Unna lávkkit ovddosguvlui

Unna lávkkit ovddosguvlui
lea dat mii lohkko
Eai dárbbaš stuorit
muhto ovddosguvlui - bággu.

Gosh makkár govva :)

Dovdabehtet go dán gova?

Dat lea muhtun sáminisu ja muhtun eará nisu.

Mon in dieđe gos dat sámenisu lea eret. Mon in dovdda gahpira. Beaska gal lea várra Jielleváris. Vai leat go beaskkain dáppe Guovdageainnus nai diekkár fiskes ja rukses sihkkarastinfilta sávnnjiin?

Ná lea olles govva. Dat ii leat vuoigatlaš, go mon lean dan govven mu mátketelefovnnain, ja das ii leat nu buorre govvenapparáhta. Nissonguokta bivdiba guliid.

Sudnos leat rukses báksamat.

Mon nu liikon dán govvii. Mon gávdnen dan Guovdageainnu nuoraidskuvlla feaskáris ovddit beaivvi. Dat čuožžu ahte BMH lea dan gorron 1985. Mon jerren muhtin olbmuin gii dat BMH lea... Ja dál odne ožžon vástádusa. Dat lea Berit Marit Hætta. Son orru vissa Tromssas dál. Mon ohcen muhtinlágan ruovttosiidu, muhto in gávdnan. Suddu ahte dákkár dáidáriin ii leat ruovttosiidu, ferten lohkat. Mon gal hálidivččen eambbo vuoigŋadujiid dán nissonis oaidnit.

Otná sátni ;) VUOIGŊADUODJI = KONSTVERK

Vel okta beaivi gollá dihtora ovddas...

Hei, ráhkis blogga. Odne ledjen maid barggus, nu go ikte ja ovddit beaivvi maid. Dat manná bures. Mon lean duhtavaš iežan bargosajiin...

Muhtumin čuoččun...

... ja muhtumin fas čohkkán.

Odne govvejin mu rásiid. Dat eai oro nu fiidnát dáppe mu lásegárpmas...

... muhto go govvejin daid, de dat orrot gal eallimis :)

Ja de šattai veaigi, ja dat heivii hui bures mu ruhkkui. Amma lea fiinnis!?

Odne lean guldalan (joa, guldalan fal, mon in áiggo vuollánit daidda perversa lágaide geat dadjet ahte guldalit dat lea beare go don guldalat nieidda ja dat mearkkaša go gieđain iskkat su hárčči - in dieđe manne mon válddán dán soađi, muhto nu goit dagan, odne;) Bob Marley You Tuba bokte. Mon oidnen maiddái ahte lei vejolaš govvet dihtoršearpma. Ná orru dego mon livččen su konsearttas leamašan.



Lean ožžon barggu Johkamohki márkaniin... Nubbi lea ahte moai L:ain jurddašeimme doppe čohkkát vuovdime munno girjji. Ja nubbi fas ahte galggan čállit muhtin konsearttaid birra, omd Simon Issát Marainena Ára-nammasaš prošeavtta birra. (Ára mearkkaša mu sátnegirjji mielde árran, muhto neahtas lohken ahte dat ii mearkkaš maidege.) Su joavkkus lei okta čuojaheaddji man namma lei Johan Asplund. Go álgen dan googlet, de gávdnen boaris rátná...





Namalassii dien Johan Asplund gii lea čállán gállananproseassaid birra ja maidda mon gieskat čujuhin dáppe mu bloggas.


Jos dus lea miella guldalit Bob Marley sáhtát nu dahkat dá vuolábealde:




... Nu gollá beaivi dihtora ovddas :)

Buori lihkus logan eŋgelasgiela maid.

Mon ožžon juovlaskeaŋkan áhčis Svartvik/Sager girjji "Modern engelsk grammatik". Mon han barggan eŋgelasgillii maid dán áiggi (mii vuhtto dán siiddus, maid mon "ovddasvástidan"), ja mon ferten lohkat ahte lea somá bargat eŋgelasgielain ja lohkat eŋgelasgiela. Oahpponeavvut gávdnojit vaikko man ollu. Ieš dát girji lea čáppat - bures čállon, bures strukturerejuvvon.

Ja de lea dieđusge visot mii lea neahtas. Mon láven dán ruoŧa-eŋgelas-sátnegirjji atnit. Ja de láven googlet. Jos in dieđe lea go vuogas čállit "it will take place in Guovdageaidnu" vai lea go nu gohčoduvvon "swinglish", de mon googlen saniid "will take place" ja de oainnán ahte earát nai leat čállán seammaláhkai. Dalle duosttan mon maid.

