Mástorándi

Gáfe jugadettiin álget olbmot hupmat. "Makes people talk" lea vissa čottatableahttafitnodaga Läkerol čuorvvoscealkka, muhto dat livččii seamma bures heiven gáfferekláman. Áššit jorret njálmmis njálbmái, jorgalit fas ruovttoluotta, ja nu dat manná. Nu šattai ge odne kriisa roassun. Roassu ii heiven go 40-jahkásaš dievdu álgá geahččat nuorra nieiddaide ja duođaid doaivu ahte sii leat su maŋis. 40-jagi-kriisa lea várra vuohkkaset go 40-jagi-roassu. Vai lea go? 40-jagáš dievddu, man birra dás lea sáhka, sáhttá maid gohčodit mástorándin.

mástorándi s. vanskelighet, vanske

Nu čuožžu sátnegirjjis (Kåven/Jernsletten/Nordal/Eira/Solbakk). Mearkkašan veara ii čuoččo mihkkege dán sáni birra Sammallahti ja Nickela Sámi-duiskka sátnegirjjis, mas dábálaččat gávnnan visot maid ozan. Juste dán áššis lea Kåven et al sátnegirji ollislaččat.

Mástorándi ii leat dušše dievdu. Mástorándi lea juohkehaš gii muosehuhttá. Jus dus lea beana, dehe mánná, de sáhttá beana ja mánná leat mástorándi, jus don ovdamearkka dihte hálidat mannat festii. Jus hálidat Johkamohki márkaniidda, de it várra beasa dohko beatnaga dihte - go fertet dan pásset. Mástorándi, mii doallá du ruovttoluotta. Jus hálidat niidet. Ja niidet ii leat seamma go nissonastit, vaikko čuožžu gal sátnegirjjis ahte lea sullii seamma. Niidet lea "være ute etter jenter" ja nissonastit lea "være ute etter kvinnfolk" (Kåven et al, s 354-355), muhto go geavahan dáid guokte sáni gáffebeavddis, de leat reakšuvnnat goappátláganat. Nissonastit lea fastes sátni ja mearkkaša sullii gieibmat, dehe neavzut. Niidet lea juoga mii lea áibbas dohkálaš. Nu lean goit mun ipmirdan ášši.

Gal dat gávdnojit áššit.

Dokumentára Áillohačča birra YouTubii

Joa, dál lea muhtun lasten bajás dokumentár-ealligova Áillohačča birra YouTubii. Lea buorre filbma.

Rahkas Sámi jienaiguin

Dán vahkkoloahpa lean lávlon ja juoigan Sámi jienaiguin Rahkka-nammasaš báikkis Davvinordlánddas. (Bjerkvik dárogillii.) Odne (sotnabeaivvi) bohten ruoktot, ja dál gozán. Geahčan go New England Patriots dahká nuppi touchdowna New York Giants vuostá Super Bowl-finálas.
Lei somá Rahkas. Lei somá lávlut. Lei hui somá deaivvadit earáiguin. Mii hárjehalaimet girkus.

Mun govvejin...

... ja govvejin.

Ihttin (dehe odne, mánnodaga) lea Sámi álbmoga beaivi. Dan mii ávvudit Báktehárjjis. Mun sávan ahte don oaččut fiinna beaivvi. Lihkku! :)

Professorgákti

Lean dál diŋgon nu gohččoduvvon sátnejođiheaddjigávtti, dehe professorgávtti, dehe doavttirgávtti. (Kärt barn har många namn.) Ja lean dan vel viežžan odne. Šattai nu fiinnis ja mun lean nu duhtavaš :)

Maid don gáđat?

Dát ii leat buot movttiidahttimus artihkal mii gávdno Interneahtas, muhto gánske dárbbašlaš dehe muhtun vuohkái buorre. (Dá lea liŋka The Guardian ruovttosiidui, namuhuvvon artihkkalii.)

Dás mun lean kopieren artihkkala sisdoalu (dehe rievtti mielde dušše dan bajilčállagiid), ja vel jorgalan sámegillii muhtun osiid.

Top five regrets of the dying

A nurse has recorded the most common regrets of the dying. There was no mention of more sex or bungee jumps. Here are the top five regrets of the dying, as witnessed by Bronnie Ware:

1. I wish I'd had the courage to live a life true to myself, not the life others expected of me.
2. I wish I hadn't worked so hard.
3. I wish I'd had the courage to express my feelings.
4. I wish I had stayed in touch with my friends.
5. I wish that I had let myself be happier.

