Ja go ná olu arvá, de čáhci váldá muolddu maid mielde.
Ii láve gal ná olu arvit.
Mun govvejin. In govven arvvi, muhto govvejin dan maŋŋil, go ipmirdin ahte juoga lei geavvan, ahte lei erenoamáš arvi leamašan.
Erenoamáš dan dáfus ahte allaskuvlavisti lei váldán sisa čázi.
Min kantiinna láhtti ii lean nu goikkis go ovdal.
Olles baseaŋga.
Ja velá buljárdanbáde maid.
Min bassi vujii njammat čázi mašiidnii. Dat válddii 50 lihtera hávális. 
De son šattai leikkodit dan olggos.
Mun ikte ollejin lohppii dán girjjis: Mine priser, namalassii Thomas Bernharda girji. In dieđe. Mun lohken dan gitta lohppii, ja dat lea iešalddes árvosátni, buorre árvosátni gánske. Muhto ii dat lean nu buorre gal.
2 kommentára:
Čiisos man ollu nagodiige arvit dien oanehaš áiggis!!
Juo, jurddaš. Dat beare gahčai vulos. Mun geahččalin jurddašit: Jáhá, dát lea várra árgabeaivi Guovdageainnus, dat lea várra ná muhtumin. Easkka maŋŋil ipmirdin ahte lei erenoamáš arvi leamašan.
Post a Comment