Sámegiela lohkat ja vel suomagiela lohkat lea veahá losit. Eai leat nu čáppa oahpponeavvut ja nu ain... Muhto dat dohkke dat maid. Odne lea fas suomagielkursa Nuoraidskuvllas, diibmu 6. Ja dan maŋŋil aerobics LES-viesus diibmu 7... muinna :)

Čállingilvu / Skrivartävling

Ožžon tipssa Giron Sámi teáhteris. Sii lágidit čállingilvvu ovttasbargun Nuorat bláđiin, Sáminuorain ja Ubmejen biejviehiin. Oassálastit galget leahkit gaskal 16 ja 26 jagi boarrásat, ja dat lea jurddašuvvon nuoraide geat eai leat ovdal almmuhan maidege. Jurys lea earret eará Ann-Helén Laestadius. Loga eambbo dás dehe dás.

Levi. Sisbandy. (Ja veahá Jade...)

Vuoi vuoi, makkár vahkkoloahppa. Sánit eai rehkke... - Levi lea nu earenoamáš báiki: olles gávpot gasku duoddara... Mon in lean leamaš doppe ovdal. Dál easkka ipmirdan manne olbmot dáppe Guovdageainnus hupmet Levi birra nu dávja...

Lei Sámi-SM sisbandys. Mon serven Máze joavkkus. Mii eat beassan viidáseappot...

... Ii ge Anára Sámisearvi beassan viidáseappot.

Mii spealaimet, ja dat lei somá, muhto speallu ii leat visot dákkár turneriŋŋas. Mii čohkkáimet geahččat earáide, ja mii humaimet nai :)

De bođii vel muhtun eará joavku. Mon govvejin sin, muhto mon in dieđe mot manai singuin. Mii leimmet 8 dievdoolbmojoavkku.

Ja nissonolbmojoavkkut eai lean nu gállis. Golbma ledje dieđihuvvon, muhto beare okta joavku iđii...

Dat nissonjoavku šattai dalle juohkásit guovtti teamii, vai liikká besse veahá spillet...

... go sii ledje nu guhkás vuodján.

Anára Sámisearvvis lei sihke čáppa jielbma iežas keeperii...

... ja čáppa báiddit spillariidda.

Muhtun keeper geahččalii govvet mu, muhto mon ollejin govvet su ovdalii.

Dasto manaimet boradit. Mon geahččalin suomastit duollet dállet, go lean dál álgán suomagielkursii... muhto dat lea lossat oahppat ođđa giela. Muhtin sániid gal ohppen.

Čuoččui poropasta, muhto das ii lean nu ollu boazobiergu. Ii lean nu hirbmadit njálggat. Dohkkii. Mii manaimet fas hállii.

Dalle ledje muhtin bachelorfeasti bártnit boahtán. Áigo bokset feaskáris, ja speallat sisbandy Sámi All-star Teama vuostá.

Mon oidnen ahte Bachelorjoavkkus ii lean keeper mielde, ja de šattai diet nissonjoavkku keeper speallat sin ovddas. Buot joavkkut ledje bidjan muhtun spillariid dan sámi jovkui... Muhto Sápmi gahčai. Táhppii 9-3... Nu lean gullan earáin. Mon in ieš geahččan nu dárkilit...

... Mon ledjen gođđime. Báidi lei ráigánan, ja mus lei láigi ja nállu.

Mon ja T ja J manaimet dasto sávdnjut SPA:as gos oruimet.

Eahkedis olliimet ruoktot. Mon ledjen veahá eahpesihkar/nervösa. Dat vuhtto dán govas. Mon ledjen bearjadaga deaivan nieidda geainna hálidin oktii vel hupmat. Muhto mon ledjen aistton eahpesihkar. In diehtán goappá báiddi galgen coggat. Loahpas šadden coggat dan mii oidno dáppe bajábealde.

Mr P fas cokkai gávtti ja lei buori formmas.

Munnje goit ii mannan nu bures dien lávvordateahkeda. Mon in kánske dárbbaš nu ollu detáljaid muitalit... Dat lea olles story... Ja mon hálidivččen rievtti mielde dan muitalit... Mon ledjen bearjadaga juo ráhkásnuvvan muhtin nieiddain man namma lei Jade... Nei, mon in gille dál álgit. Dat livččii muitalan veara, dan gal jáhkán... Ja juste dan, ahte lei muitalan veara, dan mon dovden juo lávvordateahkeda... slash ihkku. Muhto go mon muitalin dien niidii ahte son lei veahá erenoamáš, ja ahte mon ipmirdan bures jos ii šatta mihkkege juste dál dán dilis... muhto jos mon muhtin čáppa beaivvi čálášin juoidá dán birra - mon láven oainnat čállit - oaččun go mon dalle sáddet dan dutnje?

- Joa, son vástidii. Don sáhtát váldit mu mailčujuhusa.

Oh, yes, jurddašin mon, muhto de son jorgalii ja manai nuppi sekunddas almmá addikeahttá maidege. Dalle mon ipmirdin ahte dat, maid mon muhtin muddui juo ledjen vuollánan, lei 100-proseanttalaš vuoittáhallan. Vázzen ruoktot garrudettiin.

Nubbi beaivi lei fas nubbi beaivi, otná beaivi, sotnabeaivi. Muhtin semifináljoavku lei hui buorre, ja skorejedje 19 hávi...

