Sámi dáidakritihka birra

Mon lohken dál sideoppsidened.livejournal.com ja dat lei miellagiddevaš. Ovdamearkka dihte čuožžuha ahte sámit sáhttet ráhkadit dáidaga mii ii leat sámi dáidda.

Mon gulan hálddahussii

... ja dat lea dábálaččat somá. Munnje heive. Dábálaččat. Veahkehit dutkiid. Muhto duollet dállet go mis lea ođđa jurdda hálddahusas, ja dattetge eat menestuva čilget dan buori vuohkái, ja fágabargit jotket seammaládje go ovdal, ja lohket:

- Hálddahus lea hálddahus ja fágabargit leat fágabargit.

Dalle sáhtán muhtomin váibat. Buorre munnje ahte mus dalle leat skájanasat.

Okei, mon sáhtán mieđihit ahte ii leat systema dies mii manná bures ja das mii ii leat okei. Dat beare dovdo muhtomin, ahte juoga ii lean rievttes guvlui. Muhto nu dat ferte leahkit barggus, dieđusge. Ferte váldit vuostá. Leahkit proaktiivan :)

"Proaktiiva" ja "veaigi"

Maŋŋilgaskabeaivi fas. Dehe veaigi, nugo muhtomat dáppe Allaskuvllas dál lohket. Go galgá presiseret dihto ášši, de bohtet dieđusge dihto boares sánit fas atnui (ja dasa lassin vel ođđa sánit dieđusge, muhto dat lea eará ášši). Ja de báifáhkka geavahit buohkat dien sáni. Dat gullo juohke sajis.

Veaigi lea dakkár. Mon in gullan dan guokte jagi áigi. Muhto dál. Ja nubbi diekkár doaba mii geavahuvvo nu ollu ahte ii leat leaika lea diet proaktiiva.

- Geahččal dál leahkit proaktiivan!

Dehe:

- Dál leat áibbas proaktiivan! Buorre!

Mon gullen sáni vuosttaš háve Nils Gaupa njálmmis, muhto dasto lean gullan ahte lea dábálaš doaba eamitálbmotdutkamis. In dieđe lea go nu. Oažžu nu leahkit. Mon goit geavahan doahpaga maiddái, ja dat lea čákŋan sisa mu románii maid.

Vuoi, mon dárbbašin dan. Ovtta diimmu. Okta diibmu sáhttá leat nu dehálaš. Jos beare oažžu dahkat maid ieš hálida dahkat. Ja dan mon ožžon. Mon čállen veahá (dehe sihkkon egentlig eambbo) mu románas. Fiksejin veahá. Ruoŧagillii livččen dadjan: Gå och skrota. Mon dárbbašan skrotet veahá.

Ášši lei ahte moai Maximain galggaime olggos. Ortnegis. Barggu maŋŋil. Ja doppe dat meattáhus lei. Barggu maŋŋil. Mon in láve loaktit go jugan barggu maŋŋil. Dál dat šaddá baicce eahkedis. Mon válden ja skrohttejin diimmu. Dál beasan čállit mu blokkas. Váldit áiggi dasa.

// Ville

Mot šaddá ahte mon dál in šat čále?

- Mon sáhtán goitge várret áiggi dál muitaleažžat ahte odne lea V-forum čoahkkinlanjas. V lea vetenskapsteori ja Victory. Diibmu 15:00. Didjiide geat beroštit. Grete Bergstrøm ovdanbuktá čuolmmaid iežas dutkanprošeavttas.

Asttuáiggedoaibma / Bođuáiggedoaibma (lustaáiggis)

Mon dovddan dárbbu astuáiggis. Lea nu somá barggu maŋŋil. Dan mon ferten lohkat. Dál, go oaččun buriin oamedovdduin bargat dan maid ieš hálidan :)

Muhto mus lea dieđusge hommát maid ferten čoavdit astuáiggis. Nu ahte dat ii álot šatta nu hirbmat ollu friddjavuohta astuáiggis ge. Nu go dál. Mon berrešin ovttatmano čuoigat Coopii oastit juoidá borrat. Mon han lean lohpidan mu moarsái ahte mon hágan dan, ja son boahtá 6-áigge, ja dalle berrešin leahkit fas dáppe barggus. Plána mielde galgat mii doallat sámegielkurssa dáppe Kulturviesus diibmu 19.00, ja dan ovdal berrešeimme geargat borramis.

Ja kursa bistá guokte diimmu. Dasto čuige ruoktot, jos A:s leat sabehat. Jos ii leat, de sáhttit várra oažžut sáhtu muhtin biillas.

Mon han in sáhte dál beare blokkas čohkkát, World Wide Weappas. Mon ferten eará hommáid hommet. Nu go ráhkkanit kursii. Mus ferte leat juoga muitalit :) ja dat šaddá sihkkarit mihá buoret jos ráhkkanan ovdalgihtii. Muhto, ii olmmoš álohii geargá... go hálida atnit friddjaáigi...

Lean álgán mannat čađa mu blokka ohcan dihte buriid teavsttaid, vai sáhtán girjji almmuhit: "Sápmi für alle - Mu jurdagat bálgá nalde..."

Muhto mon in gávnna go ruska. Joa, okei, mon gávnnan muhtin teavsttaid mat leat buorit. Muhto stuorit oassi gal lea ruska. Mon in riekta ipmir ahte mon dohkkehan dan ahte lea nu ollu ruska mii boahtá olggos nehttii mu namas. Muhto in mon dál gille čorget iežan blokka.

Buorre bargu

Mon barggan. Ja dieđát go maid? Dat lea somá :)

Ii leat dieđusge juohke vahku ná somá. (Odne illuda, ihttin čierru, nu go lestadiánalaččat lohket.) Muhto odne lea buorre. Mon sáhtán vuoigŋat barggus :) Yippie!!!

Lean juste bovden buohkaid (ja du maid - boađe beare!) V-forumii, mii lea dieđateorehtalaš forum Sámi allaskuvllas, Guovdageainnus.

http://www.samiskhs.no/aktivitet.php?id=124&time=132

Ja deaddil Informasjon jos áiggut eambbo lohkat.