Ođđa blogga Allaskuvllas

Ihttin mii vuolgit
šaddá somá
Muđui lean dál divttaid máilmmis
čálán ja čálán
ja dat manná bures
muhto jearaldat lea gosa galggan dáiguin divttaiguin
Galggan go čohkket daid čoakkáldahkan?
vai mot? almmuhit daid weappas? Dat livččii maid vejolaš
Mis ledje somás digaštallamat duorastaga vai goas lei
gaskavahku? Šattai hupmat dan estetihka birra
ja mot mii gávdnat iežamet stiillaid
- miellagiddevaš jearaldagat.
Dál lean akto kántuvrras
Áiggun váffelruovddi bassat ja bidjat ruovttoluotta dohko gievkkanii
ja de hálidivččen oahppat dáid govvenapparáhtaid atnit
(mon ikte ohppen ahte kámera gal orru leamen beare videokámera
- vaikko ruoŧagillii lea kámera, dat govvenapparáhtta nai)
Juo, muđui mus eai lean nu ollu ságat.
Gulahallat!
Dehe juo, mus lea juoga, rievtti mielde
Ođđa blogga, maid studeanttat ožžot atnit dál go sii leat mátkkis
http://www.allaskuvla.blogspot.com -nammasaš báiki. Fina, jos dus lea dilli :)

ruoŧagieldivttat

Dat lea nu ollu juste dál, ja mon lean dakkár olmmoš gii in leat nu beare čeahppi copet with dainna streassain. Mon baicce reageren nu ahte mon čohkkán dihtora ovddas bloggeme dehe divvume mu iežan divttaid. Divttat leat oainnat mu ođđa prošeakta. Mon lean čállime ruoŧagillii ja dat dovdo hui bures. Sáddejin muhtin 30 divtta árvvoštallamii mu olbmá luhtte Stockholmmas ikte ja odne ožžon gullat ahte son liikui daidda. Mon lean nu ilus dan dihte :)

När tomten kommer
gäller det att smila
och svara rätt
Jag kan bägge delarna
Men hjärtat i mig
längtar efter ett möte.

Dat lea dieđusge álohii váttis ráddjet čállosa ja diehtit guđe divttat čáhket girjái. Mus leat juo 29 divtta mat mu mielas (odne) galggašedje mielde. Muhto ihttin lea eará beaivi ja dat lohku manná veahá bajás vulos mu iešráhkisvuođa báruin ;)

Mon lean dál vuolgime ovtta bargoskihpára lusa ráhkadit borramuša. Dan maŋŋil boađán fas deike bargui. Mus báhcet ollu barggut barggakeahttá odne. Ferten daid dikšut. Muhto dan ovdal: boddu. Mon dárbbašivččen guhkit bottu. Muhto dat šaddá goitge muhtin diibmu.

Dál dovdo buorebut. Mus lea juo okta PowerPoint, dat lea dál beare heivehit dan ihtáš logaldallamii. Dat manná ovddosguvlui. Dál válddán bottoža, hálidan blogget veahá, čállit ahte dovdo buorebut. Hupmen eske Stockholmmain, gullen ahte dat váillahit mu doppe. Lea dieđusge buorre gullat. Ahte olbmot hálidit muinna hupmat ja bargat.

Mon ipmirdan maiddái ahte mus leat buorit olbmot dáppe Guovdageainnus. Mis lea olles allaskuvla dáppe dievva intellektuála olbmuin geat dovdet Sámi siskko- ja olgobeali. Dat lea lyx. Dat ii leat juohke gilis, ii ge juohke gávpogis. Dat biras lea juste dáppe. Sáhtán beaivválaččat beavdádit ođđa prošeavttaid, ja de oaččun áššái guoski kritihka dasa :)

