Mun dieđán, mun lean čeahppi váldit olggos vuoittu ovdal go lea vuoitán. Muhtumin láven ákkastallat ahte lea buoret dan váldit ovdalgihtii, go dalle beassá návddašit vuoittu goit muhtun áiggi, ovdal go ipmirda ahte ii vuoitán.
Dál lean nu ilus ahte šaddá girji. Dagar i Kautokeino. Dat almmuhuvvo duođas. Dehe mun dan almmuhan, iežan ođđa girjelágadusas. Sáddejuvvo prentehussii boahtte vahkus, jáhkán. Lean gullan positiivvalaš sániid giehtačállosa birra, maid lean sádden muhtun olbmáide. Muhtun olmmái lea lohkan ahte lea menddo ollu sex dán girjjis, ja dat lea várra veaháš duohta. Muhto mun in sáhte váldit dan eret ge. Dán háve šaddá Director's cut juo álggu rájes, go mus ii leat albma redaktevra. Muhto dat han lea ođđa áigi, ahte buohkat besset almmuhit maid ieža hálidit.
Sáhtán lasihit ahte in duostta sáddet dán giehtačállosa girjelágadusaide. Jus dus lea muhtun kontávttat muhtun lágadusas, main dáidá leat beroštupmi, de oaččut áinnas váldit oktavuođa muinna. Nu fargga go vejolaš! Sáhtán duođaštit ahte lea buorre manus ;)
4 kommentára:
Olu lihkku girjiin! :)
Thanx :)
Muitte fal lydbok:a maid rahkadit, nu ahte mii geat eat gille lohkat beassat guldalit
Ok, buorre jurdda. Giitu das. Muhto mun ferten de muittuhit du ahte don leat faktisk lohkame juoidá duollet dállet. Juste dál ovdamearkka dihte, go fitnet mu bloggas lohkamin. De du ákkastallan ii riekta doala deaivása. Mun sáhtášin dieđusge bidjat olles girjji nehttii, vai don maid gillet lohkat, jus lea nu ahte don it gille girjjiid lohkat :)
Muhto kánske ahte nagodan vel jietnagirjin dan ráhkadit. Livččii buorre, muhto lea sihkkarit veaháš bargu. Ferten veaháš smiehttat.
Post a Comment