You don't have to be old to be wise lea eará lávlla mii lea čáffa.
Ja vel okta miellagiddevaš diehtu bođii ovdan prográmmas maid guldalin. Rob Halford, Judas Priesta lávlu, lea ivdnen heavy metalmota hui sákka.
Máŋggas hupmet várra heavy rokkeriid biktasiid birra, oaivvildettiin ahte dat leat nu feminiinnat. Ja mun sáhtán áinnas mieđihit ahte garrarockartisttat, ja erenoamážit lávlut kánske, leat muhtumin hui čábbát ja sexyt. Mun in riekta diehtán duogáža dasa. Muhto dál gullen ahte lei Rob Halford, Judas Priesta lávlu, gii lea bidjan stiilla garrarockeriidda. Gullen maiddái ahte son duođas liikui leahkit Londona hbt-distrivttas, ja ahte son lea inspirerejuvvon dain biktasiin. Halford bođii olggos homofiilan 1999. Lea mu mielas miellagiddevaš liigediehtu. Ja ovtta vuohkái ipmirdan buorebut manne lea šaddan nu go lea šaddan. Muhto mun in dieđe dihtet go buot garrarockerat ahte gárvodanstiila vuolgá Londona hbt-distrivttain. In ge dieđe lea go nu dehálaš dan diehtit. Muđui lean gullan (eará sajis) ahte piercing vuolgá sadomasochismas. Ja geat dihtet dan? Muhto: Lea go dehálaš diehtit gos diŋggat vulget? Maid don oaivvildat ;)
3 kommentára:
In mun beroš mas vulgá dat dahje duon bivttas. Jus mun liikon muhtin biikasiida, de mun gal dušše geavahan daid.
Dieđusge leat biktasat dahje diŋggat, main historjjá livččen diehtit dahje livčče diehtit. Ovdamearka dihte livčče buorre diehtit biktasiidhistorjjá iežas ruovtturiikka, orrunguovlu.
Muhto eai goassege leat doarvái dieđut ja máhttut. Olmmoš galgá álo juoida oahppat vai ovdanit. :)
Juo, mun lean ovttaoaivilis. Lea somá oahppat, ja dan galgá (measta) álohii geahččalit dahkat (nu dávjá go nagoda ja nu olu go nagoda).
Muhto muhtumin lea diehtu eambbo suohtasa dihte go albma dehálaš diehtu (man haga ii mahkáš birgeše). Vaikko lea somá oahppat ollu buot diŋggaid birra, de ii galgga leat bággu diehtit visot. - Dalle han ii duosttaše maidege ;)
I would like to exchange links with your site villle.blogspot.com
Is this possible?
Post a Comment