Duorastat lei nu somá. Muitalin go? Sáhka lea dál aerobic. Dat manai nu bures ahte lean áibbas sihkkar ahte dievvá boahtte váhku nai. Ferten beare geargat ohcat ođđa musihka. Dat ledje muhtin guokte lávlaga mat eai riekta soahpan. Muhto dat lea somás bargu :)

mu healga

Bearjadaga leimmet mu luhtte, boraimet guoli ja rivnniid (vai mii bat ris lea sámegillii?), ja váffeliid maŋŋeborramuššan. Mis ledje olles golmmareahtamállasat ovttas ovdareahtain nai :)

Ikte fas Boddus. Dánsiimet veaháš. In mon nagodan nu ollu.

Dál lea sotnabeaivi ja mon lean barggus... Lean váiban.

ozan musihka

Fitnen girjerádjosis, ja ožžon mielde muhtin skearruid. Earret eará Frode Fjellheim Aejlies gaaltije. Lea áibbas buorre skearru. Hui somá gullat. Jurddašin speallat muhtin lávlagiid go mii stretchet eahkedis aerobica maŋŋil: Aejlies, aejlies, aejlies, Jupmelen laampe (mii lea buot buoremus!) ja Golme aejkien.

Muđui jurddašin bidjat ge eará ođđa musihka. Na, ođas dan dáfus ahte mon in leat ovdal atnán dan doppe. Van Halen: Ice Cream Man, Ain't Talking 'bout Love. Deatnogátte Irene ja Tore: Rávdnen Niigá, Darran. Mari Boine Soagŋosilbbat (ođđa skearrus Čuovgga áirras/Sterna Paradisea).

Fitnen Annmariandersen.blogspot.com ja gávdnen muhtin buriid govaid ja vel ovtta YouTube-čuohpanasa, mii lei erenoamáš. Dat lea Carola. Son lea fantásttalaš - su eneršiijat leat fantastásttalaččat. Aleksander Rybak, mii maiddái lea mielde dán čuohpanasas, heive bures dan rollii: Čáppa bárdni. Lea hui somá oaidnit dan, ja mon ávžžuhan din gullat dasa, jos lea astu. Lea veahá suddu ahte govva ii čuovo jiena riekta loahpas, muhto dat dohkke. Soai leaba nu erenoamážat :)

Mu čiehka

Mu čiehka.
Lea dás.
Mon veardádalan molsut mu blogga nama fas
Jos várra bijan "Mu čiehka" namman?
Dehe Ville čiehka?
Ii-e. Mu čiehka lea várra buoret. Dat lea nu miellagiddevaš
ahte eallin ii goassige bisán
Dat beare manná ovddosguvlui
Ii várra olles áiggi
muhto mii fertet muhtomin vearddádallat
maiddái daid áššiid mat leat šaddan midjiide identiteahttan
dehe goit identitehttii guoski diŋggat
nu go iežan blogga namma
Mon jáhkken ahte ledjen gávdnan muhtinlágan loahpalaš
veršuvnna
Muhto in. Dál dovddan ahte eallin ferte mannat viidáseappot
Dat ii leat šat seamma dehálaš munnje riidalit
daid eksluderen- ja inkluderenáššiid alde
Mon in leat šat seamma punk. Sápmi fûr alle ii šat doala.
Mon in šat gille.
Mon lean boaris šaddame.
Dat lea okei.

Dikta nr 1258

Mon lean ođđa kántuvrras
Mon čohkkán eahkesbotta
Mus lea buorre eallin
Mon in dieđe eará
Mon lean jurddašan ahte kánske
finan doppe Campingas
Henriette luhtte
go doppe lea muhtinlágan eahket
biktasiidlonuhallaneahket
dehe manin nu gohčoduvvo
Muhto mon in dieđe
Dat lea nu buorre čohkkát akto
kántuvrras
go Kent čuojahit radios
ja Guovdageaidnu lea sevnnjodan
lásiid nuppibealde
Mu čuovga čuovgá ain.

