaččageatleatdanfilbmen-nuleadieđusge!

Lean váiban.
In nagot šat bargat.
Orun beare dáppe, dihtora ovddas.
Galggašin várra mannat ruoktot.
Dás ii boađe mihkkege.
Ok, gulahalle!

Videoblogg: Mon ozan girjji

- Áiggut go moni guovttebealbasson?

Dale Turner ja V-forum

Yes, yes, yes - V-forum!!!

Mis lei V-forum, ja dat lei hui miellagiddevaš.

Nils Oskal doalai logaldallama tihtteliin "Mii lea álgoálbmotfilosofiija?" ja mii leimmet máŋggas doppe guldalit dasa. Ja dat lei nu buorre. Somá oaidnit buot daid olbmuid ja gullat buot daid jearaldagaid, ja somá gullat dutki gii váldá juohke doahpaga duođalaččat. Dalle bohtet jurdagat nu čielgasit ovdan. Dalle manná buorebut ipmirdit nuppit nuppiid. (Na čielgasit ja čielgasit, ipmirdit ja ipmirdit, in mon gal ipmirdan visot, dieđusge, dat ii lean visot áibbas čielggas, muhto mon ipmirdin dan mađi ollu ahte lean hui duhtavaš:)

Niilas lea gávdnan muhtin eará filosofa, man namma lea Dale Turner - somás namma muđui, na goit munnje, gii lean oaidnán 'Round Midnight
kánske guoktelogi gearddi - ja dát Dale Turner gullá vissa muhtin álgoálbmogii doppe Davviamerihkas. Dasa lassin - ja juste dát lea su erenoamášvuohta - de son lea fágalaččat filosofa, son lea lohkan filosofiija fágan allaskuvllas dehe universiteahtas. Turner meidne ahte filosofiija ii leat rievttes tearbma daidda jurdagiidda ja oaiviliidda mat gávdnojit eamiálbmogiid gaskkas. Son meidne ahte dat mii gávdno álgoálbmogiid gaskkas, ja mii muhtumin gohčoduvvo álgoálbmotfilosiijan, sáhtášii baicce juohkit golmma jovkui... Muhto mon dál in riekta muitte mat dat ledje joavkkuid... Miellagiddevaš lei goit :)

Eambbo dieđuid dán rievttes Dale A. Turnera birra, dan olbmo gean birra Nils Oskal muitalii, gávnnat dáppe:

http://www.dartmouth.edu/~govt/faculty/turner.html

Datorer, fall och björkar...

Odne OB buvttii munnje ođđa dihtora. Ja mon ožžon čáppa šearpma vel. Lean nu duhtavaš. Jurddaš ahte mon lean šaddan diekkár olmmoš gean várás golahuvvo ruhta. Vai beasan bargat bures. Jurddaš dan! Muhto dat lea dieđusge rievtti mielde dat olmmoš gii lei mu virggis mu ovdal gii lea diŋgon daid diŋggaid... In mon ieš livčče goassige duostan sihtat maidege. Mon han in ieš duostta in jietnat maidege... na goitge in dán albma máilmmis. Čálidettiin gal duosttan hui bures. Muhto in várra muđui. Jurddaš go mu diktagirji boahtá. Dat šaddá váralaš dáhpáhus, dat. Ii ge. Dál mon liiggástalan, human badjelmearálaččat.

Lean oahppan ođđa sániid odne. Gákti lotnju, go gákti lea nu go galgá, go dan healbmi čuožžu čábbát olggos. Nu lean oahppan. Galgen oainnat čállit juoidá muhtin čeahpes lávlu birra gean oidnen doppe Johkamohkis, ja sus lei gákti ja dan vuolde lei vuollevuolpu, ja mon ledjen čállán mu árvvoštallamis: Vuollevuolpu váikkuha gáktevuolppu čuožžumii olggos," muhto mon dovden ahte diet ii lean buot čábbámus vuohki dan dadjat. Mon dadjen ahte diet ii lean rievttes vuohki. Ja de hupmen veahá olbmuiguin dáppe... ja boađus šattai: "Vuollevuolpu vai gáktehealbmi lotnju." Ii ge, dál oainnán ahte čállen boastut leavttus - mon čállen lodnju in ge lotnju :(

Otná sátni: lotnjut v. "falle i jevne og pene folder"

Björk lea veahá crazy. Na, son orru goitge crazy. Somás vuohkái, ferten lasihit.


Ha ha, juoh, áibbas crazy: I miss you, but I haven't met you yet :) Nu cooles nieida, dás (vuolábealde) live:

Bieggás bassi

Barggus geahčan olggos parkeremii. Ii leat ii oktage biila. Lea sotnabeaivi, oalle bieggás sotnabeaivi. Mon čuigen deike. Luisten moadde čuođi mehtera álggus, ja de čuigen klassihkalaččat reasta.

Dan ovdal ledjen ruovttus. Lei fiinna beaivi olgun, muhto mon cahkkehan seaŋgalámppá, ja dan čuovggas de lohken.

Mon lohken girjji maid lean ožžon min girjerádjosii gáiddusluoikkasin. "Det krävs att man kan växla färg." Mon liikon dán girjái.

Mon dihten dan. Mon dihten dan juo: "[R]edan modernismen var tämligen postmodern." Mon dihten dan, muhto dál go professor nu čállá, de dieđán ain buorebut :)

Girjjis leat máŋgga essaya. "Skaka hand. Vi lever i en kultur där det skakas hand. Under en vanlig dag kan vi skaka hand ett stort antal gånger utan att tänka på att vi gör det och hur vi gör det." Mon logan ahte ovdamearkka dihte universiteahtain mii váldit gieđa dávja, bargiid gaskkas, professoraid gaskkas. Muhto eat daga dan nu dávja bassiiguin. In dieđe guoská go dat Sámi allaskuvlii. Girji lea dieđusge čállon Ruoŧas, Lulli-ruoŧas, ii ge dáppe davvin. Muhto sosiáliteahtta lea strukturerejuvvon sullii seamma vuohkái dáppe, ja dat lea hui miellagiddevaš munnje lohkat dan...