Ja loahpas čállá vel: What's your greatest regret so far, and what will you set out to achieve or change before you die?

Vihtta dábáleamos gáhtama jápmima ovdal

Buohccedivššar lea bádden dábáleamos gáhtamiid ovdal jápmima. Ii oktage namuhan seavssa dehe bungee njuikumiid. Dá leat baicce maid Bronnie Ware lea gullan:

1. Livččen galgan eallit eallima eanet duohta alccesan, in ge earáid vuordámušaid dihte.
2. In livčče galgan nu garrasit bargat.
3. Livččen galgan dovdduidan dovddastit ja čájehit.
4. Livččen galgan rátnaiguin doallat oktavuođa.
5. Livččen galgan suovvat iežan ilolaččat orrut.

Loahpas čállá vel: Maid don gáđat ná guhkás, ja mot don áiggut bargat olahan dihte dehe rievdadan dihte dan, ovdal go jámát?

A successfully lucky day, for a Sami

Há há, dát lei somás filbma. Oanehisfilbma mii lea bušeahta haga ráhkaduvvon, dehe nu go maŋŋeteavsttas čuožžu: A Zero Budget Production by idi Studios. Áibbas somá. Per-Josef Idivuoma lea čállán ja filbmen bihtá. Somás bargu, mu mielas, mii mohkahallá duohkot deike ovdal go nohká. A successfully lucky day, for a Sami. On YouTube.

Sátneriggodat

Otná sátni: Čeammet, nammalassii jammet, to jam (en.) Oidnen dan Facebookas Gitárahasaid ruovttosiiddus.

Stávenvuogi mielde, sáhttá dan várra lohkat seamma sátnejovkui go čáffat, mii mearkkaša tøffat, dehe tufft, nu go mii Ruoŧas livččiimet dadjan.

Čuoigantuvra vuohon :)

Fitnen odne maid čuoigamin. Lea nu somá, mus lea juohke beaivvi miella čuoigat. Ginalvárrái čuigen. Nu somá go lea nu lahka. Sáhtán ovttatmáno návddašit luonddu, ja sáhtán vel čuoigat albmaládje go lea láhttu. Hui buorre! Ii leat seamma buorre láhttu dáppe dán bealde ruskkaidsirrenstašuvnna, maŋemus kilomehtera. Muđui lea áibbas buorre láhttu. Govvejin veaháš... Govvejin maiddái lottiid dehe cizážiid mat dál leat deaivan deike siepmaniidda maid mun lean bidjan olggos. Eai leat vuos borran buoidespáppas man lean dohko heŋgen, muhto dat gal várra álget ihttin... Govvejin maiddái sihkkela... :)






Videobloggejin maid, ja bidjen YouTubii...

Blake Griffin's Huge Dunk Over Kendrick Perkins

Oh yeah, dunk of the year. Diet lea duođas fancy.

I see it over and over again. It is so beautiful. Vaikko ii deaivva gal njuolgga korii. Muhto lea liikká nu ollu power dies. Mun duođaid liikon.

Dicken ja guokte nuora coverit "Everything Counts"

Somá gullat. Ja beanta ártet ahte leat nu čeahpit. Ferte leat juogalágan trick-filbma, ii go?

First Aid Kit - Dancing Barefoot

Ruoŧa joavku Stockholmas eret. First Aid Kit. Nu lea namma. Guokte oappá. Dás lávluba Patti Smithe "Dancing Barefoot". It is kind of good, isn't it? Kánske menddo oanehaš. Mun livččen hálidan vel 30 sekundda. Muhto diet dovdu - ahte hálida eanet -dat lea buorre dovdu, ja sii leat čeahpit go nagodit oažžut mu dan vásihit.


Ja go lávluba Johnny Cash "Walk the Line", de lea ná:


Lávluba gal olggos bures. Lea somá gullat.

Čuoigantuvra ja noveallačállin

The poetic. Dál logan Anders Widmarka nákkosgirjji. Vuosttaš oassi lea definišuvnnaid birra. Mii lea novealla? Mii lea dikta? Mii lea prosadikta? Mii lea romána? Son addá ovdamearkka mas Ernest Hemingway lea čállán olles romána guđa sánis (dehe jus ii leat olles romána, de lea goit novealla). For sale: baby shoes, never worn. Dat lei visot. Das lea álgu, gasku, ja loahppa. Dat lea olles muitalus. Widmark sitere maiddái muhtun Twitter-čálli gii lea Teheranas čállán čuovvovaš teavstta Twitterii 16.6.2009 (juste go presideantaválggat ledje čađahuvvon) ja lei taggen teavstta "iranelection". Twitterteaksta, mii suige dohkke románan, lea ná: "140 characters is a novel when you're beeing shot at." Dat várra dohkke románan? Dehe short storyn. Lea goit dan mađi literára, ja lea dan mađi sisdoallu ahte olmmoš suige hálida dan klassifiseret eará go dušše cealkkan. Ii leat dušše cealkka. Lea muitalus. Máinnas. Novealla. Romána.