Studentkroa Marrasis

Mon lean dál sádden kánske 200 bovdehusa otná studentkroai Marrasis, mas Bjørn Jens ja Jimmy Clarc čuojaheaba live. Šaddá miellagiddevaš oaidnit bohtet go olbmot, ja leaba go dat amerihkalaččat - Bjørn ja Jimmy - čeahpit. Bjørn várra ii leat amerihkalaš... go sus lei diekkár namma. Na, dalle lean várra gielistan, go čállen ná:

Allaskuvlastudeanttat ja earát,

Odne (dis. 6.10.2009) lea studentkroa Marrasis dii 20 rájes. Live musihka čuojaheaba Bjørn Jens ja Jimmy Clarc, mat leaba boahtán USA:s gitta deike min márkanii guoimmuhit min.

Sisamáksin lea 50 NOK studeanttaide ja 100 NOK earáide.

Bures boahtin! rávká Alfred.

Oaidnalit doppe!

mon čorgen ja čorgen :)

Dat lea nu somá
Mon čorgen ja čorgen dán dokumeanttas :)
Dat lea munno Victoriain spealu SAMESNACK speallogirji
- veahá grammatihkka
muhtin dearvvahancealkagat
Mon in mana ruoktot odne
Mon bázán deike bargui
:)

ráigánan sihkkeljuvla

Lávvordaga manai diet singelpanihkka
Mon ledjen ruovttus olles beaivvi
ja ipmirdin ahte ii leat nu heajos eallin
lokten bures akto
álgen čállit divttaid
Mon in diehtán ahte mus lei singelpanihkka
muhto dál go dat lea mannan eret
de sáhtán várra mieđihit ahte mus lei juoga diekkár
Dál in hálit eará go sihkkelastit ruoktot
čállin dihte eambbo divttaid :)
muhto mus lea okta váttisvuohta
dat guoská mu ođđa sihkkela
Das lea ráigánan maŋŋejuvla
Dat dáhpáhuvai odne
Mon dieđán ahte ii leat lohpi nu jurddašit
muhto mon váibban go jurddašan dan ášši
Dál mon šattan máksit
Mon livččen várra galgan ipmirdan
manne ožžon sihkkela luoikkasin
- das ledje measta ráigánan juvllat
Muhto mon sáhtán maiddái váldit dan proaktiivan
ja lohkat ahte dat manná bures
Dál finan ByggMixas gullaskuddat lea go sis ođđa juvla
dan fiinna sihkkelii.

intellektuella ruoktu

Mon čorgejin ikte. AX lei buktán muhtin kássaid mu lusa, maid ikte rahpen. Dain gávdnen vaikko man ollu buriid girjjiid. Mu ruoktu lea fas šaddan dakkár intellektuella ruoktu. Gávdnen diktagirjjiid ja álgen seammas ieš ge čállit divttaid.

Gávdnen maiddái skearruid maid in leat oaidnán muhtin jahkái. Europe ja Blossom Dearie. Blossom Dearie lea maiddái YouTubes, lávlagiin I won't dance:

Musihkka :)

Gullat musihka lea nu buorre. Mon dál gávdnen ovtta skearru Jungle Brothersaiguin. "Down with the Jbeez". Ja "V.I.P.".

Mon ledjen váiban, ja go mon gullen dáid tovnnaid de ožžon liigenávccaid. Muhto dál go čálán dan birra, de dovddan ahte juo lean daid liigenávccaid gollan. Dál dárbbašan ođđa lávlaga. Ja dat boahtá.

Mon jurddašin várra fárret odne. Dat leat oainnat mearridan ahte mon galggan fárret dáppe eará sadjái vuosttaš dásis. Muhto mon in dieđe doaibmá go mu čoavdda doppe ođđa kántuvrras. Ja jos ii, de fárren vuos ihttin. Dál ferten mannat iskat doaibmá go.

Mii gulahallat!