Munnens socialitet :)

Láibemoliid birra... Jurddaš man dehálaččat dat leat, vaikko mii eat huma nu dávja daid birra.

Om lingvistisk relativitet. Čálli ieš lea Suomas eret, humai suomagiela ja Suomaruoŧagiela, muhto dán áigge son čállá dábálaš ruoŧagillii. Sus leat aŋkke jurdagat gielaid birra, ja erenoamážit mánnávuođa giela birra.

Johan Asplund. Son lea buorre. Son lea miellagiddevaš. Galggašeimmet jorgalit muhtin teavsttaid sámegillii sus. Dehe goitge unnimusat diŋgot muhtin girjjiid min girjerádjosii vai earát nai logašedje.

Mama-Sara Báktehárjjis (en riktig gala)

Ikte lei Mama Sara ruhtačoaggin Báktehárjjis...

---

Skuvllas ledje nuorat čállán "Don mannet dego diimmá muohta..." muhtin muorraskerrui, ja de sii vuvde dan 30 ruvnno ovddas mu olbmái...

---

Valáštallanhálla dábálaččat, muhto odne vuovdinmárkan.

Na, buohkat kánske eai lean doppe juste vuovdin dujiid dihte. Dás oidno Nuoraidsiidda stánda. Sii ledje min ránnját...

... ja nu ledje maid Tuvrrahasat...

... ja Kautotrimmen lei maiddái bidjan muhtin manuálaid beavdái ja govaid seaidnái :)

Dás lean mon ja mu hoavda.

Mon govvejin veahá, geahččalin govvet reklámagovaid WINHEC:ai.

Ante Siri ja Annmarie Andersen ledje čeahpit.

Muhtin nuoraidskuvlaluohkká lávllui.

Mama-Sara lei ieš maid doppe.

... ja de bohte mannekängat čájehit Márjjá biktasiid.

Ledje fiinna biktasat.

Aivve fiinna biktasat.

!

Issát Sámmol lávllui...

... ja Ole Heanderat muitalii álgoálbmogiid birra. Son namuhii ahte muhtun riikkat Afrihkás ledje oalle vuostá eamiálbmotjulggaštusa álggus. Son ii muitalan manne, namalassii go sin mielas han buohkat ledje álgoálbmogat :)

Muhtun nieiddat ledje dánseme lávddi nalde.


Ohppen sáni leavssus-leksosat muhtun čáppa beaivvi Badje-Sohpparis moadde jagi áigi. Dán videos, maid ikte filbmejin Báktehárjjis, gullo Inga Ravna Eira lohkame ovtta divtta ee leksosa birra. Maiddái Bongg´ Ante gullo bihtá loahpas. Son fas juoigá. Dá bajábealde oannát mu vuosttaš video YouTubes.

Lean hui ilus ahte alkohovla gávdno. Maŋŋil fearánat doppe Báktehárjjis mannen Villmarkssenterii... ja go mon de bohten Villmarkssenterii de gulan mu kollegaid ságaid: Mii leat nu váillahan du, mii leat njealjis dáppe geat leat váillahan du. Mon illá jáhkán ahte livččen beassan dan gullat jos dat eai livčče máistán alkohovlla.

--
Muhto vuoi, mon ledjen measta vajálduhttán muhtin govaid maid válden doppe Báktehárjjis... Muhtin čeahpes dánsenjoavkkus:

Snipp...

... snapp...

... snut...

--- nu var sagan slut ---

... dehe jos várra ii lean, go dál čuovvu mu stream-of-consciousness from the day after...

-(it was a great night in Kautokeino, people giving me more than I desire all the time, it's kind of difficult to understand it, why do people have all these energies, why do they give me so much, there are like many people giving and giving, 20-30, maybe 40, I heard a girl ask if the society up here is a very "stöttande" samhälle, att vi stöttar varandra, jag fattar då inte riktigt hur människor kan vara så glada och givmilda all the time, it's not all the time, but some nights it's all the time, I am like becoming religious, and there was another one telling me that what I váillahan mu eallimis lea ipmil, dat lei su čilgehus, mon in diehtán maid galgen vástidit, dat ii leat juohke beaivvi mon gulan diekkár ráđiid, dat ii leat juohke beaivvi mon čohkkán báras, ii son ge, muhto, na, mon in leat oskon maŋemus jagiid ja mon jáhkán ahte šattašii váttis dál álgit, ferten maiddái muitalit ahte muhtin baloč válddii oktavuođa muinna Facebooka bokte ja dat lei ártet, mon in dovdan su govas, ja mon jerren letne go deaivvadan vai maid, manne galggašeimme leahkit ustibat, dat vástidii, well maybe we haven't met yet ja dalle ipmirdin ahte dat lea muhtin olmmoš maid mon lean deaivan, sihkkarit, muhto son lea sihkkarit dakkár garra sorta politihkalaš olmmoš, earát leat sihkkarit ohcame su, son hálida sihkkarit leahkit undercover, ja mon in dieđe gillen go dien eallima fas, mon muituhuvven fas dien eallimis, dat lei nu ahte olbmot čálle iežaset áhčiid namas go čálle, ja áinnas jos áhčči lei jápmán, dat lea earálágan eallin go dáppe, demokratiija lea nu dehálaš, dál muituhuvan fas makkár lei doppe nuppi bealde...)-