... Ii ge. Dat lei vissa 20 hávi.

Duopmár šattai njurgut. Lei finálaáigi. Duopmárat ledje muđui čeahpit olles áigi!

:)

Guokte Ruoŧa joavkku ledje finálas: Sohppar ja Stuorjulev.

Dát guovttis diđiiga juo ovdalgihtii gii galggai vuoitit. Muhto go mon in diehtán, de lei dieđusge speanta.

Suoma Sámi Nuorat, dat geain ledje čáppa biktasat, lei Suoma buoremus joavku.

Sohppar vuoittáhalle...

... ja Stuorjulev vuite...

... dán somás turneriŋŋa

:)

(eambbo dieđut ja govat SM sisbandys: http://www.svl.no/)

Ja diet nieidahistorjá... maid álgen muitalit. Mon in dieđe goas šaddá visot muitalit. Dat ii mannan bures, muhto mon dovddan ahte dat lei munnje muhtinlágan bestojupmeproseassa goitge. Dat lei buorre. Somá ráhkásnuvvat. Nie báifáhkka. Sekunddas sekundii.

Aistton muhtin nieidda gii dál odne jeđđii mu ja logai juste seamma go muhtin nisson dagai muhtin filmmas maid oidnen máŋgga jagi áigi: Maybe it was for the better.

---

Mon ožžon tipssa ja oidnen video Facebookas mii lei erenoamážit buorre. Dál attán dán tipssa viidáseappot didjiide. Guldal dasa, jos dus lea áigi. Mon guldalin máŋgii - it is a fantastic flow: GZA, Liquid Swords.

Dutkiidsearvvi ođđa ruhtaolmmái

Mon in leat goassige leamaš fágasearvemielláhtu ovdal. Ruoŧas in šaddan. In gillen. Lei beare divrras. Muhto dál...

Mii leat mearridan ahte min sámegielnamma lea Dutkiidsearvi (ii ge omd Dutkansearvi). Mis lei jagi 2009 jahkečoahkkin ikte. Go mon vulgen das viega vulos tráhpaid de govvejin iežan.

Ášši lea ahte maŋemus govva maid válden čoahkkinlanjas lei dát govva:

Ja mon, stáhkkár mon, gii in leat ovdal leamaš nu hirbmat čeahppi máksit iežan rehkegiid... lean dál šaddan luohttámušolmmájin: dán fágasearvvi ruhtaolmmájin! Vuođđu mas mii vuolgit sisa dán jahkái lea dát távval, ja dan bušeahtta. "Likv." lea "likviditeahtta" ja "RD" lea "rehketdoallu" jáhkán. "Rehketdoallu" lea fas "bokföring" ruoŧagillii, jos lean visot ožžon mielde.

- Sávvet munnje lihku!

(Ja stáhkkár gal in leat, muđui. In veahášge. Lean hui ilus go olbmot luhttet munnje. Hui ilus. Ipmirmeahttun, dovddan. Kánske ii leat, go olbmot várra eai hálit. Nu dat ákkastallet. Muhto mon dovddan goitge muhtinlágan ilu go mon ožžon jearaldaga. In leat várra goassige ovdal ožžon dakkár luohttámušdoaimma. Dál beasan mon maid boahtteáiggis lasihit "Luohttámušámmát" iežan CV:ai, nu go buohkat earát dáppe allaskuvllas leat juo dahkan. Sii leat čohkkán vaikko makkár stivrrain. Dál mon lean maid :)

Mu gaskavahkku

Mon lean, nu go čállen moadde beaivvi áigi, álgán govvet. Gaskavahku ledjen aerobicsálas. Dat manai hui bures :)

Álggus ledjen akto. Muhto dan maŋŋil bohte ollu olbmot. Mii leimmet 22.

Ja de ollejin ruoktot. Álgen lohkat dien Lex Sápmi... Lea miellagiddevaš :)

Suomen kieli fertešin maid lohkat, go plána lea mannat Supmi vahkkoloahpa. Joa, odne, rievtti mielde. Dohko Leviai :)

Muhtin skohtervuoddji bissehii mu eanus. Logai ahte dat measta ii oaidnán mu, measta vujii njeaiga. Dál ferten šleađggonveastta coggat go čuoiggan.

Mon logan maid eará girjjiid. Leat boahtán nu máŋga diktagirjji dál...

Ja go lei govvenapparáhta gieđas de fertejin maiddái gálvvuid lohkat /varetellet /inventeret veahá.

Ii dat goassige šatta. Muhto muhtin beaivvi áiggun geahččat dán filmma, maid lean Kautotrimmenis luoikkahan.

Ja muhtin čáppa beaivvi áiggun dán girjji jorgalit ruoŧŧagillii. Dat lea dál dárogillii. Dat lea mu beavddis, ja addá munnje heajos oamedovddu juohke háve go oannán dan, go mon lean lohpidan čállái dan jorgalit...

Nu golai mu gaskavahkku.