210 logakeahtes mailla

Mus ledje 210 logakeahtes mailla mu Yahoo-mailbovssas. Dál mus lea dušše okta. Mon čorgejin ikte. Dat manai bures. Mon suhtten nu hirbmadit go diet báŋku giddii mu beassama. Mon ledjen oainnat lohpidan bidjat veahá ruđaid mu olbmá kontui. Ja de ledjen vajálduhttán mu beassansáni, ja čállen boasttut golbmii, ja dalle giddejuvvo. Mon suhtten ja mearridin liikká sáddet muhtin mailla, maid in lean sádden vaikko livččen galgan leat sádden. Na na. Dál ikte sáddejuvvui, ja de čorgejin dan maŋŋil. Dat luovvanii. Ollu návccat luovvanedje go ledjen sádden dien mailla :)

Fan fan fan, dál dat lea mannan beare guhkás. Dat giddejedje mu báŋkku, dehe beassanvejolašvuođaid. Fy fan. Mon suhtan ja mon suhtan ja mon suhtan. Ooooh, dát lea nu heittot visot. Mon in hálit dákkár kaosa. Fy!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Mot heađis sáhttá muitit buot beassansániid?
Maid barget olbmot muittážit daid?

Lohken L8-Lee blokkas (Šthlm ligger mitt i mitt Sápmi, dehe ain buoret Šthlm lea gasku-Šápmi) ahte munno Lottain girji Köttjuven lei namuhuvvon Norrbottens-Kurirenis, ja dat lei duohta. Regine Nordström lei čállán Annica Wennström Skuggrädsla birra, ja dasto maiddái veahá min girjji birra:

Trots det allvarliga temat är romanen mest lekfull. Författarna laborerar med både fotografier och olika grafiska element som urklipp, och tillsammans med de hejdlösa idéerna, det här är två barn ur barndeckarkåren som också reder upp jaktbrott på Djurgården, och det ovanliga infallet att låta erövrandet av en dubbelidentitet handla om morbror Lasses transvestism, gör Köttjuven till en överraskning i den svenska barnlitteraturen.

Ja de loahpahallá:

Liksom Skuggrädsla är den dock väl ordrik. Ibland berättas det mer än det gestaltas och kanske är det är det svårt att välja bort - när det är om så mycket man vill tala?

Ja diet maŋemus cealkka lei miellagiddevaš, ja vel konstruktiiva kritihkka. Soaitá leat beare sátnerikkis, diet girji.

Dikta go bargomokta lea vuolgán

Go návccat nohket, de dat nohket.
Mon čohkkán ain barggus, muhto barggan go?
Mon hálidivččen mannat lohkat dehe čállit
mannat eará sadjái. Dáppe lea aivve moivi

go hoavda maid lea mannan ruoktot.
Mii dalle bázahallá? Barggut mat eai leat seamma
dehálaččat? Vai mii? Muhtin duosttahis bargit
geat eai ieža gávnna ruoktot? Mon gulan

daidda, dat lea visot maid mon dieđán.
Ja dat lea suddu. Go livččen loaktán nu mihá
buorebut jos livččen áigá juo mannan ruoktot
guođđán visot. Diet lei otná váidi.

Seavdnjadasa hástalusat

Lehpet go fuobmán juo ahte lea boahtán ođđa nuoraidgirji!!!

Loga vuosttaš logi siiddu das dáppe:

http://www.davvi.no/db/pcbdavvi/pdf/978-82-7374-635-1.pdf

Film er best i Kautokeino

Mon guovllastin Sámi Filbmafestivála prográmma, ja oidnen ovtta almmahus mii boagustahtii mu:

Film er best i Kautokeino. Kautokeino film AS. www.kautokeinofilm.no

Ieš dat ruovttusiidu ii sisttisdoala nu ollu, muhto almmuhus lei dan mađi somá ahte lei bággu munnje namuhit dan dáppe.

Guovdageainnus lea dál "iv world reindeer herders' congress" (~boazodolliid 4. máilbmekongreassa). Mon ledjen doppe fitname guktii disdaga, guldalin moadde minuhta. Muhto. Go ii lean miellagiddevaš, de bidjen fas bargui.

Buot logaldallamiin lei okta oktasaš cealkka: "Lea hui dehálaš seailut boazodoalu." Ja muhtomin fas: "Lea hui dehálaš doalahit boazodoalu nu go dál lea." - Mon váiben. Diet kongreassa ii leat munnje miellagiddevaš. Maŋŋil gullen ahte lea várra buorre sidjiide geat leat ruoššabealde eret, go sis ii leat eará organiseren go dát, ja ahte sáhttá leat dehálaš sidjiide. Dat lea várra nu. Muhto dat ii váikkut mu dilli - kongreassa ii leat munnje miellagiddevaš.