Mun ikte jerren alddán: Manne mun galggašin dán áiggi šat čállit beaivegirjji? Mun han sáhtán seamma bures čállit bloggi maid jurddašan. Dehe Facebookai. Dehe Twitterii. Vai sáhtán go duođas dahkat dan? Ii go leat makkárge earru šat? Lea go duođas almmolaš latnja šaddan nu stuoris ahte mun čágašin dasa buot mu jurdagiiguin? Dohkkejit go dán áiggi buot áššit almmolaš latnjii?
Almmolaš latnja lea nuppástuvvan, dat lea sihkar. Ja dán áiggi lea lohpi vaikko muitalit iežas siskkaldas jurdagiid neahtas. Muhto, loahpa loahpas, mun čálán ain mu beaivegirjjis muhtun áššiid. Kánske erenoamážit diekkár áššiid mat eai riekta heive almmolaš lanjas. Ja maid de barggan dainna beaivegirjjiin? Juo, mun almmuhan dan girjin :D
Dat lea duohta. Mun almmuhan farga mu iežan beaivegirjji, dehe muhtun unna oasážiid iežan beaivegirjjis, girjin.
Guldalan Nils Landgrena geasseprográmmii. Lea buorre, son čuojaha Jimi Henrixa Are You Experienced?
Odne lean hupman. Ja mun lean ožžon miela bargat allaskuvlla dutkanráđđeaddin. Sávan ahte mun oaččun dan barggu, maid lean ohcan. Livččii veaháš somá. Lean odne inspirerašuvvan :)
2 kommentára:
šaddá sihkkarit somá oaidnit du girjji! :)
In goassige čálan beavegirjji. Soaittán, jus šaddán dovddus olmmožin, de dalle álggan čállit beaivegirjji. Go gearggan čálimis, de almmuhan dan historjalaš girji máŋgga giellaide. :)
He he, diet lei buorre plána. It go don leat juo dovddus olmmoš, don han viegat buot festiválain kamera gieđas. Nu viššal. Oidnot juohke sajis. Farga lea áigi álgit beaivegirjji čállit :)
Post a Comment