Mun fitnen olgun. Lea sotnabeaivi. Ii šaddan sisbandy. Ean gártan go guokte viššala. Mannen ruoktot, lohken Andersa girjji. Borren spiidnebacona. Ja moni. Vulgen olggos čuoigat. Lea nu lahka, láhttu. Lihkus. Ilolaš mun.


Dákkár "hámaga" osten Suomas ikte. Lea várra hui buorre go lea buolaš. Mis lea 22 buolašgráda dáppe badjin. Eanu mielde lea sihkkarit mihá galbaset, 24-25 gráda. Lean bidjan Deep Purple-čuojahanlisttu čuodjat YouTubes.

Anders lea inspireren mu čállit novealla. Oanehis novealla. Mus leat leamašan hástálusat fictiona ektui maŋemus jagiid. Lávejin čállit fikšuvnnalaš teavsttaid duollet dállet. Na olu, rievtti mielde. Muhto de čállen albma teavsttaid, čállen beaivegirjji, ja ráhkadin das girjji, maid attiimet olggos. Dan maŋŋil hálidin joatkit seamma stiillas, čállit albma áššiid. Ja nu hálidan dál maid. Muhto fikšuvdna sáhttá leat buorre dat nai. Dál lean fas duosttan hutkat ovtta historjjá. Áiggošin geahččalit nu dahkat muhtumin. Lea buorre, jáhkán, dat sáhtášii leat hui buorre mu flowii. Livččii somá dan oažžut johtui fas.

Bloggenjurdagat

Áigegeavaheapmi. Lean fargga vuolgimin sisbandy spillet, nu ahte ii šatta gal nu čiekŋalis analysa. Muhto. Áigegeavaheapmi. Mun bijan veaháš áiggi juohke beaivvi bargguide nu go omd iskat Facebook ja čállit blogga. Mun livččen sáhttán geavahit áiggi eará vuohkái, livččen sáhttán investeret dan eará bargguide. Livččen sáhttán čállit girjji, dehe geahččalit čállit girjji. Muhto lea dieđusge álkkit beare ná čállit juoidá summal bloggii. In dárbbaš ge nu ollu jurddašit. Bijan muhtun govaid maid lean váldán. Báhcá dovdu ahte livččen sáhttán dahkat juoidá eará, kánske juoidá mii livččii addán munnje ja earáide eanet. Muhto dál válljen nu go dagan. Sihke bloggas ja Facebookas lea árvu. Muhto in dieđe gal man guhká cevzet. Bohtet go 100 jagi geahčen ain eallit, vai leat go dalle jávkan?

Come Sunday / Boađe sotnabeaivi

Beaivi oidno. Mun ikte govvejin dan.

Rahpen verandauvssa.


Ja govvejin vel njuolgga sofás.


Finaime A:ain Suomas tuvra.


Lei buorre tuvra. Ja eahkedis spealaimet Axis & Allies, mii lea okta brehtespeallu. Mun govvejin dan maid.


Mun ieš ledjen Duiska, Sáksa, Germany, Tyskland, Deutschland.


Mun geahččalin govvet. Lei somá oaidnit suoivaniid figuvrraid nalde.


Gearggaimet easkka ihkku. Eat gal geargan, muhto dalle leimmet ožžon doarvái.



Duke Ellington lea čállán "Come Sunday". Dás gullo Booker Ervin, pianista, speallamin lávlaga. Lea juo šaddan sunday. In mun leat ollen dan maid galgen. Muhto nu lea. Juoidá gal lean bargan.

"Poor Eric" Jackie McLean

A nice song by a guy called Jackie McLean. I have to confess that I don't really know this McLean. I've heard his name and seen his picture, but I haven't really listened. Today somebody reminded me that there is a good recording with Jackie McLean and Dexter Gordon, called "The Source" and so I got interested in this McLean. The song (/tune?) called Poor Eric is a nice one. I found it on YouTube.